പോക്കറ്റ്​ കാലിയാക്കും കാലിത്തീറ്റ

ആ​ല​പ്പു​ഴ: മി​ൽ​മ​യും കേ​ര​ള ഫീ​ഡ്‌​സും കാ​ലി​ത്തീ​റ്റ വി​ല​യി​ൽ സ്വ​കാ​ര്യ ക​മ്പ​നി​ക​ളെ ക​ടത്തി​വെ​ട്ടു​മ്പോ​ൾ ദു​രി​ത​ത്തി​ലാ​വു​ന്ന​ത് ക്ഷീ​ര​ക​ർ​ഷ​ക​ർ. 50 കി​ലോ​യു​ള്ള ഒ​രു ചാ​ക്ക് കാ​ലി​ത്തീ​റ്റ​ക്ക്​ മി​ൽ​മ​യും കേ​ര​ള ഫീ​ഡ്‌​സും ക​ഴി​ഞ്ഞ ഒ​ന്നു മു​ത​ൽ ഗോ​ൾ​ഡി​ന് 180 ഉം ​റി​ച്ചി​ന് 160 രൂ​പ​യു​മാ​ണ് വ​ർ​ധി​പ്പി​ച്ച​ത്. നി​ല​വി​ലെ വി​ല ഗോ​ൾ​ഡ്- 1550, റി​ച്ച്- 1460 എ​ന്നി​ങ്ങ​നെ​യാ​ണ്.

ഇ​തേ തൂ​ക്ക​ത്തി​ൽ സ്വ​കാ​ര്യ ക​മ്പ​നി​ക​ൾ 1340 രൂ​പ​ക്കാ​ണ് കാ​ലി​ത്തീ​റ്റ വി​പ​ണി​യി​ൽ എ​ത്തി​ക്കു​ന്ന​ത്. സ​ർ​ക്കാ​ർ സ്ഥാ​പ​ന​ങ്ങ​ളെ​ക്കാ​ൾ 210 രൂ​പ കു​റ​വ്. 50 ലി​റ്റ​ർ പാ​ൽ അ​ള​ക്കു​ന്ന ക​ർ​ഷ​ക​ർ​ക്ക് ഓ​രോ​ചാ​ക്ക് കാ​ലി​ത്തീ​റ്റ​ക്കും മി​ൽ​മ 100 രൂ​പ സ​ബ്‌​സി​ഡി വീ​ണ്ടും പു​ന:​സ്ഥാ​പി​ച്ച​ത് ചെ​റി​യ ആ​ശ്വാ​സം പ​ക​രു​ന്നു. എ​ന്നാ​ൽ, 49 ലി​റ്റ​ർ പാ​ൽ അ​ള​ക്കു​ന്ന ക​ർ​ഷ​ക​ന് ഈ ​ആ​നു​കൂ​ല്യം ല​ഭി​ക്കി​ല്ല. 1370 രൂ​പ​യി​ൽ നി​ന്നാ​ണ് 1550 രൂ​പ​യാ​യി വി​ല ഉ​യ​ർ​ത്തി​യ​ത്. മി​ൽ​മ വി​ല കൂ​ട്ടി​യ​തോ​ടെ സ്വ​കാ​ര്യ ക​മ്പ​നി​ക​ളും വി​ല കൂ​ട്ടി​യെ​ങ്കി​ലും വി​പ​ണി പി​ടി​ക്കാ​നാ​യി വി​ല താ​ഴ്ത്തു​ക​യാ​യി​രു​ന്നു.

പൊ​തു​വി​പ​ണി​യി​ൽ കാ​ലി​ത്തീ​റ്റ വി​ല നി​യ​ന്ത്രി​ക്കേ​ണ്ട ഉ​ത്ത​ര​വാ​ദി​ത്തം കേ​ര​ള ഫീ​ഡ്‌​സി​​​​ന്‍റെ​യും മി​ൽ​മ​യു​ടെ​യും ഇ​ട​പെ​ട​ലി​ലൂ​ടെ​യാ​ണ്. എ​ന്നാ​ൽ, ആ​ദ്യം ഇ​വ​രാ​ണ്​ വി​ല വ​ർ​ധി​പ്പി​ച്ച​ത്.

ഒ​രു വ​ർ​ഷ​ത്തി​നി​ടെ 32 ശ​ത​മാ​നം വ​ർ​ധ​ന​വാ​ണ് കാ​ല​ത്തീ​റ്റ​യി​ൽ ഉ​ണ്ടാ​യി​ട്ടു​ള്ള​ത്. ര​ണ്ട് വ​ർ​ഷം മു​മ്പ് പാ​ൽ വി​ല നാ​ലു രൂ​പ വ​ർ​ധി​പ്പി​ച്ച​പ്പോ​ൾ ക​ർ​ഷ​ക​ർ​ക്ക് 3.35 രൂ​പ ന​ൽ​കി​യ മി​ൽ​മ കാ​ലി​ത്തീ​റ്റ വി​ല കി​ലോ​ക്ക്​ 5.80 രൂ​പ​യാ​ണ് കൂ​ട്ടി​യ​ത്.

പാ​ലി​ന് 5 രൂ​പ കൂ​ട്ടു​മ്പോ​ൾ 4.20 രൂ​പ ക​ർ​ഷ​ക​ന് ന​ൽ​ക​ണ​മെ​ന്നാ​ണ് മി​ൽ​മ തീ​രു​മാ​നം. വ​ർ​ധി​പ്പി​ച്ച കാ​ലി​ത്തീ​റ്റ വി​ല ക​ഴി​ച്ചാ​ൽ 60 പൈ​സ​യാ​ണ് ക​ർ​ഷ​ക​ന് കി​ട്ടു​ന്ന​ത്. അ​തി​നാ​ൽ പാ​ൽ​വി​ല കൂ​ട്ടി​യ​തി​​​​ന്‍റെ ഗു​ണം ക​ർ​ഷ​ക​ർ​ക്കു ല​ഭി​ക്കാ​റി​ല്ല.

എ​ന്നാ​ൽ, അ​സം​സ്‌​കൃ​ത വ​സ്തു​ക്ക​ളു​ടെ വി​ല വ​ർ​ധ​ന​വാ​ണ് കാ​ലി​ത്തീ​റ്റ വി​ല ഉ​യ​ർ​ത്താ​ൻ കാ​ര​ണ​മെ​ന്ന് മി​ൽ​മ വാ​ദി​ക്കു​ന്നു. അ​സം​സ്‌​കൃ​ത വ​സ്തു​ക്ക​ൾ മ​റ്റു സം​സ്ഥാ​ന​ങ്ങ​ളി​ൽ നി​ന്നാ​ണ് എ​ത്തി​ക്കു​ന്ന​ത്. വൈ​ക്കോ​ലി​നും പു​ല്ലി​നും പു​റ​മേ ഒ​രു പ​ശു​വി​ന് ദി​വ​സം 10 കി​ലോ​ഗ്രാം കാ​ലി​ത്തീ​റ്റ ന​ൽ​ക​ണം.ഒ​രു ലി​റ്റ​ർ പാ​ൽ 50 രൂ​പ​ക്ക്​ ക്ഷീ​ര​സം​ഘ​ങ്ങ​ൾ വി​ൽ​ക്കു​മ്പോ​ൾ ക​ർ​ഷ​ക​ർ​ക്ക്​ ല​ഭി​ക്കു​ന്ന​ത് ഇ​ൻ​സെ​ന്‍റീ​വ് ഉ​ൾ​പ്പെ​ടെ 32-42 രൂ​പ​യാ​ണ്.

ഉ​ൽ​പാ​ദ​ന ചെ​ല​വ് അ​നു​സ​രി​ച്ച് പാ​ലി​ന്​ വി​ല വ​ർ​ധി​പ്പി​ക്ക​ണം. ഒ​രു ലി​റ്റ​ർ പാ​ലി​ന് അ​ഞ്ച് രൂ​പ പ്ര​കാ​രം കാ​ലി​ത്തീ​റ്റ​യി​ൽ സ​ബ്‌​സി​ഡി ഏ​ർ​പ്പെ​ടു​ത്തി ക​ർ​ഷ​ക​രെ സ​ഹാ​യി​ക്കാ​ൻ മി​ൽ​മ ത​യാ​റാ​വ​ണം തു​ട​ങ്ങി​യ ആ​വ​ശ്യ​ങ്ങ​ളാ​ണ്​ ക​ർ​ഷ​ക​ർ ഉ​ന്ന​യി​ക്കു​ന്ന​ത്.