പ്രിയതമന്റെ 'പാദം' തൊട്ട് വിനോദിനി

പ​യ്യ​ന്നൂ​ർ: പ്രി​യ സ​ഖാ​വി​ന്റെ ജീ​വ​ൻ തു​ടി​ക്കു​ന്ന കൈ​ക​കാ​ലു​ക​ൾ തൊ​ട്ട് ക​ണ്ണീ​ർ തൂ​കി വി​നോ​ദി​നി ബാ​ല​കൃ​ഷ്ണ​ൻ. ഒ​പ്പം മ​ക​ൻ ബി​നീ​ഷ് കോ​ടി​യേ​രി​യും. ശി​ൽ​പി ഉ​ണ്ണി കാ​നാ​യി​യു​ടെ വീ​ടാ​ണ് വൈ​കാ​രി​ക നി​മി​ഷ​ങ്ങ​ൾ​ക്ക് സാ​ക്ഷി​യാ​യ​ത്.

ഉ​ണ്ണി കാ​നാ​യി നി​ർ​മി​ച്ച കോ​ടി​യേ​രി​യു​ടെ കൈ​കാ​ലു​ക​ൾ ഉ​ൾ​പ്പെ​ടു​ന്ന ശി​ൽ​പം ഏ​റ്റു​വാ​ങ്ങാ​നാ​ണ് വി​നോ​ദി​നി​യും ബി​നീ​ഷും കാ​നാ​യി​യി​ലെ​ത്തി​യ​ത്. സി.​പി.​എം മു​ൻ സം​സ്ഥാ​ന സെ​ക്ര​ട്ട​റി​യും ജ​ന​പ്രി​യ നേ​താ​വു​മാ​യി​രു​ന്ന കോ​ടി​യേ​രി ബാ​ല​കൃ​ഷ്ണ​ന്റെ ഭൗ​തി​ക ശ​രീ​രം ചി​ത​യി​ൽ എ​രി​ഞ്ഞ​ട​ങ്ങു​ന്ന​തി​ന് ഏ​താ​നും മ​ണി​ക്കൂ​ർ മു​മ്പ് കൈ​യു​ടെ​യും കാ​ലി​ന്റെ​യും മോ​ൾ​ഡ് എ​ടു​ത്ത് സൂ​ക്ഷി​ച്ച് ഒ​രു ശ​ത​മാ​നം പോ​ലും മാ​റ്റ​മി​ല്ലാ​തെ​യാ​ണ് ശി​ൽ​പം പൂ​ർ​ത്തി​യാ​ക്കി​യ​ത്.

ര​ണ്ടാം ച​ര​മ വാ​ർ​ഷി​ക ദി​ന​മാ​യ തി​ങ്ക​ളാ​ഴ്ച​യാ​ണ് വെ​ങ്ക​ല​ത്തി​ൽ നി​ർ​മി​ച്ച ശി​ൽ​പം കു​ടും​ബ​ത്തി​ന് കൈ​മാ​റി​യ​ത്. മ​രി​ച്ച ദി​വ​സം കോ​ടി​യേ​രി​യു​ടെ സ​ന്ത​ത സ​ഹ​ചാ​രി റി​ജു​വാ​ണ് ഫോ​ണി​ലൂ​ടെ കു​ടും​ബ​ത്തി​ന്റെ ആ​ഗ്ര​ഹ​മ​റി​യി​ച്ച​ത്. സ​ഖാ​വി​ന്റെ കൈ​യും കാ​ലും എ​ന്നും കാ​ണാ​നും തൊ​ടാ​നും അ​തു​പോ​ലെ നി​ർ​മി​ച്ചു ന​ൽ​ക​ണ​മെ​ന്നാ​യി​രു​ന്നു ആ​ഗ്ര​ഹം. ഈ ​ആ​ഗ്ര​ഹ​മാ​ണ് ര​ണ്ടാം ച​ര​മ​വാ​ർ​ഷി​ക ദി​ന​ത്തി​ൽ സ​ഫ​ല​മാ​യ​ത്.

ആ​ഗ്ര​ഹ​മ​റി​യി​ച്ച ഉ​ട​ൻ ഉ​ണ്ണി കൈ​യും കാ​ൽ​പാ​ദ​വും മോ​ൾ​ഡ് എ​ടു​ക്കാ​ൻ തീ​രു​മാ​നി​ക്കു​ക​യാ​യി​രു​ന്നു. മൃ​ത​ദേ​ഹം വീ​ട്ടി​ലെ​ത്തി​യ ദി​വ​സം പു​ല​ർ​ച്ച മൂ​ന്നി​ന് പ്ലാ​സ്റ്റ​ർ ഓ​ഫ് പാ​രീ​സി​ൽ പി. ​വി​നോ​ദി​ന്റ​യും കെ.​വി. രാ​ജേ​ഷി​ന്റ​യും കെ. ​വി​നേ​ഷി​ന്റെ​യും സ​ഹാ​യ​ത്തോ​ടെ മോ​ൾ​ഡ് എ​ടു​ത്തു. ഇ​ത് മെ​ഴു​കി​ൽ രൂ​പ​പ്പെ​ടു​ത്തി മാ​റ്റം വ​രാ​തെ വെ​ങ്ക​ല​ത്തി​ൽ തീ​ർ​ത്ത​പ്പോ​ൾ ശി​ൽ​പ നി​ർ​മാ​ണ മേ​ഖ​ല​യി​ൽ പു​തു​ച​രി​തം എ​ഴു​തിച്ചേർ​ക്കു​ക​യാ​യി​രു​ന്നു ഉ​ണ്ണി. ശി​ൽ​പ​ക​ല ജീ​വി​ത​ത്തി​ലെ ആ​ദ്യ​ത്തെ അ​നു​ഭ​വ​മാ​ണി​തെ​ന്ന് ഉ​ണ്ണി കാ​നാ​യി പ​റ​ഞ്ഞു.

ആ​ദ്യ ച​ര​മവാ​ർ​ഷി​ക​ദി​ന​ത്തി​ൽ പ​യ്യാ​മ്പ​ല​ത്ത് കോ​ടി​യേ​രി സ്മാ​ര​കം രൂ​പ​ക​ൽ​പ​ന ചെ​യ്യു​ന്ന തി​ര​ക്കാ​യ​തി​നാ​ൽ കോ​ടി​യേ​രി​യു​ടെ കൈ​യും കാ​ലും മെ​റ്റ​ൽ കാ​സ്റ്റ് ചെ​യ്തു കൊ​ടു​ക്കാ​ൻ ക​ഴി​ഞ്ഞി​ല്ല. ര​ണ്ടാം ച​ര​മ വാ​ർ​ഷി​ക ദി​ന​ത്തി​ലാ​ണ് അ​തു സാ​ധി​ച്ച​തെ​ന്നും ഉ​ണ്ണി പ​റ​ഞ്ഞു.

വി​നോ​ദി​നി ബാ​ല​കൃ​ഷ്ണ​നും ബി​നീ​ഷ് കോ​ടി​യേ​രി​യും മെ​റ്റ​ൽ കാ​സ്റ്റി​ങ് ശി​ൽ​പം ഏ​റ്റു​വാ​ങ്ങാ​ൻ കാ​നാ​യി​യി​ൽ എ​ത്തു​ക​യാ​യി​രു​ന്നു. വി​കാ​ര ഭ​രി​ത​മാ​യ​യ ച​ട​ങ്ങി​ൽ സി.​പി.​എം പ​യ്യ​ന്നൂ​ർ ഏ​രി​യ സെ​ക്ര​ട്ട​റി അ​ഡ്വ. സ​ന്തോ​ഷി​ൽ​നി​ന്ന് മെ​റ്റ​ൽ കാ​സ്റ്റി​ങ് ശി​ൽ​പം വി​നോ​ദി​നി ബാ​ല​കൃ​ഷ്ണ​ൻ ഏ​റ്റു​വാ​ങ്ങി.

കൂ​ടെ ബി​നീ​ഷ് കോ​ടി​യേ​രി, സി.​പി.​എം കോ​റോം ഈ​സ്റ്റ് ലോ​ക്ക​ൽ സെ​ക​ട്ട​റി വി.​വി. ഗി​രീ​ഷ്, ര​ഞ്ജി​ത്ത് മാ​ണി​യി​ൽ, കെ.​വി. രാ​ജേ​ഷ് എ​ന്നി​വ​രും ഉ​ണ്ടാ​യി​രു​ന്നു. കോ​ടി​യേ​രി​യു​ടെ വീ​ട്ടി​ലെ മ്യൂ​സി​യ​ത്തി​ലാ​യി​രി​ക്കും ഇ​ത് സ്ഥാ​പി​ക്കു​ക.