കെ റെയിൽ സിൽവർലൈൻ പദ്ധതി: പാതക്ക് കുറ്റിയിട്ടു; ഈ പക്ഷികൾ ഇനിയെവിടെ പോകും?

പ​യ്യ​ന്നൂ​ർ: അ​ന്താ​രാ​ഷ്​​ട്ര സൗ​ഹൃ​ദ​ത്തി​‍െൻറ അ​ട​യാ​ള​ങ്ങ​ളാ​ണ് ദേ​ശാ​ട​ന പ​ക്ഷി​ക​ൾ. അ​തു​കൊ​ണ്ടു​ത​ന്നെ കി​ലോ​മീ​റ്റ​റു​ക​ൾ പ​റ​ന്ന് ദേ​ശ​ങ്ങ​ൾ പി​ന്നി​​ട്ടെ​ത്തു​ന്ന ഈ ​പ​ക്ഷി​ക​ൾ രാ​ഷ്​​ട്ര​ത്തി​​‍െൻറ അ​തി​ഥി​ക​ളാ​ണ്. വി​ക​സ​ന​ത്തി​‍െൻറ പേ​രി​ൽ ഇ​വ​യു​ടെ ആ​വാ​സ​കേ​ന്ദ്ര​ങ്ങ​ൾ കൈ​യേ​റു​മ്പോ​ൾ ഇ​ല്ലാ​താ​കു​ന്ന​ത് ഈ ​സൗ​ഹൃ​ദം ത​ന്നെ.

ക​ണ്ണൂ​ർ ജി​ല്ല​യി​ൽ ഏ​റ്റ​വും കൂ​ടു​ത​ൽ ദേ​ശാ​ട​ന പ​ക്ഷി​ക​ൾ എ​ത്തു​ന്ന കേ​ന്ദ്ര​ങ്ങ​ളി​ൽ ഒ​ന്നാ​ണ് കു​ഞ്ഞി​മം​ഗ​ലം ഗ്രാ​മ​പ​ഞ്ചാ​യ​ത്തി​ൽ ഉ​ൾ​പ്പെ​ടു​ന്ന ചെ​മ്പ​ല്ലി​ക്കു​ണ്ട് ത​ണ്ണീ​ർ​ത​ടം. ഏ​ക്ക​ർ ക​ണ​ക്കി​ന് വി​സ്തൃ​തി​യി​ൽ പ​ര​ന്നു കി​ട​ക്കു​ന്ന ഇ​വി​ടെ സീ​സ​ണി​ൽ പ​തി​നാ​യി​ര​ത്തി​ല​ധി​കം പ​ക്ഷി​ക​ൾ വി​രു​ന്നെ​ത്തു​ന്ന​താ​യാ​ണ് ക​ണ​ക്ക്. ഈ ​ച​തു​പ്പി​ലൂ​ടെ​യാ​ണ് റെ​യി​ൽ ക​ട​ന്നു​പോ​കു​ന്ന​ത്.

നേ​ര​ത്തെ ഇ​ന്ത്യ​ൻ റെ​യി​ൽ​വേ​യു​ടെ ലൈ​ൻ ച​തു​പ്പി​നെ പ​കു​ത്താ​ണ് പോ​യ​ത്. ഇ​തു​ണ്ടാ​ക്കി​യ പാ​രി​സ്ഥി​തി​ക നാ​ശ​ത്തി​നു പു​റ​മെ​യാ​ണ് ​സി​ൽ​വ​ർ ലൈ​നും നാ​ശം വി​ത​ക്കാ​ൻ പോ​കു​ന്ന​ത്. വ​യ​ല​പ്ര പാ​ർ​ക്കു മു​ത​ൽ കു​ഞ്ഞി​മം​ഗ​ലം കൊ​വ്വ​പ്പു​റം വ​രെ​യു​ള്ള 12 ഏ​ക്ക​റി​ല​ധി​കം ച​തു​പ്പ് നി​ക​ത്തി​യാ​യി​രി​ക്കും റെ​യി​ൽ പോ​വു​ക. ഇ​ത് പ​ക്ഷി​ക​ളു​ടെ ഇ​ര തേ​ട​ലി​നെ ബാ​ധി​ക്കു​മെ​ന്ന് പ​രി​സ്ഥി​തി പ്ര​വ​ർ​ത്ത​ക​ർ പ​റ​യു​ന്നു. മാ​ത്ര​മ​ല്ല, ട്രെ​യി​ൻ പോ​കു​മ്പോ​ൾ ഉ​ണ്ടാ​കു​ന്ന ശ​ബ്​​ദ​മ​ലി​നീ​ക​ര​ണ​വും ഇ​വ​യു​ടെ ​സ്വൈ​ര​വി​ഹാ​ര​ത്തി​ന് ത​ട​സ്സ​മാ​വും.

എ​ര​ണ്ട​ക​ൾ മു​ത​ൽ രാ​ജ​ഹം​സം വ​രെ

വി​രു​ന്നെ​ത്തു​ന്ന പ​ക്ഷി​ക​ളു​ടെ വൈ​വി​ധ്യ​മാ​ണ് ചെ​മ്പ​ല്ലി​ക്കു​ണ്ടി​​െൻറ പ്ര​ത്യേ​ക​ത. പ​ക്ഷി​ക​ളു​ടെ ആ​ധി​ക്യ​വും വൈ​വി​ധ്യ​വു​മാ​ണ് കേ​ര​ള​ത്തി​ലെ പ​ക്ഷി​നി​രീ​ക്ഷ​ക​രെ ഇ​വി​ടേ​ക്ക് ആ​ക​ർ​ഷി​ക്കു​ന്ന​തും. കേ​ര​ള​ത്തി​ൽ അ​ധി​കം എ​ത്താ​ത്ത രാ​ജ​ഹം​സം ചെ​മ്പ​ല്ലി​ക്കു​ണ്ടി​ൽ എ​ത്തി​യ​ത്​ രേ​ഖ​പ്പെ​ടു​ത്തു​ന്ന​ത്​ ഏ​താ​നും വ​ർ​ഷ​ങ്ങ​ൾ​ക്കു മു​മ്പു മാ​ത്ര​മാ​ണ്.

ഹോ​ള​ണ്ടി​‍െൻറ ദേ​ശീ​യ​പ​ക്ഷി​യാ​യ പ​ട്ട​വാ​ല​ൻ ഗോ​ഡ്വി​റ്റ് , വി​വി​ധ ത​രം ക​ട​ൽ കാ​ക്ക​ക​ൾ, ആ​ള​ക​ൾ, വം​ശ​നാ​ശ ഭീ​ഷ​ണി നേ​രി​ടു​ന്ന വെ​ള്ള​വ​യ​റാ​ൻ ക​ട​ൽ പ​രു​ന്ത്, താ​ലി പ​രു​ന്ത്, പെ​രി​ഗ്രി​ൻ ഫാ​ൽ​ക്ക​ൻ, വെ​സ്​​റ്റേ​ൺ മാ​ർ​ഷ് ഹ​രി​യ​ർ (ക​രി​ത​പ്പി) തു​ട​ങ്ങി​യ​വ ചെ​മ്പ​ല്ലി​ക്കു​ണ്ടി​ലെ​ത്തു​ന്ന വി​ദേ​ശി​ക​ളാ​ണ്.

പ​ക്ഷി​ക​ൾ കു​റ​യു​ന്നു

അ​ടു​ത്ത​കാ​ല​ത്താ​യി ചെ​മ്പ​ല്ലി​ക്കു​ണ്ടി​ൽ എ​ത്തു​ന്ന പ​ക്ഷി​ക​ളു​ടെ എ​ണ്ണം കു​റ​യു​ന്ന​താ​യി പ​ക്ഷി​നി​രീ​ക്ഷ​ക​ർ പ​റ​യു​ന്നു. ച​തു​പ്പു​ക​ൾ നി​ക​ത്തി കെ​ട്ടി​ട​ങ്ങ​ൾ പ​ണി​യു​ന്ന​തും ക​ണ്ട​ൽ വെ​ട്ടി ചെ​മ്മീ​ൻ പാ​ടം നി​ർ​മി​ക്കു​ന്ന​തും നീ​ർ​ത​ട​ത്തി​ലെ മാ​ലി​ന്യ​ക്കൂ​മ്പാ​ര​വു​മാ​ണ്​ പ​ക്ഷി​ക​ളെ വി​ല​ക്കു​ന്ന​ത്. കെ ​റെ​യി​ൽ കൂ​ടി​യാ​വു​മ്പോ​ൾ ഇ​വ​യു​ടെ വ​ര​വി​ൽ ഗ​ണ്യ​മാ​യ കു​റ​വു​ണ്ടാ​വു​മെ​ന്നും ചൂ​ണ്ടി​ക്കാ​ണി​ക്ക​പ്പെ​ടു​ന്നു.

ത​ക​രു​ന്ന​ത് ഹ​രി​ത​ക​വ​ചം

കേ​ര​ള​ത്തി​ൽ കൂ​ടു​ത​ൽ ക​ണ്ട​ൽ​ക്കാ​ടു​ക​ളു​ള്ള പ​ഞ്ചാ​യ​ത്താ​ണ് കു​ഞ്ഞി​മം​ഗ​ലം. ഇ​തി​​‍െൻറ ന​ല്ലൊ​രു ഭാ​ഗം ചെ​മ്പ​ല്ലി​ക്കു​ണ്ടി​ലാ​ണ്. കേ​ര​ള​ത്തി​ൽ കാ​ണു​ന്ന മി​ക്ക ഇ​ന​ങ്ങ​ളും ഇ​വി​ടെ​യു​ണ്ട്. എ​ന്നാ​ൽ, ഇ​വ വ്യാ​പ​ക​മാ​യി ന​ശി​പ്പി​ച്ചു​കൊ​ണ്ടി​രി​ക്കു​ന്നു. കെ ​റെ​യി​ൽ അ​ധി​കം ക​ണ്ട​ൽ ക​വ​രു​ന്നി​ല്ലെ​ങ്കി​ലും തു​ട​ർ വി​ക​സ​ന​ങ്ങ​ൾ ഈ ​ഹ​രി​ത​ക​വ​ചം ഇ​ല്ലാ​താ​ക്കു​മെ​ന്ന് പ​രി​സ്ഥി​തി പ്ര​വ​ർ​ത്ത​ക​ർ ആ​ശ​ങ്ക​പ്പെ​ടു​ന്നു.