സുഹൈൽ
പാനൂർ: കടവത്തൂരിൽ കടകളിൽ മോഷണം നടത്തിയ സംഭവത്തിൽ മോഷ്ടാവ് പിടിയിലായി. കഴിഞ്ഞ രണ്ടാഴ്ചക്കുള്ളിൽ മൂന്ന് കടകളിൽ മോഷണം നടത്തിയ പ്രതിയെയാണ് ഒടുവിൽ പൊലീസ് പൊക്കിയത്. കുറ്റ്യാടി വാണിമേലിലെ ഉതുക്കട്ടവിട മുഹമ്മദ് സുഹൈലിനെ (25)യാണ് കൊളവല്ലൂർ പൊലീസ് അറസ്റ്റുചെയ്തത്. കൂട്ടുപ്രതി വടകരയിൽ പൊലീസ് വലയിലായതായാണ് സൂചന.
കടവത്തൂർ മുണ്ടത്തോട് റോഡിലെ ജൗദ ഫാൻസ് ആൻഡ് ഫുട്ട് വെയർ, കല്ലിക്കണ്ടി റോഡിലെ മെട്രോ ഫാൻസി ഫുട്ട് വെയർ, ഡാസിൽ ഫാൻസി എന്നീ കടകളിലാണ് മോഷണം നടത്തിയത്. മൂന്ന് കടകളിലും പുറത്തെ ഗ്ലാസ് ഡോറും ഷട്ടറും തകർത്താണ് മോഷ്ടാവ് അകത്തുകയറിയിരുന്നത്. ജൗദ ഫാൻസിയിൽ നിന്ന് 30,000 രൂപയും മെട്രോ ഫാൻസിയിൽനിന്ന് 15,000 രൂപയും നഷ്ടപ്പെട്ടിരുന്നു.
കൊളവല്ലൂർ പൊലീസ് ഇൻസ്പെക്ടർ കെ. സുമിത്ത്കുമാറും എസ്.ഐ കെ.കെ. സോബിൻ, പ്രഷീദ്, എ.എസ്.ഐ സഹദേവൻ, സിവിൽ പൊലീസ് ഓഫിസർമാരായ ദീപേഷ് , വിജേഷ്, രജീഷ് എന്നിവരുൾപ്പെട്ട സംഘമാണ് പ്രത്യേക സ്ക്വാഡ് രൂപവത്കരിച്ച് പ്രതിയെ അറസ്റ്റുചെയ്തത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.