ഈ ഓട്ടോ ഡ്രൈവർ ഇനി കുഴുപ്പിള്ളി ഗ്രാമപഞ്ചായത്ത് പ്രസിഡന്‍റ്

ചെറായി: സാധാരണക്കാരുടെ ഹൃദയത്തിലൂടെ ഓടിയ ഓട്ടോ ചെന്നുനിന്നത് കുഴുപ്പിള്ളി പഞ്ചായത്ത്​ മുറ്റത്താണ്. കാക്കിയിട്ട് അയ്യമ്പിള്ളി മനപ്പിള്ളി കവലയിലെ ഓട്ടോ സ്​റ്റാൻഡിലിരുന്ന് നാടി​െൻറ ഹൃദയമറിഞ്ഞ കെ.എസ്. നിബിനാണ് ഇനി കുഴുപ്പിള്ളി ഗ്രാമപഞ്ചായത്തി​െൻറ സാരഥി. ആറ്​ പഞ്ചായത്തുകളിൽ ഏറ്റവും പ്രായംകുറഞ്ഞ പ്രസിഡൻറ്​ എന്ന പദവിയും 33കാരനായ ഈ യുവാവിന് സ്വന്തം. സാധാരണക്കാര​െൻറ പ്രശ്നങ്ങൾ നേരിൽകണ്ടും കേട്ടുമാണ് നിബിൻ ഗ്രാമത്തി​െൻറ നേതൃത്വം ഏറ്റെടുത്തിരിക്കുന്നത്.

ഡി.വൈ.എഫ്‌.ഐ കുഴുപ്പിള്ളി മേഖല വൈസ് പ്രസിഡൻറും അയ്യമ്പിള്ളി സൗത്ത് യൂനിറ്റ് സെക്രട്ടറിയുമാണ്​. പ്രളയകാലത്തും കോവിഡ്​ കാലത്തും ജനങ്ങൾക്കിടയിൽ സേവന മനസ്സോടെ പ്രവർത്തിച്ചിരുന്നു. എൽ.ഡി.എഫ് വിമതനായ നാലാം വാർഡ്​ അംഗം എം.പി. രാധാകൃഷ്ണ​െൻറ പിന്തുണയിൽ കുഴുപ്പിള്ളിയിൽ ഇടതുപക്ഷം ഭരണത്തുടർച്ച ഉറപ്പാക്കിയതോടെയാണ് രണ്ടാം വാർഡ്​ അംഗമായ കെ.എസ്. നിബിനെ പ്രസിഡൻറ് സ്ഥാനാർഥിയാക്കാൻ സി.പി.എം തീരുമാനിച്ചത്.