'ബസ് കാത്തിരിപ്പ് കേന്ദ്രം നിർമിക്കണം'

പെരുമ്പാവൂർ: ആലുവ-മൂന്നാർ റോഡിൽ ഓടക്കാലിക്ക് സമീപം പാച്ചുപിള്ളപ്പടിയിൽ ബസ് കാത്തിരിപ്പ് കേന്ദ്രം നിർമിക്കണമെന്ന ആവശ്യം ശക്തമാകുന്നു. നീലാണ്ടപ്പടി, നൂലേലി പള്ളിപ്പടി, നൂലേലി അമ്പലപ്പടി ഭാഗങ്ങളിൽനിന്ന് വരുന്ന യാത്രക്കാർക്ക് മഴ നനയാതെ നിൽക്കാൻ സൗകര്യമില്ല. വിദ്യാർഥികളും വയോധികരും ഉൾപ്പെടെയുള്ള യാത്രക്കാർ വെയിലും മഴയുമേറ്റ്​ നിൽക്കേണ്ട ഗതികേടിലാണ്. വർഷങ്ങൾക്ക് മുമ്പ് രണ്ട് രാഷ്ട്രീയ പാർട്ടികളുടെ യുവജന സംഘടനകൾ നിർമിച്ച ബസ് കാത്തിരിപ്പ് കേന്ദ്രം കാടുകയറിയും മേൽക്കൂര തകർന്നും നാമാവശേഷമായി. പൊതുജനങ്ങൾക്ക് ഏറെ പ്രയോജനപ്രദമായ ബസ് കാത്തിരിപ്പ് കേന്ദ്രം നിർമിക്കാൻ പഞ്ചായത്ത് ഭരണസമിതി തയാറാകണമെന്ന് യാത്രക്കാർ ആവശ്യപ്പെട്ടു. em pbvr 1 bus stop ഓടക്കാലിക്ക് സമീപം പാച്ചുപിള്ളപ്പടിയിലെ ബസ് കാത്തിരിപ്പ് കേന്ദ്രം നശിച്ച നിലയിൽ