പയ്യന്നൂരിൽ ചരിത്രമെഴുതി വായനവീട്

പ​യ്യ​ന്നൂ​ർ: പ്ര​തി​മാ​സം 2500 പു​സ്ത​ക​ച​ർ​ച്ച​ക​ൾ, ആ​റു മാ​സ​ത്തി​നു​ള്ളി​ൽ 15000. പ​യ്യ​ന്നൂ​ർ താ​ലൂ​ക്ക് ലൈ​ബ്ര​റി കൗ​ൺ​സി​ൽ വി​ഭാ​വ​നം ചെ​യ്ത വാ​യ​ന​വീ​ട് മ​റ്റൊ​രു ച​രി​ത്ര​മാ​വു​ന്നു. ലൈ​ബ്ര​റി​ക​ൾ​ക്കു പു​റ​ത്ത് വീ​ടു​ക​ളി​ലും ക​ട​ക​ളി​ലും തൊ​ഴി​ലി​ട​ങ്ങ​ളി​ലും ലോ​ക ക്ലാ​സി​ക്കു​ക​ൾ മു​ത​ൽ വ​ർ​ത്ത​മാ​ന​കാ​ല​സാ​ഹി​ത്യ സൃ​ഷ്ടി​ക​ൾ വ​രെ വാ​യ​ന​ക്കും സം​വാ​ദ​ത്തി​നും വ​ഴി​വെ​ക്കു​മ്പോ​ൾ അ​ത് പു​സ്ത​ക​വാ​യ​ന ച​രി​ത്ര​ത്തി​ൽ പു​തി​യ അ​ധ്യാ​യ​മാ​വു​ന്നു. ഒ​രു വാ​യ​ന​വീ​ട്ടി​ൽ കു​റ​ഞ്ഞ​ത് 30 മു​ത​ൽ 50 പേ​ർ വ​രെ പ​ങ്കാ​ളി​ത്ത​മു​ണ്ടാ​ക്കാ​നാ​ണ് തീ​രു​മാ​ന​മെ​ങ്കി​ലും തു​ട​ങ്ങി​ക്ക​ഴി​ഞ്ഞ​പ്പോ​ൾ ചി​ല​യി​ട​ങ്ങ​ളി​ല​ത് 200 ലേ​ക്ക് ക​ട​ന്നു. താ​ലൂ​ക്കു​ത​ല സം​ഘാ​ട​ക സ​മി​തി​ക്ക് കീ​ഴി​ൽ 12 ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ളി​ലും 250 വാ​യ​ന​ശാ​ല​ക​ളി​ലും പ്രാ​ദേ​ശി​ക സ​മി​തി​ക​ൾ രൂ​പ​വ​ത്ക​രി​ച്ചാ​ണ് പ്ര​വ​ർ​ത്ത​നം പു​രോ​ഗ​മി​ക്കു​ന്ന​ത്. ഓ​രോ വാ​യ​ന​ശാ​ല​ക​ളി​ലും 10 വീ​തം വാ​യ​ന​വീ​ടു​ക​ൾ ഉ​ണ്ടാ​വും. ഇ​തു​വ​രെ വേ​ദി​യി​ൽ ക​യ​റാ​ത്ത സ്ത്രീ​ക​ളും തൊ​ഴി​ലാ​ളി​ക​ളും വി​ദ്യാ​ർ​ഥി​ക​ളും അ​വ​താ​ര​ക​രാ​യി മാ​റു​ന്നു​വെ​ന്ന പ്ര​ത്യേ​ക​ത​യും വാ​യ​നാ​യ​ന​ത്തി​ന് സ്വ​ന്തം.

വാ​യ​ന​യു​ടെ വ്യാ​പ​ന​വും വൈ​പു​ല്യ​വും ല​ക്ഷ്യം വെ​ച്ചാ​ണ് താ​ലൂ​ക്ക് ലൈ​ബ്ര​റി കൗ​ൺ​സി​ൽ സം​സ്ഥാ​ന​ത്ത് ആ​ദ്യ​മാ​യി ഈ ​പ​ദ്ധ​തി ന​ട​പ്പാ​ക്കു​ന്ന​ത്. താ​ലൂ​ക്കു​ത​ല​ത്തി​ൽ ടി.​ഐ. മ​ധു​സൂ​ദ​ന​ൻ എം.​എ​ൽ.​എ ചെ​യ​ർ​മാ​നും താ​ലൂ​ക്ക് ലൈ​ബ്ര​റി കൗ​ൺ​സി​ൽ സെ​ക്ര​ട്ട​റി കെ. ​ശി​വ​കു​മാ​ർ ജ​ന​റ​ൽ ക​ൺ​വീ​ന​റു​മാ​യ സ​മി​തി​യാ​ണ് പ്ര​വ​ർ​ത്ത​ന​ങ്ങ​ൾ​ക്ക് നേ​തൃ​ത്വം ന​ൽ​കു​ന്ന​ത്. ഔ​പ​ചാ​രി​ക ഉ​ദ്ഘാ​ട​നം ഞാ​യ​റാ​ഴ്ച സാ​ഹി​ത്യ​കാ​ര​ൻ സു​സ്മേ​ഷ് ച​ന്ദ്രോ​ത്ത് നി​ർ​വ​ഹി​ക്കു​മെ​ങ്കി​ലും ക​ഴി​ഞ്ഞ ഒ​രു​മാ​സ​മാ​യി വീ​ടു​ക​ളി​ലെ പു​സ്ത​ക ച​ർ​ച്ച പു​രോ​ഗ​മി​ക്കു​ക​യാ​ണ്.

ക​രി​വെ​ള്ളൂ​ർ പാ​ല​ക്കു​ന്ന് പാ​ഠ​ശാ​ല വാ​യ​ന​ശാ​ല​യു​ടെ നേ​തൃ​ത്വ​ത്തി​ൽ തൊ​ഴി​ലു​റ​പ്പ് തൊ​ഴി​ലാ​ളി​ക​ളു​ടെ വി​ശ്ര​മ​സ​മ​യ​ത്തും മ​റ്റ് തൊ​ഴി​ലി​ട​ങ്ങ​ളി​ലും പു​സ്ത​ക​ച​ർ​ച്ച ന​ട​ന്നു. പാ​ല​ക്കു​ന്നി​ലെ ബാ​ല​കൃ​ഷ്ണ​ന്റെ ചാ​യ​ക്ക​ട​യി​ൽ ന​ട​ന്ന ച​ർ​ച്ച​യി​ൽ നി​ര​വ​ധി​പേ​ർ പ​ങ്കെ​ടു​ത്തു. ചാ​യ​ക്കു​ള്ള വെ​ള്ളം വി​റ​ക​ടു​പ്പി​ൽ തി​ള​ക്കു​മ്പോ​ൾ ച​ർ​ച്ച​യി​ൽ ചൂ​ടു​പി​ടി​ച്ച​ത് ക​മ​ല സു​രയ്യ​യു​ടെ നെ​യ്പാ​യ​സ​മാ​യി​രു​ന്നു. പെ​രി​ങ്ങേ​ത്ത് ജ​യ​ദേ​വ​നാ​യി​രു​ന്നു അ​വ​താ​ര​ക​ൻ. നെ​യ്പാ​യ​സം ക​ഥ കേ​ൾ​ക്കാ​ൻ എ​ത്തി​യ​ത് സ്ഥി​രം പ​റ്റു​കാ​ർ. വാ​യ​നാ​യ​നം ചെ​യ​ർ​മാ​ൻ ശ​ശി​ധ​ര​ൻ ആ​ല​പ്പ​ട​മ്പ​നും പി. ​കു​ഞ്ഞ​മ്പു മാ​ഷും ച​ർ​ച്ച നി​യ​ന്ത്രി​ച്ചു.

കു​ട്ടി​ക്കാ​ല​ത്ത് അ​മ്മാ​വ​ന്റെ ചാ​യ​പീ​ടി​ക​യി​ൽ ന​ട​ക്കു​ന്ന നാ​ട്ടു​വ​ർ​ത്ത​മാ​ന​ത്തെ ഓ​ർ​മി​ച്ചാ​ണ് എ​ഴു​ത്തു​കാ​ര​നും അ​ധ്യാ​പ​ക അ​വാ​ർ​ഡു ജേ​താ​വു​മാ​യ കൂ​ക്കാ​നം റ​ഹ് മാ​ൻ സം​സാ​രി​ച്ച​ത്. കെ. ​അ​നി​ത, ധ​ന്യ ബാ​ബു എ​ന്നീ വ​നി​ത​ക​ളും ച​ർ​ച്ച​യി​ൽ പ​ങ്കെ​ടു​ത്തു.