പു​തു​വ​ർ​ഷാ​ഘോ​ഷത്തിൽ അ​തി​രു​ക​ട​ന്ന് റോഡിലെ നിയമലംഘനം; 75 വാഹന ഉടമകൾക്കെതിരെ നടപടി

ഇ​രി​ട്ടി: പു​തു​വ​ർ​ഷാ​ഘോ​ഷാഘോഷത്തോടനുബന്ധിച്ച് ചൊ​വ്വാ​ഴ്ച രാ​ത്രി​ മോ​ട്ടോ​ർ വാ​ഹ​ന​വ​കു​പ്പ് ഇ​രി​ട്ടി​യി​ൽ ന​ട​ത്തി​യ പ​രി​ശോ​ധ​ന​യി​ൽ കു​ടു​ങ്ങി​യ​ത് നി​ര​വ​ധി വാ​ഹ​ന​ങ്ങ​ൾ.

അ​ടി​ക്ക​ടി​യു​ണ്ടാ​കു​ന്ന വാ​ഹ​നാ​പ​ക​ട​ങ്ങ​ൾ​ക്ക് ത​ട​യി​ടു​ക, റോ​ഡ് ഉ​പ​യോ​ക്താ​ക്ക​ളി​ൽ ജാ​ഗ്ര​ത സൃ​ഷ്ടി​ക്കു​ക തു​ട​ങ്ങി​യ ല​ക്ഷ്യ​ത്തോ​ടെ ട്രാ​ൻ​സ്‌​പോ​ർ​ട്ട് ക​മീ​ഷ​ണ​റു​ടെ നി​ർ​ദേ​ശ പ്ര​കാ​രം പ​രി​ശോ​ധ​ന ന​ട​ത്തി​യ​ത്. പൊ​ലീ​സും സ​ബ് ആ​ർ.​ടി ഓ​ഫി​സും ചേ​ർ​ന്നാ​യി​രു​ന്നു ഇ​രി​ട്ടി ടൗ​ൺ അ​ട​ക്ക​മു​ള്ള റോ​ഡു​ക​ളി​ൽ വൈ​കീ​ട്ട് നാ​ലു മു​ത​ൽ ബു​ധ​നാ​ഴ്ച പു​ല​ർ​ച്ച ര​ണ്ടു​വ​രെ പ​രി​ശോ​ധ​ന ന​ട​ത്തി​യ​ത്. പ​രി​ശോ​ധ​ന​യി​ൽ എ​ഴു​പ​ത്തി അ​ഞ്ചോ​ളം വാ​ഹ​ന​ങ്ങ​ളി​ൽ നി​യ​മ ലം​ഘ​നം ക​ണ്ടെ​ത്തി.

സൈ​ല​ൻ​സ​റു​ക​ളി​ൽ മാ​റ്റം വ​രു​ത്തി അ​മി​ത ശ​ബ്ദം പു​റ​പ്പെ​ടു​വി​ക്കു​ന്ന വാ​ഹ​ന​ങ്ങ​ൾ, ഉ​യ​ർ​ന്ന പ്ര​കാ​ശം പു​റ​പ്പെ​ടു​വി​ക്കു​ന്ന ലൈ​റ്റു​ക​ൾ ഘ​ടി​പ്പി​ച്ച വാ​ഹ​ന​ങ്ങ​ൾ, ഇ​ൻ​ഷു​റ​ൻ​സ് ഇ​ല്ലാ​തെ സ​ർ​വി​സ് ന​ട​ത്തു​ന്ന​തും ഫി​റ്റ്ന​സ് ഇ​ല്ലാ​ത്ത​വ​യു​മാ​യ വാ​ഹ​ന​ങ്ങ​ൾ എ​ന്നി​വ​ക്കെ​തി​രെ​യാ​ണ് കേ​സെ​ടു​ത്തി​ട്ടു​ള്ള​തെ​ന്ന് ഇ​രി​ട്ടി അ​സി. മോ​ട്ടോ​ർ വെ​ഹി​ക്കി​ൾ ഇ​ൻ​സ്‌​പെ​ക്ട​ർ വി.​ആ​ർ. ഷ​നി​ൽ​കു​മാ​ർ പ​റ​ഞ്ഞു. ഇ​വ​രി​ൽ​നി​ന്ന് പി​ഴ ഈ​ടാ​ക്കി. നി​യ​മ​ലം​ഘ​ന​ങ്ങ​ൾ ആ​വ​ർ​ത്തി​ക്കാ​തി​രി​ക്കാ​ൻ ശ​ക്ത​മാ​യ ന​ട​പ​ടി​ക​ൾ സ്വീ​ക​രി​ക്കു​മെ​ന്നും അ​ദ്ദേ​ഹം പ​റ​ഞ്ഞു.