ഡോക്ടർമാർ സമയത്തെത്തുന്നില്ല; മൂവാറ്റുപുഴ ജനറൽ ആശുപത്രിയിൽ മിന്നൽ പരിശോധന

മൂ​വാ​റ്റു​പു​ഴ: ജ​ന​റ​ൽ ആ​ശു​പ​ത്രി​യി​ലെ ഒ.​പി​യി​ൽ ഡോ​ക്ട​ർ​മാ​ർ സ​മ​യ​ത്ത്​ എ​ത്തു​ന്നി​ല്ലെ​ന്ന പ​രാ​തി​യെ തു​ട​ർ​ന്ന് ന​ഗ​ര​സ​ഭ അ​ധി​കൃ​ത​ർ മി​ന്ന​ൽ പ​രി​ശോ​ധ​ന ന​ട​ത്തി.

ന​ഗ​ര​സ​ഭ വൈ​സ് ചെ​യ​ർ​മാ​ൻ സി​നി ബി​ജു, ആ​രോ​ഗ്യ വി​ഭാ​ഗം സ്ഥി​രം സ​മി​തി അ​ധ്യ​ക്ഷ​ൻ പി.​എം. അ​ബ്ദു​ൽ​സ​ലാം എ​ന്നി​വ​രു​ടെ നേ​തൃ​ത്വ​ത്തി​ലാ​ണ്​ കൗ​ൺ​സി​ല​ർ​മാ​ർ ആ​ശു​പ​ത്രി​യി​ൽ മി​ന്ന​ൽ പ​രി​ശോ​ധ​ന ന​ട​ത്തി​യ​ത്. ഇ​വ​ർ ആ​ശു​പ​ത്രി​യി​ലെ​ത്തു​മ്പോ​ൾ ഒ.​പി റൂ​മു​ക​ൾ ഭൂ​രി​ഭാ​ഗ​വും അ​ട​ഞ്ഞു കി​ട​ക്കു​ക​യാ​യി​രു​ന്നു.

നൂ​റു​ക​ണ​ക്കി​നാ​ളു​ക​ൾ ചി​കി​ത്സ തേ​ടി​യെ​ത്തു​ന്ന ആ​ശു​പ​ത്രി​യി​ൽ ഇ​ട​വേ​ള​ക്കു​ശേ​ഷം അ​ടു​ത്ത കാ​ല​ത്താ​യി പ​രാ​തി​ക​ൾ വ്യാ​പ​ക​മാ​കു​ക​യാ​ണ്. രാ​വി​ലെ 8.30ന്​ ​ഒ.​പി പ്ര​വ​ർ​ത്ത​നം ആ​രം​ഭി​ക്കു​മെ​ന്ന് പ​റ​യു​ന്നു​ണ്ടെ​ങ്കി​ലും 10 മ​ണി​യാ​യാ​ലും ഡോ​ക്ട​ർ​മാ​ർ എ​ത്തു​ന്നി​ല്ലെ​ന്നാ​ണ് പ​രാ​തി. വ്യാ​ഴാ​ഴ്ച രാ​വി​ലെ ആ​റി​നെ​ത്തി ഒ.​പി ടി​ക്ക​റ്റ് എ​ടു​ത്ത​വ​ർ കാ​ത്തു​നി​ന്നെ​ങ്കി​ലും 10 ആ​യി​ട്ടും ഡോ​ക്ട​ർ​മാ​ർ എ​ത്തി​യി​ല്ല.

രാ​വി​ലെ മു​ത​ൽ നി​ര​വ​ധി രോ​ഗി​ക​ളാ​ണ് ഒ.​പി​യി​ൽ വി​വി​ധ വി​ഭാ​ഗ​ങ്ങ​ളി​ലെ ഡോ​ക്ട​ർ​മാ​രെ കാ​ണാ​നെ​ത്തി​യ​ത്. എ​ന്നാ​ൽ, ഒ​രു ഡോ​ക്ട​ർ മാ​ത്ര​മാ​ണ് ആ ​സ​മ​യം ഉ​ണ്ടാ​യി​രു​ന്ന​ത്.

ദൂ​ര​സ്ഥ​ല​ങ്ങ​ളി​ൽ നി​ന്നെ​ത്തി​യ രോ​ഗി​ക​ൾ പ​ല​രും ഡോ​ക്ട​റെ കാ​ണാ​തെ വ​ല​ഞ്ഞു. തു​ട​ർ​ന്നാ​ണ് ന​ഗ​ര​സ​ഭ ആ​രോ​ഗ്യ വി​ഭാ​ഗ​ത്തെ​യും ന​ഗ​ര​സ​ഭ അ​ധി​കൃ​ത​രെ​യും രോ​ഗി​ക​ൾ വി​വ​ര​മ​റി​യി​ച്ച​ത്. ന​ഗ​ര​സ​ഭ അ​ധി​കൃ​ത​ർ എ​ത്തു​മ്പോ​ഴും സ്ഥി​തി വ്യ​ത്യ​സ്ത​മാ​യി​രു​ന്നി​ല്ല.

തു​ട​ർ​ന്ന്, ആ​ശു​പ​ത്രി അ​ധി​കൃ​ത​രു​മാ​യി ഇ​വ​ർ ച​ർ​ച്ച ന​ട​ത്തി. അ​ടു​ത്ത ദി​വ​സം മു​ത​ൽ ആ​വ​ശ്യ​മാ​യ ന​ട​പ​ടി​ക​ൾ സ്വീ​ക​രി​മെ​ന്ന് ഉ​റ​പ്പു​ന​ൽ​കി​യ​തോ​ടെ ന​ഗ​ര​സ​ഭ അ​ധി​കൃ​ത​ർ മ​ട​ങ്ങി.

ഡോ​ക്ട​ർ​മാ​ർ സ​മ​യ​ത്തെ​ത്തു​ന്നി​ല്ല​ന്ന പ​രാ​തി ശ​രി​യ​ല്ലെ​ന്നും എ​ല്ലാ വി​ഭാ​ഗ​ത്തി​ലും ഓ​രോ ഡോ​ക്ട​ർ വീ​തം ഡ്യൂ​ട്ടി​യി​ലു​ണ്ടെ​ന്നും ബാ​ക്കി ഡോ​ക്ട​ർ​മാ​ർ വ​ർ​ക്ക് അ​റേ​ഞ്ച്മെ​ന്‍റി​ന്‍റെ ഭാ​ഗ​മാ​യി മ​റ്റ്​ ഹോ​സ്പി​റ്റ​ലി​ലേ​ക്ക് പോ​യ​തു​കൊ​ണ്ടാ​ണ് എ​ല്ലാ ഡോ​ക്ട​ർ​മാ​രു​ടെ​യും സേ​വ​നം ല​ഭി​ക്കാ​ത്ത​തെ​ന്നും ആ​ശു​പ​ത്രി അ​ധി​കൃ​ത​ർ പ​റ​ഞ്ഞു.