കളമശ്ശേരി: സ്കൂളിനും മസ്ജിദിനും സമീപം ഫൈബറും പ്ലാസ്റ്റിക്കും ഉൾപ്പെട്ട പാഴ്വസ്തുക്കൾ തള്ളി കത്തിച്ചത് സമീപവാസികളെ ദുരിതത്തിലാക്കി. എച്ച്.എം.ടി സീപോർട്ട് റോഡിന് സമീപം ഹിദായത്ത് നഗറിൽ പള്ളി ലാങ്കര എൽ.പി സ്കൂളിനും മസ്ജിദിനും സമീപം കാട്ടിൽ തള്ളിയ മാലിന്യത്തിൽനിന്ന് ഉയർന്ന തീയും പുകയുമാണ് ജനങ്ങളെ വിഷമത്തിലാക്കിയത്. വാഹനങ്ങളിൽ ഉപയോഗിച്ച ഫൈബർ, പ്ലാസ്റ്റിക് പാഴ്വസ്തുക്കളാണ് കത്തിച്ചത്. പുലർച്ച മുതലാണ് തീയും പുകയും ഉയരാൻ തുടങ്ങിയത്. ഇതിൽനിന്ന് ഉയർന്ന ദുർഗന്ധം ഉറക്കത്തിലായിരുന്നവരെ വരെ അസ്വസ്ഥമാക്കി. വിഷപ്പുക സഹിക്കാൻ കഴിയാതെ വന്നതോടെ പ്രദേശത്തെ പൊതുപ്രവർത്തകൻ മനാഫ് പുതുവായിയുടെ നേതൃത്വത്തിൽ ടാങ്കർ ലോറിയിൽ വെള്ളമെത്തിച്ച് തീ അണക്കുകയായിരുന്നു. സാമൂഹികവിരുദ്ധർ രാത്രിയിൽ തള്ളി കത്തിച്ചതാണെന്നാണ് പ്രദേശവാസികൾ പറയുന്നത്. EC KALA 4 WASTE കളമശ്ശേരി സീപോർട്ട് റോഡിന് സമീപം കാട്ടിൽതള്ളിയ മാലിന്യം കത്തിച്ചനിലയിൽ
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.