മാവേലിക്കര നഗരസഭ ചെയര്മാന് കെ.വി. ശ്രീകുമാര് സൈക്കിളില്
നഗരസഭ ഓഫിസില് എത്തിയപ്പോള്
മാവേലിക്കര: ഔദ്യോഗിക വാഹനത്തിന് താല്ക്കാലിക ഡ്രൈവറെ നിയമിച്ച നടപടിയോട് കൗണ്സില് യോഗത്തില് ഭൂരിപക്ഷം അംഗങ്ങള് വിയോജിച്ചതിനെ തുടര്ന്ന് സൈക്കിളില് ഓഫിസിലെത്തി നഗരസഭ ചെയര്മാന് കെ.വി. ശ്രീകുമാര്.ചെയര്മാെൻറ സൈക്കിള് സവാരി സമൂഹമാധ്യമങ്ങളിലും തരംഗമായി. തനിക്ക് വിശ്വസ്തനായ ആളെ നിയമിക്കാന് കൗണ്സില് അനുമതി നല്കിയില്ലെങ്കില് നഗരസഭയുടെ ഓഫിസിലെത്താന് മറ്റു മാര്ഗങ്ങള് സ്വീകരിക്കുമെന്ന് ചെയര്മാന് കൗണ്സിലില് അറിയിച്ചിരുന്നു. ഇതിനു പിന്നാലെയാണ് കെ.വി. ശ്രീകുമാര് തെൻറ സൈക്കിളില് നഗരസഭ ഓഫിസില് എത്തിയത്.
ഔദ്യോഗിക വാഹനത്തിനു വിശ്വസ്തനായ ആളെ നിയമിക്കുന്ന മുന് ചെയര്മാന്മാരുടെ കീഴ്വഴക്കം തുടരുകയാണെന്നും ഇതിനു അനുവദിക്കണമെന്നും ചെയര്മാന് ശ്രീകുമാര് ചൊവ്വാഴ്ച കൗണ്സിലില് ആവശ്യപ്പെട്ടിരുന്നു. എന്നാല്, ഇത് അംഗീകരിക്കാന് സാധിക്കില്ലെന്ന് എല്.ഡി.എഫ്, ബി.ജെ.പി കൗണ്സിലര്മാരെ പ്രതിനിധാനം ചെയ്ത് സംസാരിച്ച അംഗങ്ങള് പറഞ്ഞു.
ചെയര്മാന് ഇഷ്ടമുള്ള ആെള ഡ്രൈവറായി നിയോഗിക്കുന്നതാണ് കീഴ്വഴക്കമെന്ന് കോണ്ഗ്രസ് കൗണ്സിലര്മാര് പറഞ്ഞെങ്കിലും ഭൂരിപക്ഷ അഭിപ്രായമാണ് കൗണ്സില് തീരുമാനമെന്ന് നഗരസഭ സെക്രട്ടറി നിലപാട് എടുക്കുകയായിരുന്നു. എന്നാല്, ചെയര്മാെൻറ സൈക്കിള് സവാരി സമൂഹമാധ്യമങ്ങളിൽ തരംഗമായി. ചെയര്മാനെ അനുകൂലിച്ച് ഭൂരിപക്ഷ അഭിപ്രായം ഉയരുമ്പോള് സൈക്കിള് സവാരിയെ വിമര്ശിച്ചും ചിലര് രംഗത്തെത്തി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.