അഞ്ചുപൈസ ചെലവില്ലാതെ അഞ്ചിരട്ടി ലാഭം; മാതൃകയാക്കാം കശുമാവ് കൃഷിപാഠം

ശ്രീ​ക​ണ്ഠ​പു​രം: അ​ഞ്ചുപൈ​സ ചെ​ല​വി​ല്ലാ​തെ ക​ശു​മാ​വ് കൃ​ഷി​യി​ൽ​നി​ന്ന് അ​ഞ്ചി​ര​ട്ടി ലാ​ഭ​മു​ണ്ടാ​ക്കാ​നാ​കു​മോ? ക​ഴി​യു​മെ​ന്ന് സാ​ക്ഷ്യ​പ്പെ​ടു​ത്തു​ക​യാ​ണ് പ​യ്യാ​വൂ​ർ കാ​ലി​ക്ക​ണ്ടി​യി​ലെ ആ​നി​യ​മ്മ​യും ഭ​ർ​ത്താ​വ് ബേ​ബി വാ​ഴ​ക്കാ​മ​ല​യും. ഇ​തി​നാ​യി ഇ​വ​ർ ക​ണ്ടെ​ത്തി​യ നാ​ട​ൻ പ​രി​ഹാ​ര​ത്തി​ന് കേ​ന്ദ്ര ശാ​സ്ത്ര-​സാ​ങ്കേ​തി​ക മ​ന്ത്രാ​ല​യ​ത്തി​ന്റെ അം​ഗീ​കാ​ര​വും ല​ഭി​ച്ചു.

കാ​ർ​ഷി​ക മേ​ഖ​ല​യി​ലെ നൂ​ത​ന ആ​ശ​യ​ങ്ങ​ൾ​ക്ക് നാ​ഷ​ന​ൽ ഇ​ന്നോ​വേ​ഷ​ൻ ഫൗ​ണ്ടേ​ഷ​ൻ ന​ൽ​കി​യ അ​വാ​ർ​ഡ് രാ​ഷ്ട്ര​പ​തി​യി​ൽ​നി​ന്ന് ഇ​വ​ർ ഏ​റ്റു​വാ​ങ്ങു​ക​യും ചെ​യ്തു. വേ​രു​പ​ട​ർ​ത്ത​ൽ രീ​തി​യി​ലൂ​ടെ മാ​തൃ​ചെ​ടി​യി​ൽ​നി​ന്ന് കൂ​ടു​ത​ൽ ആ​രോ​ഗ്യ​മു​ള്ള പു​തു​ചെ​ടി​യു​ണ്ടാ​ക്കു​ന്ന വി​ദ്യ​യാ​ണ് ആ​നി​യ​മ്മ​യും ഭ​ർ​ത്താ​വ് ബേ​ബി​യും പ​രീ​ക്ഷി​ച്ച് വി​ജ​യി​ച്ച​ത്. ക​ശു​മാ​വി​ന്റെ മ​ണ്ണി​നു സ​മാ​ന്ത​ര​മാ​യി നി​ൽ​ക്കു​ന്ന കൊ​മ്പു​ക​ളെ ക​ല്ലു​ക​ൾ ഉ​പ​യോ​ഗി​ച്ച് ആ​ദ്യം മ​ണ്ണി​നോ​ട് ചേ​ർ​ന്ന് നി​ർ​ത്തും. ശേ​ഷം മ​ണ്ണും ജൈ​വ വ​ള​വും കൊ​ണ്ട് പൊ​തി​ഞ്ഞു​വെ​ച്ച് പു​തി​യ വേ​രു​ക​ൾ മു​ള​പ്പി​ക്കു​ന്ന ല​ളി​ത​മാ​യ നാ​ട​ൻ രീ​തി​യാ​ണി​ത്. ഒ​രു മാ​തൃ ചെ​ടി​യി​ൽ​നി​ന്ന് ഇ​ത്ത​ര​ത്തി​ൽ ഇ​രു​പ​തോ​ളം പു​തി​യ ചെ​ടി​ക​ൾ​വ​രെ ഇ​വ​ർ ഉ​ണ്ടാ​ക്കി​യി​ട്ടു​ണ്ട്. ഇ​തു​വ​ഴി തു​ട​ർ​ച്ച​യാ​യ കാ​റ്റും പു​ഴു​ക്ക​ളു​ടെ ആ​ക്ര​മ​ണ​വും കാ​ര​ണം ക​ശു​വ​ണ്ടി വി​ള​വ് വ​ൻ തോ​തി​ൽ കു​റ​യു​ന്ന​തു ത​ട​യാ​ൻ സാ​ധി​ച്ചു​വെ​ന്ന് ഇ​വ​ർ പ​റ​യു​ന്നു. പു​ഴു​ശ​ല്യം മൂ​ല​മോ മ​റ്റോ മാ​തൃ ചെ​ടി ന​ശി​ച്ചാ​ലും പു​തി​യ ചെ​ടി​ക​ളി​ൽ നി​ന്ന് വി​ള​വ് ല​ഭി​ക്കും. താ​ഴെ പ​ട​ർ​ന്ന് കി​ട​ക്കു​ന്ന ചെ​ടി​ക​ൾ​ക്കി​ട​യി​ലൂ​ടെ ക​ശു​വ​ണ്ടി ശേ​ഖ​രി​ക്കാ​നു​ള്ള പ്ര​യാ​സ​മൊ​ഴി​ച്ചാ​ൽ ഒ​രു ക​ശു​മാ​വി​ൽ നി​ന്ന് ല​ഭി​ക്കു​ന്ന​തി​നെ​ക്കാ​ൾ അ​ഞ്ച് ഇ​ര​ട്ടി വി​ള​വ് ഈ ​രീ​തി​യി​ലൂ​ടെ ല​ഭി​ക്കും.

പ​രീ​ക്ഷ​ണ​ത്തി​ലൂ​ടെ തു​ട​ക്കം

2004ൽ ​ക​ശു​വ​ണ്ടി​ത്തോ​ട്ട​ത്തി​ൽ ക​ണ്ട കാ​ര്യം പ​രീ​ക്ഷി​ച്ചാ​ണ് ആ​നി​യ​മ്മ ചെ​ടി​യു​ടെ പ്ര​തി​രോ​ധ​ശേ​ഷി​യും വി​ള​വും കൂ​ട്ടി​യ​ത്. ഒ​രു ക​ശു​മാ​വി​ന്റെ കൊ​മ്പ് മ​ണ്ണി​ൽ മു​ട്ടി അ​തി​ൽ​നി​ന്ന് വേ​രു​ക​ൾ പ​ട​ർ​ന്നി​രു​ന്നു. ഈ ​ഭാ​ഗം സാ​ധാ​ര​ണ​യി​ലും വേ​ഗം വ​ള​രു​ന്ന​താ​യും ഇ​വ​ർ മ​ന​സ്സി​ലാ​ക്കി.

അ​ടു​ത്ത​വ​ർ​ഷം പു​ഴു​ശ​ല്യം കാ​ര​ണം മാ​തൃ​ചെ​ടി ന​ശി​ച്ചെ​ങ്കി​ലും വേ​രു​പ​ട​ർ​ന്നു​ണ്ടാ​യ പു​തി​യ കൊ​മ്പി​ന്റെ ഭാ​ഗം ആ​രോ​ഗ്യ​ത്തോ​ടെ നി​ന്നു. ഇ​തി​ന്റെ അ​ടി​സ്ഥാ​ന​ത്തി​ൽ മ​ണ്ണി​നു സ​മാ​ന്ത​ര​മാ​യി നി​ൽ​ക്കു​ന്ന കൊ​മ്പു​ക​ളി​ൽ ചാ​ണ​ക​വും മ​ണ്ണും ചാ​ക്കു​കൊ​ണ്ടു പൊ​തി​ഞ്ഞു​വെ​ച്ച് വേ​രു​ക​ൾ പാ​ള വ​ഴി മ​ണ്ണി​ലെ​ത്തി​ച്ച് മാ​തൃ​ചെ​ടി​യി​ൽ​നി​ന്ന് പു​തി​യ ചെ​ടി​ക​ൾ ആ​നി​യ​മ്മ വി​ക​സി​പ്പി​ച്ചു. 18 വ​ർ​ഷ​മാ​യി ഈ ​നാ​ട​ൻ രീ​തി​യി​ലൂ​ടെ​യാ​ണ് ഇ​വ​ർ ക​ശു​മാ​വ് കൃ​ഷി​യി​ലെ വി​ജ​യ യാ​ത്ര ന​ട​ത്തു​ന്ന​ത്. നി​ര​വ​ധി ഉ​ദ്യോ​ഗ​സ്ഥ​രും ഗ​വേ​ഷ​ക​രും പ​ല​ത​വ​ണ ഇ​വ​രു​ടെ തോ​ട്ടം സ​ന്ദ​ർ​ശി​ച്ചെ​ങ്കി​ലും നാ​ഷ​ന​ൽ ഇ​ന്ന​വേ​ഷ​ൻ ഫൗ​ണ്ടേ​ഷ​ൻ അം​ഗി​കാ​രം ല​ഭി​ക്കാ​ൻ ഏ​റെ കാ​ത്തി​രി​ക്കേ​ണ്ടി വ​ന്നു. കേ​ര​ള കാ​ർ​ഷി​ക സ​ർ​വ​ക​ലാ​ശാ​ല​യും ക​ർ​ണാ​ട​ക​യി​ലെ ഐ.​സി.​എ.​ആ​റും ഈ ​രീ​തി പ​രി​ശോ​ധി​ച്ച് അം​ഗീ​കാ​രം ന​ൽ​കി​യി​ട്ടു​ണ്ട്.

വൈ​കി വ​ന്ന അം​ഗീ​കാ​രം

20 വ​ർ​ഷ​ത്തെ ക​ഠി​നാ​ധ്വാ​ന​ത്തി​ന് ല​ഭി​ച്ച​താ​ണ് ഇ​പ്പോ​ഴ​ത്തെ അം​ഗീ​കാ​രം. ആ​ളു​ക​ൾ അ​റി​യാ​നും അം​ഗീ​ക​രി​ക്കാ​നും അ​ൽപം വൈ​കി​യെ​ന്നു മാ​ത്രം. ഈ ​വി​ദ്യ എ​ല്ലാ ക​ർ​ഷ​ക​രേ​യും പ​ഠി​പ്പി​ക്കാ​ൻ ത​യാ​റാ​ണ്. ക​ശു​വ​ണ്ടി കൃ​ഷി​യി​ലൂ​ടെ എ​ല്ലാ​വ​രും ലാ​ഭം നേ​ട​ണ​മെ​ന്നാ​ണ് ആ​ഗ്ര​ഹം - ബേ​ബി​യും ആ​നി​യ​മ്മ​യും പ​റ​ഞ്ഞു.ക​ശു​വ​ണ്ടി ശേ​ഖ​രി​ക്കു​ന്ന​തി​ന്റെ എ​ളു​പ്പ​ത്തി​നാ​യി എ​ല്ലാ​വ​രും ക​ശു​മാ​വി​ന്റെ താ​ഴെ​യു​ള്ള ശി​ഖ​ര​ങ്ങ​ൾ വെ​ട്ടി​മാ​റ്റി​യാ​ണ് കൃ​ഷി ചെ​യ്യു​ന്ന​ത്. ഇ​ത് വി​ള​വ് കു​റ​ക്കും. ഒ​രു ക​ശു​മാ​വി​ന് പ​ക​രം പു​തി​യൊ​ന്ന് വെ​ച്ചു​പി​ടി​പ്പി​ക്ക​ൽ എ​ളു​പ്പ​മ​ല്ല. എ​ന്നാ​ൽ ഈ ​സാ​ങ്കേ​തി​ക വി​ദ്യ ഉ​പ​യോ​ഗി​ച്ച് ക​ർ​ഷ​ക​ന് പ​ഴ​യ മ​ര​ങ്ങ​ളി​ൽ നി​ന്ന് പു​തി​യ മ​ര​ങ്ങ​ൾ ഒ​രു​ക്കാ​നാ​കും. ചു​ഴ​ലി​ക്കാ​റ്റു​ക​ളാ​ൽ എ​ളു​പ്പ​ത്തി​ൽ പി​ഴു​തെ​റി​യ​പ്പെ​ടാ​തി​രി​ക്കു​ക​യും ചെ​യ്യും. ഈ ​വി​ജ​യ ഫോ​ർ​മു​ല അ​റി​ഞ്ഞ​തോ​ടെ സാ​ധാ​ര​ണ ക​ർ​ഷ​ക​രും ശാ​സ്ത്ര​ജ്ഞ​രു​മ​ട​ക്കം ഇ​വ​രെ തേ​ടി​യെ​ത്തു​ന്ന​ുണ്ട്.