അരൂക്കുറ്റി ഷിഹാബ് തങ്ങൾ റിലീഫ് സെല്ലിന്റെയും മുസ്ലിം ലീഗ് അരൂക്കുറ്റി പഞ്ചായത്ത് കമ്മിറ്റിയുടെയും നേതൃത്വത്തിൽ സംഘടിപ്പിച്ച പെരുന്നാൾ കിറ്റിന്റെ വിതരണോദ്ഘാടനം
അരൂക്കുറ്റി പഞ്ചായത്ത് വൈസ് പ്രസിഡന്റ് സനീറ ഹസ്സന്
നൽകി പി.കെ. ഫിറോസ് നിർവഹിക്കുന്നു
വടുതല: മുസ്ലിംലീഗിന്റെ ജീവകാരുണ്യ പ്രവർത്തനം എന്നും മാതൃകയാണെന്ന് യൂത്ത് ലീഗ് സംസ്ഥാന ജനറൽ സെക്രട്ടറി പി.കെ. ഫിറോസ് പറഞ്ഞു. അരൂക്കുറ്റി ഷിഹാബ് തങ്ങൾ റിലീഫ് സെല്ലിന്റെയും മുസ്ലിം ലീഗ് അരൂക്കുറ്റി പഞ്ചായത്ത് കമ്മിറ്റിയുടെയും നേതൃത്വത്തിൽ സംഘടിപ്പിച്ച പെരുന്നാൾ കിറ്റിന്റെ വിതരണോദ്ഘാടനം അരൂക്കുറ്റി പഞ്ചായത്ത് വൈസ് പ്രസിഡന്റ് സനീറ ഹസ്സന് നൽകി നിർവഹിക്കുകയായിരുന്നു അദ്ദേഹം. മുസ്ലിം ലീഗ് അരൂക്കുറ്റി പഞ്ചായത്ത് പ്രസിഡന്റ് താജുദ്ദീൻ മൗലവി അധ്യക്ഷത വഹിച്ചു. യൂത്ത് ലീഗ് ജില്ല പ്രസിഡന്റ് ഷാഫി, ഷിബു കാസിം, ലീഗ് ജില്ല വൈസ് പ്രസിഡന്റ് പി.കെ. ഫസലുദ്ദീൻ, ബ്ലോക്ക് പഞ്ചായത്ത് അംഗം എൻ.കെ. അനീസ്, ലീഗ് ജില്ല കൗൺസിൽ അംഗങ്ങളായ കെ.എം. അബ്ദുൽ ഖാദർ, എസ്.ഐ. മുഹമ്മദ് ഷാജി, യൂത്ത് ലീഗ് ജില്ല കമ്മിറ്റി അംഗം മുഹമ്മദ് ഷാൻ, മുഹമ്മദ് സാനി, റിലീഫ് സെൽ ജനറൽ സെക്രട്ടറി കെ.എം. ഇസ്മയിൽ, ലീഗ് അരൂക്കുറ്റി പഞ്ചായത്ത് സെക്രട്ടറി ജലീൽ അരൂക്കുറ്റി എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.