വടകര: ദേശീയപാതയിൽ മുട്ടുങ്ങൽ കെ.എസ്.ഇ.ബി ഓഫിസിനുസമീപം കെ.എസ്.ആർ.ടി.സി ബസിടിച്ച് ബൈക്ക് യാത്രക്കാരായ മൂന്നുപേർ മരിച്ചു. ശനിയാഴ്ച രാത്രി പത്തേകാലോടെയാണ് അപകടം. ബൈക്ക് കൊയിലാണ്ടിയിൽ രജിസ്റ്റർ ചെയ്തതാണെങ്കിലും മരിച്ചവരെ തിരിച്ചറിഞ്ഞിട്ടില്ല. കൊയിലാണ്ടി സ്വദേശികളാണ് മരിച്ചതെന്ന് സംശയിക്കുന്നതായി െപാലീസ് പറഞ്ഞു. കെ.എൽ 56 ക്യു-8619 ബൈക്ക് യാത്രക്കാരാണ് അപകടത്തിൽപെട്ടത്.
കോഴിക്കോട് നിന്ന് കണ്ണൂർ ഭാഗത്തേക്ക് പോകുകയായിരുന്ന കെ.എസ്.ആർ.ടി.സി സൂപ്പർ ഫാസ്റ്റ് എക്സ്പ്രസിൽ എതിരെ മറ്റൊരു വാഹനത്തെ മറികടന്നുവന്ന ബൈക്ക് ഇടിക്കുകയായിരുന്നെന്ന് ദൃക്‌സാക്ഷികൾ പറഞ്ഞു. രണ്ടുപേർ അപകടസ്ഥലത്തും ഒരാൾ ആശുപത്രിയിലേക്ക് കൊണ്ടുപോകവെയുമാണ് മരിച്ചത്.
അപകടസമയത്ത് ഇതുവഴി കടന്നു പോകുകയായിരുന്ന മുഖ്യമന്ത്രി പിണറായി വിജയൻ ഗതാഗതക്കുരുക്കിൽ പെട്ടു. മുഖ്യമന്ത്രിയുടെ നിർദേശപ്രകാരം പൈലറ്റ് വാഹനത്തിലെ പൊലീസുകാരടക്കം രക്ഷാപ്രവർത്തനം നടത്തി. മൂന്നുപേരുടെയും മൃതദേഹം വടകര ജില്ലആശുപത്രി മോർച്ചറിയിലേക്ക് മാറ്റി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.