റോഡരികിൽ കൂട്ടിയിട്ട പൈപ്പുകള്‍ യാത്രക്കാര്‍ക്ക് ഭീഷണി

പെ​രു​മ്പാ​വൂ​ർ: റോ​ഡ​രി​കി​ൽ കൂ​ട്ടി​യി​രി​ക്കു​ന്ന പൈ​പ്പു​ക​ൾ യാ​ത്ര​ക്കാ​ർ​ക്ക്​ ഭീ​ഷ​ണി​യാ​കു​ന്നു. എ.​എം റോ​ഡി​ലെ പാ​ല​ക്കാ​ട്ടു​താ​ഴം മു​ത​ൽ പോ​ഞ്ഞാ​ശ്ശേ​രി വ​രെ റോ​ഡ​രി​കി​ലാ​ണ് വ​ലി​യ പൈ​പ്പു​ക​ൾ കൂ​ട്ടി​യി​ട്ടി​രി​ക്കു​ന്ന​ത്. ഇ​തു​മൂ​ലം കാ​ൽ​ന​ട​ക്കാ​ർ​ക്ക്​ മാ​സ​ങ്ങ​ളാ​യി സ​ഞ്ച​രി​ക്കാ​നാ​കാ​ത്ത സ്ഥി​തി​യാ​ണ്.

ഒ​രു പൈ​പ്പി​ന് മാ​ത്രം ആ​യി​ര​ത്തി​ന​ടു​ത്ത് കി​ലോ തൂ​ക്ക​മു​ണ്ട്. ഇ​ത് മ​റി​ഞ്ഞാ​ൽ വ​ൻ അ​പ​ക​ട​ത്തി​ന് കാ​ര​ണ​മാ​കും. ഇ​രു​ച​ക്ര വാ​ഹ​ന​ങ്ങ​ൾ രാ​ത്രി​യി​ൽ ഇ​തി​ൽ​ത​ട്ടി അ​പ​ക​ട​ത്തി​ൽ​പെ​ടു​ന്നു​ണ്ട്. മാ​വി​ൻ​ചു​വ​ട്, പ​ള്ളി​ക്ക​വ​ല, നെ​ടു​ന്തോ​ട്, ത​ണ്ടേ​ക്കാ​ട് ഉ​ൾ​പ്പെ​ടെ​യു​ള്ള സ്ഥ​ല​ങ്ങ​ളി​ൽ ന​ട​പ്പാ​ത​യും പൈ​പ്പു​ക​ൾ കൈ​യ​ട​ക്കി​യ അ​വ​സ്ഥ​യാ​ണ്.

കാ​ൽ​ന​ട ത​ട​സ്സ​പ്പെ​ടു​ത്തു​ന്ന സ​മീ​പ​ന​മാ​ണ് അ​ധി​കൃ​ത​ർ സ്വീ​ക​രി​ച്ചി​ക്കു​ന്ന​തെ​ന്ന് പ്ര​ദേ​ശ​വാ​സി​ക​ൾ ആ​രോ​പി​ക്കു​ന്നു. വെ​ങ്ങോ​ല പ​ഞ്ചാ​യ​ത്തി​ലേ​ക്ക് ശു​ദ്ധ​ജ​ലം എ​ത്തി​ക്കാ​നു​ള്ള പൈ​പ്പു​ക​ളാ​ണി​വ.

പ്ര​ദേ​ശ​ങ്ങ​ളി​ലേ​ക്ക് യു​ദ്ധ​കാ​ലാ​ടി​സ്ഥാ​ന​ത്തി​ൽ കു​ടി​വെ​ള്ളം എ​ത്തി​ക്കാ​നാ​ണ് ക​രാ​റു​കാ​ര​ൻ പൈ​പ്പു​ക​ൾ ഇ​റ​ക്കി​യ​ത്. എ​ന്നാ​ൽ, റോ​ഡ് കു​ഴി​ക്കാ​ൻ പൊ​തു​മ​രാ​മ​ത്ത് വി​ഭാ​ഗം അ​നു​മ​തി ന​ല്‍കാ​ത്ത​ത് ത​ട​സ്സ​മാ​യി. റോ​ഡ് വെ​ട്ടി​പ്പൊ​ളി​ക്കു​ന്ന കാ​ര്യ​ത്തി​ല്‍ പി.​ഡ​ബ്ല്യു.​ഡി​യും ജ​ല​വി​ഭ​വ വ​കു​പ്പും ത​മ്മി​ലു​ള്ള ഭി​ന്ന​ത നി​ല​നി​ൽ​ക്കു​ക​യാ​ണ്.