ഇനിയും തുറക്കാതെ മട്ടാഞ്ചേരി ബോട്ട്​ ജെട്ടി; ക്ഷമ പരീക്ഷിച്ച്​ മതിയായില്ലേ?

മ​ട്ടാ​ഞ്ചേ​രി: ന​വീ​ക​ര​ണം പൂ​ർ​ത്തി​യാ​ക്കി ഒ​രു വ​ർ​ഷ​മാ​കു​മ്പോ​ഴും മ​ട്ടാ​ഞ്ചേ​രി ബോ​ട്ട് ജെ​ട്ടി പൊ​തു​ജ​ന​ങ്ങ​ൾ​ക്ക് തു​റ​ന്നു​കൊ​ടു​ക്കാ​ത്ത ന​ട​പ​ടി​യി​ൽ ജ​ന​കീ​യ സം​ഘ​ട​ന​ക​ൾ ചേ​ർ​ന്ന് പ്ര​തി​ഷേ​ധ​ത്തി​നൊ​രു​ങ്ങു​ന്നു. ജെ​ട്ടി തു​റ​ക്കു​ന്ന​തി​ന്‍റെ കാ​ത്തി​രി​പ്പി​ൽ ക്ഷ​മ​കെ​ട്ടാ​ണ് നാ​ട്ടു​കാ​ർ പ്ര​തി​ഷേ​ധ​ത്തി​നി​റ​ങ്ങു​ന്ന​ത്. ക​ഴി​ഞ്ഞ ആ​റ് വ​ർ​ഷ​മാ​യി മ​ട്ടാ​ഞ്ചേ​രി ബോ​ട്ട് ജെ​ട്ടി​യി​ൽ നി​ന്നു​ള്ള സ​ർ​വി​സ് നി​ർ​ത്തി വെ​ച്ചി​രി​ക്കു​ക​യാ​ണ്. ജ​ന​ങ്ങ​ൾ യാ​ത്രാ​ക്ലേ​ശ​ത്തി​ൽ വ​ല​യു​മ്പോ​ഴും അ​ധി​കൃ​ത​രും ജ​ന​പ്ര​തി​നി​ധി​ക​ളും ജി​ല്ല ഭ​രണ​കൂ​ട​വു​മെ​ല്ലാം നി​ശ​ബ്ദ​ത​യി​ലാ​ണ്. 97 ല​ക്ഷം രൂ​പ ചെ​ല​വ​ഴി​ച്ച് ജെ​ട്ടി ന​വീ​ക​ര​ണം പൂ​ർ​ത്തി​യാ​ക്കി​യെ​ങ്കി​ലും നാ​ല​ര​ക്കോ​ടി രൂ​പ​യു​ടെ എ​ക്ക​ൽ നീ​ക്ക​ൽ പ്ര​വ​ർ​ത്ത​നം എ​ങ്ങു​മെ​ത്താ​തെ നി​ൽ​ക്കു​ക​യാ​ണ്. ജെ​ട്ടി​യി​ലേ​ക്ക്​ ബോ​ട്ട് അ​ടു​ക്കു​ന്ന​തി​ന് പ്ര​ധാ​ന ത​ട​സ്സ​മാ​യ ഏ​ക്ക​ൽ നീ​ക്കം പ​രി​ഹ​രി​ക്ക​പ്പെ​ടാ​ത്ത പ്ര​തി​സ​ന്ധി​യാ​യി തു​ട​രു​ന്ന​താ​ണ് സ​ർ​വി​സ് ത​ട​സ്സ​ത്തി​ന് പ്ര​ധാ​ന കാ​ര​ണം.

2022 ഏ​പ്രി​ലി​ൽ ഡ്ര​ഡ്ജി​ങ്ങ് പ്ര​വ​ർ​ത്ത​നം ആ​രം​ഭി​ച്ചെ​ങ്കി​ലും ആ​ദ്യം ചെ​ളി നി​ക്ഷേ​പി​ക്കു​ന്ന സ്ഥ​ല​ത്തെ​ച്ചൊ​ല്ലി ത​ർ​ക്ക​മാ​യി, തു​ട​ർ​ന്നു​ണ്ടാ​യ പ്രാ​ദേ​ശി​ക പ്ര​തി​ഷേ​ധ​ത്തെ തു​ട​ർ​ന്ന് ഡ്ര​ഡ്ജി​ങ്ങ് നി​ർ​ത്തി​വെ​ച്ചു. പി​ന്നീ​ട് പ്ര​തി​സ​ന്ധി​ക്ക് പ​രി​ഹാ​ര​വു​മാ​യി നീ​ക്കം ചെ​യ്യു​ന്ന ചെ​ളി പു​റം ക​ട​ലി​ൽ നി​ക്ഷേ​പി​ക്കാ​ൻ തീ​രു​മാ​ന​മാ യെ​ങ്കി​ലും കാ​ലാ​വ​സ്ഥ മാ​റ്റ​വും സാ​ങ്കേ​തി​ക​ത്വ​വും വീ​ണ്ടും കാ​ല​താ​മ​സ​ത്തി​നി​ട​യാ​ക്കി. ചെ​ളി കോ​രി കാ​യ​ലി​ൽ ത​ന്നെ നി​ക്ഷേ​പി​ക്കു​ന്ന ക​രാ​റു​കാ​ര​ന്‍റെ ന​ട​പ​ടി​യും വ​ലി​യ പ്ര​തി​ഷേ​ധ​ത്തി​ന് ഇ​ട​യാ​ക്കി​യി​രു​ന്നു. പു​തു​വ​ത്സ​ര സ​മ്മാ​ന​മാ​യി ജെ​ട്ടി ഉ​ദ്ഘാ​ട​നം ന​ട​ക്കു​മെ​ന്ന് നാ​ട്ടു​കാ​ർ പ്ര​തീ​ക്ഷി​ച്ചെ​ങ്കി​ലും ഡ്ര​ഡ്ജി​ങ്ങ് പ്ര​തി​സ​ന്ധി ഇ​ന്നും അ​നി​ശ്ചി​ത​മാ​യി തു​ട​രു​ക​യാ​ണ്.

കെ.​ജെ. മാ​ക്സി എം.​എ​ൽ.​എ ജെ​ട്ടി ഉ​ദ്ഘാ​ട​ന പ്ര​ശ്നം സ​ബ്മി​ഷ​നി​ലൂ​ടെ നി​യ​മ​സ​ഭ​യി​ൽ ഉ​ന്ന​യി​ച്ചെ​ങ്കി​ലും ചെ​ളി നീ​ക്കി ക​ഴി​ഞ്ഞാ​ൽ ഉ​ദ്ഘാ​ട​നം ചെ​യ്യു​മെ​ന്നാ​ണ് വ​കു​പ്പ് മ​ന്ത്രി ഗ​ണേ​ശ് കു​മാ​ർ മ​റു​പ​ടി ന​ൽ​കി​യ​ത്. നി​ല​വി​ലെ സാ​ഹ​ച​ര്യ​ത്തി​ൽ ചെ​ളി എ​ന്ന് കോ​രി തീ​രു​മെ​ന്നാ​ണ് നാ​ട്ടു​കാ​രു​ടെ ചോ​ദ്യം.

കൊ​ച്ചി മ​ഹാ​രാ​ജാ​വി​ന്‍റെ പ​ള്ളി​യോ​ട​ങ്ങ​ൾ അ​ടു​പ്പി​ച്ചി​രു​ന്ന സ്ഥ​ല​ത്തി​ന​ടു​ത്ത് രാ​ജാ​വ് ന​ൽ​കി​യ സ്ഥ​ല​ത്ത് ജ​ന​ങ്ങ​ൾ​ക്ക് ജ​ല​യാ​ത്ര സൗ​ക​ര്യ​മൊ​രു​ക്കാ​ൻ 1930ക​ളി​ൽ നി​ർ​മി​ച്ച മ​ട്ടാ​ഞ്ചേ​രി ജെ​ട്ടി സം​സ്ഥാ​ന​ത്തെ ആ​ദ്യ​കാ​ല ജെ​ട്ടി​ക​ളി​ലൊ​ന്നാ​ണ്.