പാനൂർ: റോഡിലെ കുണ്ടും കുഴിയും നികത്താൻ കഴിയാത്ത സർക്കാറാണ് കെ.റയിൽ പദ്ധതിയുമായി മുന്നോട്ടുപോകാൻ ശ്രമിക്കുന്നതെന്ന് കെ. മുരളീധരൻ എം.പി കുറ്റപ്പെടുത്തി. പെട്രോളിനും ഡീസലിനും അനുദിനം വിലവർധിക്കുമ്പോൾ 23 ഓളം അകമ്പടി വാഹനങ്ങളുമായി മുഖ്യമന്ത്രി ധൂർത്തടിക്കുകയാണെന്നും അദ്ദേഹം പറഞ്ഞു. പാനൂർ ബ്ലോക്ക് കോൺഗ്രസ് കമ്മിറ്റി പാനൂരിൽ സംഘടിപ്പിച്ച ഇന്ദിരാജി അനുസ്മരണ സദസ്സ് ഉദ്ഘാടനം ചെയ്യുകയായിരുന്നു അദ്ദേഹം.
ബ്ലോക്ക് പ്രസിഡൻറ് കെ.പി. ഹാഷിം അധ്യക്ഷത വഹിച്ചു. വി. സുരേന്ദ്രൻ മാസ്റ്റർ, കെ.പി. സാജു, സന്തോഷ് കണ്ണം വെള്ളി, ഹരിദാസ് മൊകേരി, സി.വി.എ. ജലീൽ, കെ. രമേശൻ, കൃഷ്ണകുമാരി, ജിഷ വള്ള്യായി, ടി.സി. കുഞ്ഞിരാമൻ മാസ്റ്റർ, കെ.പി. രാമചന്ദ്രൻ മാസ്റ്റർ, ടി.കെ. അശോകൻ മാസ്റ്റർ, ടി.കെ. ചന്ദ്രൻ മാസ്റ്റർ, വിപിൻ മാസ്റ്റർ എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.