വീടിന്റെ അടുക്കള കത്തിനശിച്ചു

ശ്രീകണ്ഠപുരം: വീട്ടുകാർ പുലർച്ച റബർ ടാപ്പിങ്ങിനുപോയ സമയം അടുക്കള ഭാഗം കത്തിനശിച്ചു. കോട്ടൂർ ആവണക്കോലിലെ പള്ളിനീരാക്കൽ സണ്ണിയുടെ വീടിന്റെ അടുക്കള ഭാഗമാണ് കത്തിനശിച്ചത്. വീട്ടുപകരണങ്ങൾ നശിച്ചു. ഷോർട്ട് സർക്യൂട്ടാണ് അപകട കാരണമെന്ന് കരുതുന്നു. തളിപ്പറമ്പിൽ നിന്നെത്തിയ അഗ്നിരക്ഷസേനയും ശ്രീകണ്ഠപുരം പൊലീസും നാട്ടുകാരും ചേർന്നാണ് തീയണച്ചത്.