ഷെറിന്
മണ്ണഞ്ചേരി: അർത്തുങ്കൽ പ്രദേശത്ത് മദ്യവിൽപന നടത്തിവന്നയാളെ എക്സൈസ് പിടികൂടി.അർത്തുങ്കൽ ആയിരം തൈ, പള്ളിപ്പറമ്പിൽ ഷെറിനെയാണ് (ടോണി) എക്സൈസ് അറസ്റ്റ് ചെയ്തത്. ചേർത്തല റേഞ്ച് അസിസ്റ്റന്‍റ് എക്സൈസ് എൻ. ബാബുവിന്‍റെ നേതൃത്വത്തിലുള്ള സംഘമാണ് പ്രതിയെ പിടികൂടിയത്.
വിൽപനക്കായി സൂക്ഷിച്ച മൂന്നു ലിറ്റർ മദ്യവും ഇയാളിൽ നിന്ന് പിടിച്ചെടുത്തു. ഡ്രൈ ഡേയിൽ ഇയാൾ വീട്ടിൽ മദ്യം സൂക്ഷിച്ച് വിൽപന നടത്തി വരികയായിരുന്നു. മദ്യം വിറ്റ് കിട്ടിയ 3000 രൂപയും എക്സൈസ് പിടിച്ചെടുത്തു.
മദ്യ വിൽപനക്ക് നിരവധി ഏജന്‍റുമാർ ഇയാൾക്കുവേണ്ടി പ്രദേശത്ത് പ്രവർത്തിച്ചിരുന്നു. ഇവരെ കുറിച്ചുള്ള വിവരങ്ങൾ ലഭിച്ചതായും വരും ദിവസങ്ങളിൽ കൂടുതൽ അറസ്റ്റ് ഉണ്ടാകുമെന്നും എക്സൈസ് ഇൻസ്പെക്ടർ വി.ജെ. റോയ് അറിയിച്ചു.
പ്രിവന്‍റീവ് ഓഫിസർ പി. ഷിബു, ബെഞ്ചമിൻ, സിവിൽ എക്സൈസ് ഓഫിസർമാരായ ബി.എം. ബിയാസ്, പി. പ്രതീഷ് എന്നിവരും എക്സൈസ് സംഘത്തില്‍ ഉണ്ടായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.