അന്തർ സംസ്ഥാനക്കാരെ ‘രേഖ’യിലാക്കാനൊരുങ്ങി അതിഥി പോർട്ടൽ

കൊ​ച്ചി: ജി​ല്ല​യി​ലെ അ​ന്ത​ർ സം​സ്ഥാ​ന തൊ​ഴി​ലാ​ളി​ക​ളെ ‘രേ​ഖ’​യി​ലാ​ക്കാ​ൻ തൊ​ഴി​ൽ വ​കു​പ്പ്. വി​വി​ധ സം​സ്ഥാ​ന​ങ്ങ​ളി​ൽ​നി​ന്ന് കേ​ര​ള​ത്തി​ലെ​ത്തി ജി​ല്ല​യു​ടെ വി​വി​ധ ഭാ​ഗ​ങ്ങ​ളി​ൽ പ​ണി​യെ​ടു​ക്കു​ന്ന അ​ന്ത​ർ സം​സ്ഥാ​ന​ക്കാ​രെ നി​യ​മ​വി​ധേ​യ​മാ​ക്കാ​നാ​ണ് തൊ​ഴി​ൽ വ​കു​പ്പി​ന്‍റെ നീ​ക്കം. ഇ​തി​നാ​യി സ​ർ​ക്കാ​ർ പ്ര​ഖ്യാ​പി​ച്ച അ​തി​ഥി പോ​ർ​ട്ട​ലി​ൽ ക​ഴി​ഞ്ഞ മൂ​ന്ന് ദി​വ​സ​ത്തി​നി​ടെ ജി​ല്ല​യി​ൽ ര​ജി​സ്റ്റ​ർ ചെ​യ്ത​ത് മൂ​വാ​യി​ര​ത്തി​ല​ധി​കം അ​ന്ത​ർ സം​സ്ഥാ​ന​ക്കാ​രാ​ണ്.

സം​സ്ഥാ​ന​ത്ത് ഏ​റ്റ​വു​മ​ധി​കം അ​ന്ത​ർ സം​സ്ഥാ​ന​ക്കാ​ർ പ്ര​വ​ർ​ത്തി​ക്കു​ന്ന ജി​ല്ല​യാ​ണ് എ​റ​ണാ​കു​ളം. എ​ന്നാ​ൽ, ഇ​വ​രു​ടെ എ​ണ്ണം സം​ബ​ന്ധി​ച്ച് യാ​തൊ​രു ഔ​ദ്യോ​ഗി​ക രേ​ഖ​ക​ളോ വി​വ​ര​ങ്ങ​ളോ ത​ദ്ദേ​ശ സ്വ​യം ഭ​ര​ണ സ്ഥാ​പ​ന​ങ്ങ​ളു​ടെ​യോ തൊ​ഴി​ൽ വ​കു​പ്പി​ന്‍റെ​യോ കൈ​വ​ശ​മി​ല്ല.

പെ​രു​മ്പാ​വൂ​രി​ലെ ദ​ലി​ത് നി​യ​മ വി​ദ്യാ​ർ​ഥി​നി​യു​ടെ കൊ​ല​പാ​ത​ക​ത്തെ തു​ട​ർ​ന്ന് സം​സ്ഥാ​ന​ത്ത് പ്ര​വ​ർ​ത്തി​ക്കു​ന്ന അ​ന്ത​ർ സം​സ്ഥാ​ന​ക്കാ​രു​ടെ വി​വ​ര​ശേ​ഖ​ര​ണം ല​ക്ഷ്യ​മി​ട്ട് സം​സ്ഥാ​ന സ​ർ​ക്കാ​ർ ന​ട​പ്പാ​ക്കി​യ ആ​വാ​സി​ൽ ഏ​റ്റ​വും അ​ധി​കം തൊ​ഴി​ലാ​ളി​ക​ൾ ര​ജി​സ്റ്റ​ർ ചെ​യ്ത​ത് ജി​ല്ല​യി​ലാ​ണ്. 1.15 ല​ക്ഷം പേ​ർ. പൊ​ലീ​സ് അ​ട​ക്ക​മു​ള്ള സം​വി​ധാ​ന​ങ്ങ​ൾ നി​ല​വി​ൽ ആ​ശ്ര​യി​ക്കു​ന്ന​ത് ആ​വാ​സി​നെ​യാ​ണ്. എ​ന്നാ​ൽ, കോ​വി​ഡും മ​റ്റു സാ​ങ്കേ​തി​ക പ്ര​ശ്ന​ങ്ങ​ളും മൂ​ലം പ​ദ്ധ​തി നി​ല​ച്ച​തോ​ടെ ഇ​ത് ല​ക്ഷ്യ​ത്തി​ലെ​ത്തി​യി​ല്ല. നി​ല​വി​ൽ തൊ​ഴി​ൽ വ​കു​പ്പി​ന്‍റെ കൈ​വ​ശ​മു​ള്ള ഔ​ദ്യോ​ഗി​ക രേ​ഖ​ക​ൾ പ്ര​കാ​രം ജി​ല്ല​യി​ൽ ഒ​ന്നാം ഡോ​സ് വാ​ക്സി​നെ​ടു​ത്ത അ​ന്ത​ർ സം​സ്ഥാ​ന​ക്കാ​ർ 1,19,621 പേ​രാ​ണ്.

എ​ന്നാ​ൽ, ര​ണ്ടാം ഡോ​സെ​ടു​ത്ത​വ​രു​ടെ എ​ണ്ണം 65, 392 ആ​യി ചു​രു​ങ്ങി. അ​ന്ത​ർ സം​സ്ഥാ​ന​ക്കാ​ർ​ക്കാ​യി കോ​വി​ഡ് കാ​ല​ത്ത് തൊ​ഴി​ൽ വ​കു​പ്പ് ന​ൽ​കി​യ കോ​വി​ഡ് കി​റ്റ് ഏ​റ്റു​വാ​ങ്ങി​യ​വ​രു​ടെ എ​ണ്ണം 64, 325 ആ​ണ്. എ​ന്നാ​ൽ, അ​നൗ​ദ്യോ​ഗി​ക ക​ണ​ക്ക​നു​സ​രി​ച്ച് ഏ​ക​ദേ​ശം ര​ണ്ട​ര ല​ക്ഷ​ത്തോ​ളം അ​ന്ത​ർ സം​സ്ഥാ​ന​ക്കാ​ർ ജി​ല്ല​യു​ടെ വി​വി​ധ ഭാ​ഗ​ങ്ങ​ളി​ൽ പ്ര​വ​ർ​ത്തി​ക്കു​ന്നു​ണ്ടെ​ന്നാ​ണ് വി​വ​രം.

തൊ​ഴി​ൽ വ​കു​പ്പ്​ ക​ണ​ക്കു​പ്ര​കാ​രം പെ​രു​മ്പാ​വൂ​ർ, മൂ​വാ​റ്റു​പു​ഴ മേ​ഖ​ല​ക​ളി​ലെ പ്ലൈ​വു​ഡ് ക​മ്പ​നി​ക​ളും മ​റ്റ് നി​ർ​മാ​ണ മേ​ഖ​ല​ക​ളും കേ​ന്ദ്രീ​ക​രി​ച്ചാ​ണ് ഇ​വ​രി​ൽ കൂ​ടു​ത​ൽ പേ​രു​ടെ​യും പ്ര​വ​ർ​ത്ത​നം. ആ​ലു​വ​യി​ലെ പി​ഞ്ചു​ബാ​ലി​ക​യു​ടെ ക്രൂ​ര കൊ​ല​പാ​ത​ക​ത്തെ തു​ട​ർ​ന്നാ​ണ് അ​ന്ത​ർ സം​സ്ഥാ​ന​ക്കാ​രു​ടെ രേ​ഖ​ക​ൾ ശേ​ഖ​രി​ക്കു​ന്ന​തി​നും ര​ജി​സ്ട്രേ​ഷ​ൻ കാ​ര്യ​ക്ഷ​മ​മാ​ക്കു​ന്ന​തി​നും സ​ർ​ക്കാ​ർ തീ​രു​മാ​നി​ച്ച​ത്.

തൊ​ഴി​ലാ​ളി ര​ജി​സ്ട്രേ​ഷ​ൻ കൂ​ടു​ത​ൽ എ​ളു​പ്പ​മാ​ക്കു​ന്ന​തി​നാ​യി അ​തി​ഥി മൊ​ബൈ​ൽ ആ​പ്പും അ​ടു​ത്ത ദി​വ​സ​ങ്ങ​ളി​ൽ പു​റ​ത്തി​റ​ക്കും. ഇ​ത് നി​ല​വി​ൽ വ​രു​ന്ന​തോ​ടെ അ​ന്ത​ർ സം​സ്ഥാ​ന തൊ​ഴി​ലാ​ളി​ക​ൾ​ക്കും ക​രാ​റു​കാ​ർ​ക്കും തൊ​ഴി​ലു​ട​മ​ക​ൾ​ക്കും മൊ​ബൈ​ൽ വ​ഴി ര​ജി​സ്ട്രേ​ഷ​ൻ ന​ട​ത്താ​ൻ ക​ഴി​യും.

പ​രി​ശീ​ല​ന ന​ട​പ​ടി പൂ​ർ​ത്തി​യാ​ക്കി ജി​ല്ല

ര​ജി​സ്ട്രേ​ഷ​ൻ ന​ട​പ​ടി​ക​ൾ​ക്കാ​യി തൊ​ഴി​ലു​ട​മ​ക​ൾ​ക്കും ക​രാ​റു​കാ​ർ​ക്കും താ​ലൂ​ക്ക് ത​ല​ത്തി​ൽ തൊ​ഴി​ൽ വ​കു​പ്പ് പ​രി​ശീ​ല​നം ന​ൽ​കി ക​ഴി​ഞ്ഞു. വ​കു​പ്പി​ന്‍റെ ഓ​ഫി​സു​ക​ൾ കേ​ന്ദ്രീ​ക​രി​ച്ച് ഫെ​സി​ലി​റ്റേ​ഷ​ൻ സെ​ന്‍റ​റു​ക​ളും ആ​രം​ഭി​ച്ചി​ട്ടു​ണ്ട്. ക്യാ​മ്പു​ക​ളും തൊ​ഴി​ലി​ട​ങ്ങ​ളും കേ​ന്ദ്രീ​ക​രി​ച്ച് ഉ​ദ്യോ​ഗ​സ്ഥ​ർ സ​ന്ദ​ർ​ശ​നം ന​ട​ത്തി നി​ർ​ദേ​ശ​ങ്ങ​ൾ ന​ൽ​കു​ന്നു​ണ്ട്. ഇ​തോ​ടൊ​പ്പം തൊ​ഴി​ലു​ട​മ​ക​ൾ​ക്കും ക്യാ​മ്പ്​ ഉ​ട​മ​ക​ൾ​ക്കും ര​ജി​സ്ട്രേ​ഷ​ൻ സം​ബ​ന്ധി​ച്ച് നോ​ട്ടീ​സു​ക​ളും ന​ൽ​കി​യി​ട്ടു​ണ്ട്.

സ​ന്ന​ദ്ധ സം​ഘ​ട​ന​ക​ളു​ടെ സ​ഹ​ക​ര​ണ​ത്തോ​ടെ വി​വി​ധ കേ​ന്ദ്ര​ങ്ങ​ളി​ൽ ര​ജി​സ്ട്രേ​ഷ​ൻ ക്യാ​മ്പു​ക​ള​ട​ക്കം സം​ഘ​ടി​പ്പി​ക്കാ​നാ​ണ് തീ​രു​മാ​നം. athidhi.lc.kerala.gov.in എ​ന്ന പോ​ർ​ട്ട​ലി​ൽ മൊ​ബൈ​ൽ ന​മ്പ​ർ ഉ​പ​യോ​ഗി​ച്ചാ​ണ് പേ​ര് വി​വ​ര​ങ്ങ​ൾ ന​ൽ​കേ​ണ്ട​ത്. പോ​ർ​ട്ട​ലി​ൽ പ്രാ​ദേ​ശി​ക ഭാ​ഷ​ക​ളി​ലും നി​ർ​ദേ​ശ​ങ്ങ​ൾ ല​ഭ്യ​മാ​ണ്. പോ​ർ​ട്ട​ലി​ൽ ന​ൽ​കി​യ വി​വ​ര​ങ്ങ​ൾ എ​ൻ​റോ​ളി​ങ്​ ഓ​ഫി​സ​ർ പ​രി​ശോ​ധി​ച്ച് തൊ​ഴി​ലാ​ളി​ക്ക് ഒ​രു യു​നീ​ക് ഐ.​ഡി അ​നു​വ​ദി​ക്കു​ന്ന​തോ​ടെ​യാ​ണ്​ ര​ജി​സ്ട്രേ​ഷ​ൻ ന​ട​പ​ടി പൂ​ർ​ത്തി​യാ​കു​ക. 

ന​ട​പ​ടി ഊ​ർ​ജി​ത​മാ​ക്കും- ജി​ല്ല ലേ​ബ​ർ ഓ​ഫി​സ​ർ

ര​ജി​സ്ട്രേ​ഷ​ൻ ന​ട​പ​ടി​ക​ൾ കൂ​ടു​ത​ൽ ഊ​ർ​ജി​ത​മാ​ക്കു​മെ​ന്ന് ജി​ല്ല ലേ​ബ​ർ ഓ​ഫി​സ​ർ പി.​ജി. വി​നോ​ദ്കു​മാ​ർ ‘മാ​ധ്യ​മ’​ത്തോ​ട് പ​റ​ഞ്ഞു. നി​ല​വി​ൽ ര​ജി​സ്ട്രേ​ഷ​ൻ ന​ട​പ​ടി​ക​ൾ​ക്ക് ജി​ല്ല​യി​ൽ ക്രി​യാ​ത്മ​ക പ്ര​തി​ക​ര​ണ​മാ​ണ് ല​ഭി​ക്കു​ന്ന​ത്. ഇ​ക്കാ​ര്യ​ത്തി​ൽ തൊ​ഴി​ലു​ട​മ​ക​ളു​ടെ​യും ക​രാ​റു​കാ​രു​ടെ​യും സ​ഹ​ക​ര​ണം ഉ​റ​പ്പാ​ക്കും. ഇ​തി​നാ​വ​ശ്യ​മാ​യ ഇ​ട​പെ​ട​ലു​ക​ൾ ന​ട​ത്തി​യി​ട്ടു​ണ്ടെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.