കോട്ടയം-എറണാകുളം റെയിൽവേ റൂട്ട്; യാത്രാക്ലേശത്തിന്​ അറുതിയില്ല, പ്രതിഷേധ വഴിയിൽ യാത്രക്കാർ

കൊ​ച്ചി: കോ​ട്ട​യം-​എ​റ​ണാ​കു​ളം റൂ​ട്ടി​ൽ റെ​യി​ൽ​വേ യാ​ത്ര​ക്കാ​രു​ടെ ദു​രി​തം അ​വ​സാ​നി​ക്കു​ന്നി​ല്ല, ഒ​ടു​വി​ൽ പ്ര​തി​ഷേ​ധ​വു​മാ​യി യാ​ത്ര​ക്കാ​ർ. തി​ങ്ക​ളാ​ഴ്ച രാ​വി​ലെ പാ​ല​രു​വി എ​റ​ണാ​കു​ളം ടൗ​ണി​ൽ പ്ര​വേ​ശി​ക്കു​മ്പോ​ൾ വ​ലി​യ പ്ര​തി​ഷേ​ധ സം​ഗ​മ​ത്തി​നൊ​രു​ങ്ങു​ക​യാ​ണ് ഈ ​ട്രെ​യി​നി​ലെ സ്ഥി​രം യാ​ത്ര​ക്കാ​ർ.

പ്ര​തി​ഷേ​ധ​സൂ​ച​ക​മാ​യി യാ​ത്ര​ക്കാ​രു​ടെ സം​ഘ​ട​ന​യാ​യ ഫ്ര​ണ്ട്‌​സ് ഓ​ൺ റെ​യി​ൽ​സി​ന്‍റെ നേ​തൃ​ത്വ​ത്തി​ൽ യാ​ത്ര​ക്കാ​ർ ക​റു​ത്ത ബാ​ഡ്ജു​ക​ൾ ധ​രി​ച്ച് തി​ങ്ക​ളാ​ഴ്ച രാ​വി​ലെ എ​റ​ണാ​കു​ളം ടൗ​ൺ സ്റ്റേ​ഷ​നി​ൽ സം​ഘ​ടി​ച്ച് സ്റ്റേ​ഷ​ൻ മാ​സ്റ്റ​ർ​ക്ക് കൂ​ട്ട നി​വേ​ദ​നം ന​ൽ​കും. മ​റ്റ്​ സ്റ്റേ​ഷ​നു​ക​ളി​ലും പ്ര​തി​ഷേ​ധം ന​ട​ത്തു​ന്നു​ണ്ട്.

കൊ​ല്ലം മു​ത​ൽ കോ​ട്ട​യം വ​ഴി എ​റ​ണാ​കു​ളം ഭാ​ഗ​ത്തേ​ക്കു​ള്ള യാ​ത്രാ​ക്ലേ​ശം പ്ര​തി​ദി​നം രൂ​ക്ഷ​മാ​യി​ക്കൊ​ണ്ടി​രി​ക്കു​ക​യാ​ണെ​ന്നും തി​ര​ക്കു​മൂ​ലം ശ്വാ​സം പോ​ലും കി​ട്ടാ​തെ യാ​ത്ര​ക്കാ​ർ കു​ഴ​ഞ്ഞു​വീ​ഴു​ന്ന​ത് പ​തി​വാ​യി​രി​ക്കു​ന്നു​വെ​ന്നും ഇ​വ​ർ ചൂ​ണ്ടി​ക്കാ​ട്ടി.

പാ​ല​രു​വി​യി​ലെ തി​ര​ക്ക് പാ​ര​മ്യ​ത്തി​ലെ​ത്തു​ന്ന മു​ള​ന്തു​രു​ത്തി​യി​ൽ വ​ന്ദേ​ഭാ​ര​ത്‌ ക​ട​ന്നു​പോ​കാ​ൻ പി​ടി​ച്ചി​ടു​ന്ന​തും പ​രി​ഹാ​ര​മി​ല്ലാ​തെ തു​ട​രു​ക​യാ​ണ്. ബ​ദ​ൽ മാ​ർ​ഗ​മൊ​രു​ക്കാ​തെ വേ​ണാ​ട് എ​റ​ണാ​കു​ളം സൗ​ത്ത്​ സ്​​റ്റേ​ഷ​നി​ൽ സ്​​റ്റോ​പ്​ ഒ​ഴി​വാ​ക്കി​യ​തും പാ​ല​രു​വി​യി​ൽ തി​ര​ക്ക് വ​ർ​ധി​ക്കാ​ൻ കാ​ര​ണ​മാ​യി. ഒ​റ്റ​ക്കാ​ലി​ലും തൂ​ങ്ങി​ക്കി​ട​ന്നു​മു​ള്ള യാ​ത്ര നി​മി​ത്തം ക​ടു​ത്ത മാ​ന​സി​ക സ​മ്മ​ർ​ദ​വും ആ​രോ​ഗ്യ​പ്ര​ശ്ന​ങ്ങ​ളും യാ​ത്ര​ക്കാ​രെ വ​ല​ക്കു​ന്നു​ണ്ട്.

വേ​ണാ​ടി​ൽ വ​ർ​ഷ​ങ്ങ​ളാ​യി എ​റ​ണാ​കു​ളം സൗ​ത്ത്​ ഭാ​ഗ​ത്തെ ഓ​ഫി​സു​ക​ളി​ൽ സ​മ​യം പാ​ലി​ച്ച് എ​ത്തി​യി​രു​ന്ന പ​ല​രും ഇ​പ്പോ​ൾ തൃ​പ്പൂ​ണി​ത്തു​റ​യി​ൽ​നി​ന്ന് മെ​ട്രോ മാ​ർ​ഗം ടി​ക്ക​റ്റി​ന​ത്തി​ൽ​ത​ന്നെ പ്ര​തി​മാ​സം ഭീ​മ​മാ​യ സാ​മ്പ​ത്തി​ക ന​ഷ്ടം സ​ഹി​ച്ചാ​ണ് എ​ത്തി​ച്ചേ​രു​ന്ന​ത്. സ​മ​യം പാ​ലി​ക്കാ​നാ​വാ​തെ പ​ല​ർ​ക്കും ജോ​ലി ഉ​പേ​ക്ഷി​ക്കേ​ണ്ടി വ​ന്ന​താ​യും യാ​ത്ര​ക്കാ​ർ ചൂ​ണ്ടി​ക്കാ​ട്ടി. പാ​ല​രു​വി​ക്കും വേ​ണാ​ടി​നു​മി​ട​യി​ലെ ഒ​ന്ന​ര​മ​ണി​ക്കൂ​ർ ഇ​ട​വേ​ള​യാ​ണ് യാ​ത്രാ​ക്ലേ​ശ​ത്തി​ന് പ്ര​ധാ​ന കാ​ര​ണം.

ഈ ​ട്രെ​യി​നു​ക​ൾ​ക്കി​ട​യി​ൽ മെ​മു / പാ​സ​ഞ്ച​ർ സ​ർ​വി​സ് അ​ടി​യ​ന്ത​ര​മാ​യി പ​രി​ഗ​ണി​ക്ക​ണ​മെ​ന്നാ​ണ് യാ​ത്ര​ക്കാ​രു​ടെ പ്ര​ധാ​ന ആ​വ​ശ്യം. പാ​ല​രു​വി​യി​ലെ കോ​ച്ചു​ക​ൾ വ​ർ​ധി​പ്പി​ക്കു​ക, വ​ന്ദേ​ഭാ​ര​തി​നു​വേ​ണ്ടി പാ​ല​രു​വി മു​ള​ന്തു​രു​ത്തി​യി​ൽ പി​ടി​ച്ചി​ടു​ന്ന​ത് തൃ​പ്പൂ​ണി​ത്തു​റ​യി​ലേ​ക്ക്​ മാ​റ്റു​ക എ​ന്നീ ആ​വ​ശ്യ​ങ്ങ​ളും ഉ​യ​ർ​ത്തി​യാ​ണ് യാ​ത്ര​ക്കാ​ർ പ്ര​തി​ഷേ​ധ​ത്തി​നൊ​രു​ങ്ങു​ന്ന​ത്.

പു​ന​ലൂ​ർ-​ചെ​ങ്കോ​ട്ട പാ​ത​യി​ൽ 18 കോ​ച്ചു​ക​ൾ​ക്ക് അ​നു​മ​തി ല​ഭി​ച്ചെ​ങ്കി​ലും പാ​ല​രു​വി​യി​ലെ യാ​ത്രാ​ക്ലേ​ശം പ​രി​ഹ​രി​ക്കാ​ൻ റെ​യി​ൽ​വേ താ​ൽ​പ​ര്യം കാ​ണി​ക്കാ​ത്ത​ത് ഖേ​ദ​ക​ര​മാ​ണെ​ന്ന് ഫ്ര​ണ്ട്സ് ഓ​ൺ റെ​യി​ൽ​സ് സെ​ക്ര​ട്ട​റി ലി​യോ​ൺ​സ് ആ​രോ​പി​ച്ചു.