ഇ.എസ്.ഐ ആശുപത്രിക്ക് വേണം അടിയന്തര ചികിത്സ

പാ​പ്പി​നി​ശ്ശേ​രി: കാ​ടു​മൂ​ടി​യും ഇ​ഴ​ജ​ന്തു​ക്ക​ളു​ടെ വി​ഹാ​ര​കേ​ന്ദ്ര​മാ​യും മാ​റി​യൊ​രു ആ​ശു​പ​ത്രി​യു​ണ്ടി​വി​ടെ; പാ​പ്പി​നി​ശ്ശേ​രി ഇ.​എ​സ്.​ഐ ആ​ശു​പ​ത്രി. സ​മീ​പ​ത്തെ സേ​വ​ന പ്രാ​ദേ​ശി​ക ഓ​ഫി​സി​നും ആ​ശു​പ​ത്രി​ക്കും അ​ധി​കൃ​ത​രു​ടെ അ​ടി​യ​ന്ത​ര ചി​കി​ത്സ ആ​വ​ശ്യ​മാ​യി​രി​ക്കു​ന്നു.

പ്രാ​ദേ​ശി​ക ഓ​ഫി​സി​ന്റെ സ്ഥി​തി ശോ​ച​നീ​യ​മാ​ണ്. നാ​ലു ജീ​വ​ന​ക്കാ​ർ പ്ര​വ​ർ​ത്തി​ക്കു​ന്ന ഓ​ഫി​സി​നു ചു​റ്റും കാ​ടു​മൂ​ടി​യ​തി​നാ​ല്‍ കെ​ട്ടി​ടം നേ​രാം​വ​ണ്ണം കാ​ണാ​ൻ പ​റ്റാ​ത്ത അ​വ​സ്ഥ​യി​ലാ​ണ്. ഇ​ഴ​ജ​ന്തു​ക്ക​ളു​ടെ​യും തെ​രു​വു​നാ​യ്ക്ക​ളു​ടെ​യും വി​ഹാ​ര​കേ​ന്ദ്ര​മാ​യ ആ​ശു​പ​ത്രി​യും പ​രി​സ​ര​വും സം​ര​ക്ഷി​ക്ക​ണ​മെ​ന്ന് നി​ര​ന്ത​രം ആ​വ​ശ്യ​മു​യ​ർ​ന്നി​ട്ടും ന​ട​പ്പാ​കു​ന്നി​ല്ല. ര​ണ്ട് ഏ​ക്ക​റോ​ളം സ്ഥ​ല​ത്ത് വി​ശാ​ല​മാ​യി​ക്കി​ട​ക്കു​ന്ന ആ​ശു​പ​ത്രി​യും ഓ​ഫി​സും ക്വാ​ർ​ട്ടേ​ഴ്സും കാ​ടി​നു​ള്ളി​ലാ​ണ്. ദി​വ​സേ​ന ഇ​വി​ടെ​യ​ത്തു​ന്ന രോ​ഗി​ക​ളും മ​റ്റും പാ​മ്പു​ക​ളു​ടെ​യും തെ​രു​വു​നാ​യ്ക്ക​ളു​ടെ​യും ആ​ക്ര​മ​ണം ഉ​ണ്ടാ​കു​മെ​ന്ന ഭ​യ​പ്പാ​ടി​ലാ​ണ്.

കാ​ല​പ്പ​ഴ​ക്ക​ത്താ​ല്‍ തേ​ഞ്ഞു​മാ​ഞ്ഞു​പോ​യ ആ​ശു​പ​ത്രി​യു​ടെ നാ​മ​ത്ത​കി​ട് പോ​ലും പു​നഃ​സ്ഥാ​പി​ക്കാ​ന്‍ അ​ധി​കൃ​ത​ര്‍ ശ്ര​മി​ക്കു​ന്നി​ല്ല. മ​ഴ​ക്കാ​ല​മാ​യാ​ല്‍ കെ​ട്ടി​ട​ത്തി​ന്റെ മി​ക്ക ഭാ​ഗ​ങ്ങ​ളും ചോ​ർ​ന്നൊ​ലി​ക്കും. ആ​ശു​പ​ത്രി പ​രി​സ​ര​മാ​കെ വെ​ള്ള​ക്കെ​ട്ടി​ലു​മാ​കും. ആ​ർ​ക്കും ഉ​ത്ത​ര​വാ​ദി​ത്ത​മി​ല്ലാ​ത്ത അ​വ​സ്ഥ​യി​ല്‍ ആ​ശു​പ​ത്രി ആ​ര് സം​ര​ക്ഷി​ക്കു​മെ​ന്ന ചോ​ദ്യ​മാ​ണ് ഉ​യ​രു​ന്ന​ത്. അ​ര​നൂ​റ്റാ​ണ്ടാ​യി തൊ​ഴി​ലാ​ളി​ക​ളു​ടെ ആ​രോ​ഗ്യ പ​രി​പാ​ല​ന​ത്തി​നും സേ​വ​ന​ത്തി​നു​മാ​യി തു​ട​ങ്ങി​യ​താ​ണ് ഈ ​ആ​ശു​പ​ത്രി.

ജി​ല്ല​യി​ലെ 4,700 തൊ​ഴി​ലാ​ളി​ക​ൾ​ക്ക് ആ​രോ​ഗ്യ സേ​വ​നം ന​ൽ​കു​ന്ന​തി​ന് സ്ഥാ​പി​ച്ച പ്ര​ധാ​ന ആ​ശു​പ​ത്രി​യാ​ണി​ത്. ആ​വ​ശ്യ​ത്തി​ന് പ​ശ്ചാ​ത്ത​ല സൗ​ക​ര്യ​മു​ണ്ടെ​ങ്കി​ലും അ​ടി​സ്ഥാ​ന സൗ​ക​ര്യ​മൊ​രു​ക്കാ​തെ സ്ഥാ​പ​ന​ത്തെ അ​ധി​കൃ​ത​ർ നോ​ക്കു​കു​ത്തി​യാ​ക്കു​ക​യാ​ണ്. നി​ത്യേ​ന നൂ​റി​ല​ധി​കം തൊ​ഴി​ലാ​ളി​ക​ൾ എ​ത്തി​ച്ചേ​രു​ന്ന ആ​ശു​പ​ത്രി​യി​ൽ ചി​കി​ത്സ​യും മ​രു​ന്നു വി​ത​ര​ണ​വും അ​വ​ധി ആ​വ​ശ്യ​ങ്ങ​ൾ​ക്കു​ള്ള സാ​ക്ഷ്യ​പ​ത്ര​വും ന​ൽ​കു​ന്ന സേ​വ​ന​ങ്ങ​ൾ മാ​ത്ര​മാ​ണ് നി​ല​വി​ലു​ള്ള​ത്. പ്രാ​ദേ​ശി​ക ഓ​ഫി​സി​ന്റെ സ്ഥി​തി ശോ​ച​നീ​യ​മാ​ണ്.

നാ​ലു ജീ​വ​ന​ക്കാ​ർ പ്ര​വ​ർ​ത്തി​ക്കു​ന്ന ഓ​ഫി​സി​ന്റെ ചു​റ്റും കാ​ടു​മൂ​ടി കെ​ട്ടി​ടം കാ​ണാ​തെ തി​ര​യേ​ണ്ട അ​വ​സ്ഥ​യാ​ണ്. ആ​ശു​പ​ത്രി​യു​ടെ ന​ട​ത്തി​പ്പ് കേ​ന്ദ്ര സ​ര്‍ക്കാ​റി​ന്റെ കീ​ഴി​ലു​ള്ള ഇ.​എ​സ്.​ഐ കോ​ർ​പ​റേ​ഷ​നാ​ണെ​ങ്കി​ലും ആ​വ​ശ്യ​മാ​യ മെ​ഡി​ക്ക​ൽ സൗ​ക​ര്യം ഒ​രു​ക്കേ​ണ്ട​ത് സം​സ്ഥാ​ന സ​ർ​ക്കാ​റാ​ണെ​ന്നാ​ണ് തൊ​ഴി​ലാ​ളി സം​ഘ​ട​ന നേ​താ​ക്ക​ൾ പ​റ​യു​ന്ന​ത്. കേ​ന്ദ്ര​വും സം​സ്ഥാ​ന​വും കൈ​മ​ല​ർ​ത്തു​​മ്പോ​ൾ ബു​ദ്ധി​മു​ട്ടു​ന്ന​ത് രോ​ഗി​ക​ളാ​ണ്.