സാ​ജ​ൻ ജോ​ർ​ജി​ന് ക​ണ്ണീ​രോ​ടെ നാ​ട് വി​ട​ചൊ​ല്ലി

പു​ന​ലൂ​ർ: കു​വൈ​ത്തി​ലെ തൊ​ഴി​ലാ​ളി ക്യാ​മ്പി​ലെ തീ​പി​ടി​ത്ത​ത്തി​ൽ മ​രി​ച്ച പു​ന​ലൂ​ർ ന​രി​ക്ക​ൽ വാ​ഴ​വി​ള സാ​ജ​ൻ വി​ല്ല​യി​ൽ സാ​ജ​ൻ ജോ​ർ​ജി​ന് ക​ണ്ണീ​രോ​ടെ നാ​ട് വി​ട​ചൊ​ല്ലി. വെ​ള്ളി​യാ​ഴ്ച വൈ​കീ​ട്ട് നാ​ട്ടി​ലെ​ത്തി​ച്ച്​ പു​ന​ലൂ​രി​ലെ സ്വ​കാ​ര്യ മോ​ർ​ച്ച​റി​യി​ൽ സൂ​ക്ഷി​ച്ച മൃ​ത​ദേ​ഹം ശ​നി​യാ​ഴ്ച രാ​വി​ലെ പ​ത്തോ​ടെ ബ​ന്ധു​ക്ക​ൾ ഏ​റ്റു​വാ​ങ്ങി. പൊ​ലീ​സ് അ​ക​മ്പ​ടി​യോ​ടെ വി​ലാ​പ​യാ​ത്ര​യാ​യി മൃ​ത​ദേ​ഹം സാ​ജ​ൻ വി​ല്ല​യി​ലെ​ത്തി​ച്ചു.

നി​റ​ക​ണ്ണു​ക​ളോ​ടെ കാ​ത്തു​നി​ന്ന​വ​ർ മൃ​ത​ദേ​ഹം എ​ത്തി​യ​തോ​ടെ പൊ​ട്ടി​ക്ക​ര​ഞ്ഞു. ദുഃ​ഖ​ത്താ​ൽ നി​യ​ന്ത്ര​ണം​വി​ട്ട മാ​താ​പി​താ​ക്ക​ളാ​യ വ​ത്സ​മ്മ​യെ​യും ജോ​ർ​ജ് പോ​ത്ത​നെ​യും സ​ഹോ​ദ​രി ആ​ൻ​സി​യെ​യും ആ​ശ്വ​സി​പ്പി​ക്കാ​ൻ എ​ല്ലാ​വ​രും പാ​ടു​പെ​ട്ടു. സം​സ്ഥാ​ന സ​ർ​ക്കാ​റി​ന് വേ​ണ്ടി ക​ല​ക്ട​ർ മൃ​ത​ദേ​ഹ​ത്തി​ൽ റീ​ത്ത് സ​മ​ർ​പ്പി​ച്ചു. എ​ൻ.​കെ. പ്രേ​മ​ച​ന്ദ്ര​ൻ എം.​പി, പി.​എ​സ്. സു​പാ​ൽ എം.​എ​ൽ.​എ തു​ട​ങ്ങി നി​ര​വ​ധി പ്ര​മു​ഖ​ർ അ​ന്തി​മോ​പ​ചാ​ര​മ​ർ​പ്പി​ച്ചു. പ്ര​വാ​സി​ക​ളു​ടെ അ​ട​ക്കം നി​ര​വ​ധി സം​ഘ​ട​ന​ക​ൾ പു​ഷ്പ​ച​ക്രം സ​മ​ർ​പ്പി​ച്ചു.

മൃ​ത​ദേ​ഹം ഒ​രു​നോ​ക്ക് കാ​ണാ​ൻ വി​വി​ധ മേ​ഖ​ല​ക​ളി​ലു​ള്ള ആ​യി​ര​ക്ക​ണ​ക്കി​ന് ആ​ളു​ക​ളെ​ത്തി​യി​രു​ന്നു. ശു​ശ്രൂ​ഷ​ക​ൾ​ക്ക് ശേ​ഷം ഉ​ച്ച​ക്ക്​ 12.30ഓ​ടെ മൃ​ത​ദേ​ഹം ന​രി​ക്ക​ൽ ബ​ഥേ​ൽ മാ​ർ​ത്തോ​മ പ​ള്ളി സെ​മി​ത്തേ​രി​യി​ലെ​ത്തി​ച്ചു. സം​സ്കാ​ര ച​ട​ങ്ങി​നും നി​ര​വ​ധി​യാ​ളു​ക​ൾ പ​ള്ളി​യി​ൽ ത​ടി​ച്ചു​കൂ​ടി. ശു​ശ്രൂ​ഷ ച​ട​ങ്ങി​ന് മാ​ർ​ത്തോ​മ സ​ഭ കൊ​ട്ടാ​ര​ക്ക​ര- പു​ന​ലൂ​ർ ഭ​ദ്രാ​സ​നാ​ധി​പ​ൻ ഡോ. ​തോ​മ​സ് മാ​ർ തീ​ത്തോ എ​പ്പി​സ്​​കോ​പ്പ നേ​തൃ​ത്വം ന​ൽ​കി.