ഇവിടെ അത്ര സ്​മാർട്ടല്ല... വികസനം തേടി അരൂക്കുറ്റി ഗ്രാമപഞ്ചായത്ത് ഓഫിസ്

വ​ടു​ത​ല: പ​ഞ്ചാ​യ​ത്ത് ഓ​ഫി​സു​ക​ൾ സ്മാ​ർ​ട്ട് ആ​കു​ന്നു​വെ​ന്ന പ്ര​ഖ്യാ​പ​ന​ങ്ങ​ൾ മു​ഴ​ങ്ങു​മ്പോ​ഴും നി​ന്ന് തി​രി​യാ​നി​ട​മി​ല്ലാ​തെ അ​സൗ​ക​ര്യ​ങ്ങി​ൽ വീ​ർ​പ്പു​മു​ട്ടു​ക​യാ​ണ് അ​രൂ​ക്കു​റ്റി പ​ഞ്ചാ​യ​ത്ത് ഓ​ഫി​സ്. അ​ടി​സ്ഥാ​ന സൗ​ക​ര്യം പോ​ലും മെ​ച്ച​പ്പെ​ടു​ത്താ​ൻ ഇ​ട​മി​ല്ലാ​തെ വ​ല​യു​ക​യാ​ണ് ഈ ​പൊ​തു​ജ​നാ​ശ്ര​യ കേ​ന്ദ്രം.

നി​ല​വി​ലെ ഭ​ര​ണ സ​മി​തി പ​ഞ്ചാ​യ​ത്ത് ഓ​ഫി​സി​ൽ അ​ടി​സ്ഥാ​ന സൗ​ക​ര്യം വ​ർ​ധി​പ്പി​ക്ക​ണ​മെ​ന്ന്​ ആ​വ​ശ്യ​മു​യ​ർ​ത്തി​യ​തി​ന്റെ പ​ശ്ചാ​ത്ത​ല​ത്തി​ൽ ത​ദ്ദേ​ശ സ്വ​യം ഭ​ര​ണ​മ​ന്ത്രി​ക്ക് അ​സൗ​ക​ര്യ​ങ്ങ​ൾ സൂ​ചി​പ്പി​ച്ച് ക​ത്ത് ന​ൽ​കി​യി​രു​ന്നു. 15 സെ​ന്റ് മാ​ത്ര​മു​ള്ള പ​ഞ്ചാ​യ​ത്ത് ഓ​ഫി​സി​ൽ പ​ര​മാ​വ​ധി കെ​ട്ടി​ട​ങ്ങ​ളു​ള്ള​തി​നാ​ൽ പ​ഞ്ചാ​യ​ത്തി​ന്റെ കെ​ട്ടി​ട നി​ർ​മാ​ണ​ച്ച​ട്ട​ത്തി​ൽ ഇ​ള​വ് അ​നു​വ​ദി​ക്ക​ണ​മെ​ന്ന​താ​യി​രു​ന്നു ആ​വ​ശ്യം.

ജ​ന​പ്ര​തി​നി​ധി​ക​ളെ കാ​ണാ​നും മ​റ്റാ​വ​ശ്യ​ങ്ങ​ൾ​ക്കു​മാ​യെ​ത്തു​ന്ന പൊ​തു​ജ​ന​ങ്ങ​ൾ​ക്ക് ഒ​ന്നി​രി​ക്കാ​നി​ട​മി​ല്ല. ഓ​ഫി​സി​ന് മു​ന്നി​ൽ പാ​ർ​ക്ക് ചെ​യ്തി​രി​ക്കു​ന്ന വാ​ഹ​ന​ങ്ങ​ളി​ൽ ത​ട്ടാ​തെ​യും മു​ട്ടാ​തെ​യും അ​ക​ത്ത് ക​യ​റി​ക്കൂ​ടാ​ൻ പോ​ലും പ​റ്റാ​ത്ത അ​വ​സ്ഥ. ജ​ന​പ്ര​തി​നി​ധി​ക​ൾ​ക്ക് വി​ശ്ര​മി​ക്കാ​നോ ഒ​ന്നി​രി​ക്കാ​ൻ പോ​ലു​മോ വേ​ണ്ട​ത്ര സൗ​ക​ര്യ​മി​ല്ല.

പ​ഞ്ചാ​യ​ത്തി​ന്റെ വാ​ർ​ഷി​ക പ​ദ്ധ​തി​യി​ൽ​പെ​ടു​ത്തി​യെ​ങ്കി​ലും നി​ല​വി​ലു​ള്ള കെ​ട്ടി​ട​ങ്ങ​ളി​ൽ കൂ​ട്ടി​ച്ചേ​ർ​ക്ക​ലു​ക​ൾ​ക്ക് ശ്ര​മി​ക്കു​മ്പോ​ൾ ച​ട്ട​ങ്ങ​ൾ ത​ട​സ്സ​മാ​കു​ന്നു. ഈ ​ച​ട്ട​ങ്ങ​ളി​ൽ ഇ​ള​വ് ആ​വ​ശ്യ​പ്പെ​ട്ട് മ​ന്ത്രി​ക്ക് ക​ത്ത് ന​ൽ​കി മൂ​ന്ന് വ​ർ​ഷ​മാ​യി​ട്ടും മ​റു​പ​ടി ല​ഭി​ക്കാ​ത്ത​താ​ണ് അ​ടി​സ്ഥാ​ന സൗ​ക​ര്യ​വി​ക​സ​ന​ത്തി​ന് പ്ര​ധാ​ന ത​ട​സ്സ​മെ​ന്ന് പ​റ​യ​പ്പെ​ടു​ന്നു. പ​ഞ്ചാ​യ​ത്ത് ജീ​വ​ന​ക്കാ​രു​ടെ​യും ജ​ന​പ്ര​തി​നി​ധി​ക​ളു​ടെ​യും വാ​ഹ​ന​ങ്ങ​ൾ പോ​ലും പാ​ർ​ക്ക് ചെ​യ്യാ​നി​ട​മി​ല്ല. വി​വി​ധ ആ​വ​ശ്യ​ങ്ങ​ൾ​ക്ക്​ എ​ത്തു​ന്ന​വ​രു​ടെ വാ​ഹ​ന​ങ്ങ​ളു​ടെ കാ​ര്യം പ​റ​യാ​നി​ല്ല.

പ​ഞ്ചാ​യ​ത്ത് വാ​ഹ​നം ത​ന്നെ പാ​ർ​ക്ക് ചെ​യ്യ​ണ​മെ​ങ്കി​ൽ ഓ​ഫി​സ് സ​മ​യം ക​ഴി​യേ​ണ്ട അ​വ​സ്ഥ​യാ​ണ്. പു​റ​ത്ത് പാ​ർ​ക്കു ചെ​യ്താ​ൽ നി​യ​മ​ലം​ഘ​നം, ഗ​താ​ഗ​ത ത​ട​സ്സം എ​ന്ന പേ​രി​ൽ പൊ​ലീ​സി​ന്റെ വ​ക പി​ഴ​യു​ണ്ടാ​കും. കു​റ​ച്ച് മാ​റ്റി പാ​ർ​ക്ക് ചെ​യ്താ​ൽ വ്യാ​പാ​ര സ്ഥാ​പ​ന​ങ്ങ​ൾ​ക്കും ത​ട​സ്സ​മാ​കും.

ജ​ന​സേ​വ​നം ല​ക്ഷ്യ​സ്ഥാ​ന​ത്ത് എ​ത്തി​ക്കാ​ൻ പ​ഞ്ചാ​യ​ത്ത്‌ ഓ​ഫി​സു​ക​ളു​ടെ പ്ര​വ​ർ​ത്ത​ന​ങ്ങ​ൾ സു​താ​ര്യ​മാ​ക്കു​ന്ന​തി​നാ​യി സോ​ഫ്റ്റ്‌ വെ​യ​റു​ക​ൾ അ​പ്ഡേ​റ്റ്​ ചെ​യ്യാ​നാ​യി താ​ൽ​ക്കാ​ലി​ക നി​യ​മ​നം കൊ​ടു​ക്കു​ന്ന​വ​ർ​ക്ക് ഇ​രി​പ്പി​ട​മെ​ങ്കി​ലും ഒ​രു​ക്കാ​ൻ ക​ഴി​യാ​ത്ത അ​വ​സ്ഥ​യു​ണ്ട്.

എ​ല്ലാം സ്മാ​ർ​ട്ടാ​ണെ​ന്ന് അ​വ​കാ​ശ​പ്പെ​ടു​മ്പോ​ഴും അ​രൂ​ക്കു​റ്റി പ​ഞ്ചാ​യ​ത്ത് സ്മാ​ർ​ട്ട​ല്ല എ​ന്ന് ത​ന്നെ പൊ​തു​ജ​നം വി​ല​യി​രു​ത്തി ക​ഴി​ഞ്ഞു. പ​ഞ്ചാ​യ​ത്തി​ന് ചു​റ്റും ഭൂ​മി കി​ട്ടാ​ൻ മാ​ർ​ഗ​മി​ല്ലാ​ത്ത​തി​നാ​ൽ കെ​ട്ടി​ട നി​ർ​മാ​ണ​ച്ച​ട്ട​ത്തി​ൽ ഇ​ള​വ് ന​ൽ​കി പ​ഞ്ചാ​യ​ത്തി​ന്റെ വാ​ർ​ഷി​ക പ​ദ്ധ​തി​യി​ൽ ഉ​ൾ​പ്പെ​ടു​ത്തി നി​ല​വി​ലു​ള്ള കെ​ട്ടി​ട​ത്തി​ൽ കൂ​ട്ടി​ച്ചേ​ർ​ക്ക​ലു​ക​ൾ ന​ട​ത്തു​ന്ന​തി​ന് സ​ർ​ക്കാ​റി​ന്റെ അ​നു​മ​തി​ക്കാ​യി കാ​ത്തു​നി​ൽ​ക്കു​ക​യാ​ണ് ഈ ​പ​ഞ്ചാ​യ​ത്ത് ഓ​ഫി​സ്.