പയ്യന്നൂർ: ആറുമാസം മുമ്പ് വീടുവിട്ടിറങ്ങിയ മുൻ പ്രവാസിയായ യുവാവിനെ കണ്ടെത്താനായില്ല. കരിവെള്ളൂർ പെരളം പഞ്ചായത്തിലെ പെരളം കൊഴുമ്മലിലെ പത്മനാഭന്റെ മകൻ പി.കെ. പ്രവീണിനെനെയാണ് (38) 2022 ഡിസംബർ 16മുതൽ കാണാതായത്. പ്രവീൺ പ്രവാസ ജീവിതം അവസാനിപ്പിച്ച് നാട്ടിലെത്തുകയും പിന്നീട് ബാങ്ക് വായ്പയും മറ്റുമെടുത്ത് പശു ഫാം നടത്തിയിരുന്നു. എന്നാൽ പുതിയ തൊഴിൽ നഷ്ടത്തിലാവുകയായിരുന്നു. ഇതേ തുടർന്നുണ്ടായ സാമ്പത്തിക പ്രതിസന്ധിയാണ് പ്രവീൺ വീട് വിട്ടിറങ്ങി പോകാൻ കാരണമെന്നാണ് സഹോദരൻ പയ്യന്നൂർ പൊലീസിൽ നൽകിയ പരാതിയിൽ പറയുന്നത്. സ്വന്തം മാരുതി ആൾട്ടോ കാറുമെടുത്താണ് പ്രവീൺ പോയത്. പിന്നീട് ഈ കാർ ചെറുവത്തൂർ റെയിൽവേ സ്റ്റേഷൻ പരിസരത്ത് നിർത്തിയിട്ട നിലയിൽ കണ്ടെത്തിയിരുന്നു. ഇവിടെ നിന്നും പ്രവീൺ ട്രെയിനിൽ കയറി പോയതായാണ് സംശയിക്കുന്നത്. പിന്നീട് പ്രവീൺ ഡൽഹിയിൽ എത്തിയതായി അവിടെയുള്ള സുഹൃത്ത് പയ്യന്നൂർ പൊലീസിനെ വിളിച്ച് അറിയിച്ചിരുന്നുവെങ്കിലും പൊലീസ് നടത്തിയ അന്വേഷണത്തിൽ എവിടെയും കണ്ടെത്താനായില്ല. സൈബർ സെല്ലിന്റെ സഹായത്തോടെ നടത്തിയ അന്വേഷണവും ഫലം കണ്ടില്ല.
അതേ സമയം യുവാവിനെ കണ്ടെത്താൻ പൊലീസ് അന്വേഷണം ഊർജിതമാക്കിയിട്ടുണ്ട്. പ്രവീണിനെക്കുറിച്ച് എന്തെങ്കിലും വിവരം ലഭിക്കുന്നവർ 04985203032 ,9497935598 എന്നീ നമ്പറുകളിൽ വിവരം അറിയിക്കണമെന്ന് പയ്യന്നൂർ പൊലീസ് അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.