ലീവ് എൻകാഷ്മൻെറ് തുകക്കുള്ള ആദായ നികുതിയിളവ് പുതുക്കണമെന്ന ഹരജിയിൽ നോട്ടീസ് കൊച്ചി: പൊതുമേഖല സ്ഥാപനങ്ങളിലെ ജീവനക്കാർക്ക് വിരമിക്കുന്നതിെനാപ്പം ലഭിക്കുന്ന ലീവ് എൻകാഷ്മൻെറ് തുകക്കുള്ള ആദായ നികുതിയിളവ് പുതുക്കി നിശ്ചയിക്കണമെന്ന ഹരജിയിൽ എതിർ കക്ഷികൾക്ക് ഹൈകോടതിയുടെ നോട്ടീസ്. കേന്ദ്ര - സംസ്ഥാന സർക്കാർ ജീവനക്കാർക്ക് റിട്ടയർമൻെറിനൊപ്പം ലഭിക്കുന്ന ലീവ് എൻകാഷ്മൻെറ് തുകക്ക് പൂർണമായും ആദായ നികുതിയിളവ് നൽകുന്ന രീതി പൊതുമേഖലക്കും ബാധകമാക്കണമെന്ന് ആവശ്യപ്പെട്ട് ഫാക്ട് വർക്കേഴ്സ് ഒാർഗനൈസേഷനും ജീവനക്കാരനായ ഒ.എസ്. ഷിനിൽവാസും നൽകിയ ഹരജിയാണ് ജസ്റ്റിസ് ബെച്ചു കുര്യൻ തോമസ് പരിഗണിച്ചത്. പൊതുമേഖല സ്ഥാപനങ്ങളിലുള്ളവരുടെ മൂന്ന് ലക്ഷം രൂപ വരെയുള്ള ലീവ് എൻകാഷ്മൻെറ് തുകക്ക് ആദായനികുതിയിളവ് നിശ്ചയിച്ചത് 2002ൽ ആണെന്നും ശമ്പളവും ആനുകൂല്യങ്ങളും പലമടങ്ങ് വർധിച്ചെങ്കിലും ലീവ് എൻകാഷ്മൻെറ് തുകക്കുള്ള ആദായ നികുതിയിളവ് പരിധി പുതുക്കിയില്ലെന്നും ഹരജിയിൽ പറയുന്നു. കേന്ദ്ര-സംസ്ഥാന സർക്കാർ ജീവനക്കാർക്ക് ലീവ് എൻകാഷ്മൻെറ് തുകയായി 25-50 ലക്ഷം വരെ ആദായനികുതിയിളവില്ലാതെ ലഭിക്കുമ്പോൾ പൊതുമേഖല സ്ഥാപനങ്ങളിലെ ജീവനക്കാർക്ക് ആദായ നികുതി പിടിച്ചശേഷമുള്ള തുക നൽകുന്നത് വിവേചനപരമാണെന്നും ചൂണ്ടിക്കാട്ടുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.