ശ്രദ്ധിക്കുക! സർവിസ് റോഡ് അത്ര വലുതല്ല

പ​യ്യ​ന്നൂ​ർ: ദേ​ശീ​യ​പാ​ത വി​ക​സി​പ്പി​ക്കു​ന്ന​തി​ന്റെ ഭാ​ഗ​മാ​യി നി​ർ​മി​ച്ച സ​ർ​വി​സ് പാ​ത​യു​ടെ പ​രി​മി​തി അ​റി​യാ​തെ​യു​ള്ള ഗ​താ​ഗ​തം ക്ഷ​ണി​ച്ചു വ​രു​ത്തു​ന്ന​ത് വ​ൻ​ദു​ര​ന്തം. പാ​ത ഇ​ടു​ങ്ങി​യ​തും ബ​സ്‍സ്റ്റാ​ൻ​ഡി​ലേ​ക്കും മ​റ്റും ക​യ​റു​ന്ന​തി​നു​ള്ള പ​രി​മി​ത​മാ​യ സൗ​ക​ര്യ​വും മ​ന​സ്സിലാ​ക്കാ​തെ​യു​ള്ള ഡ്രൈ​വി​ങ്ങാ​ണ് അ​പ​ക​ട​ക്കെ​ണി​യാ​വു​ന്ന​ത്.

ഞാ​യ​റാ​ഴ്ച രാ​വി​ലെ പി​ലാ​ത്ത​റ​യി​ൽ ഉ​ണ്ടാ​യ അ​പ​ക​ടം ഈ ​പ​രി​മി​തി​യു​ടെ പ​രി​ണതി​യാ​ണെ​ന്ന് നാ​ട്ടു​കാ​ർ പ​റ​യു​ന്നു. രാ​വി​ലെ ജോ​ലി​ക്കു പോ​വു​ക​യാ​യി​രു​ന്ന യു​വാ​വി​നാ​ണ് പാ​ത​യി​ൽ ജീ​വി​തം ന​ഷ്ട​പ്പെ​ട്ട​ത്. ഒ​രു കു​ടും​ബ​ത്തി​ന്റെ പ്ര​തീ​ക്ഷ കൂ​ടി​യാ​ണ് പാ​ത​യി​ൽ പൊ​ലി​ഞ്ഞ​ത്. സ​ർ​വി​സ് റോ​ഡ് വ​ൺ​വേ​യാ​ണെ​ങ്കി​ലും വീ​തി കു​റ​വാ​ണ്. ഇ​തി​ൽ മ​റി​ക​ട​ക്കാ​നു​ള്ള ശ്ര​മം അ​പ​ക​ടം ക്ഷ​ണി​ച്ചു വ​രു​ത്തു​ന്നു.

മാ​ത്ര​മ​ല്ല, റോ​ഡ​രി​കി​ൽ വി​ക​സ​ന​പാ​ത​ക്കു വേ​ണ്ടി​യെ​ടു​ത്ത വ​ലി​യ കു​ഴി​ക​ളോ മ​ൺ​തി​ട്ട​ക​ളോ കൂ​ട്ടി​യി​ട്ട മ​ൺ​കൂ​ന​യോ ഇ​ല്ലാ​ത്ത​യി​ടം വി​ര​ളം. അ​ശ്ര​ദ്ധ​മാ​യ ഡ്രൈ​വി​ങ്ങാ​ണെ​ങ്കി​ൽ അ​പ​ക​ടം ഉ​റ​പ്പാ​ണ്. ഇ​തി​നു പു​റ​മെ ഇ​ട​ക്കി​ട​ക്ക് പാ​ത മാ​റി യാ​ത്ര ചെ​യ്യേ​ണ്ട ഭാ​ഗ​ങ്ങ​ളു​മു​ണ്ട്. ഇ​തും ബു​ദ്ധി​മു​ട്ടു​ണ്ടാ​ക്കു​ന്നു.

ഇ​ട​റോ​ഡു​ക​ൾ, ബ​സ്‍സ്റ്റാ​ൻ​ഡ് എ​ന്നി​വി​ട​ങ്ങ​ൾ​ക്കു സ​മീ​പ​ത്തെ ഹ​മ്പു​ക​ളും കെ​ണി​യൊ​രു​ക്കു​ന്നു. മി​ക്ക ഹമ്പുക​ളി​ലെ​യും അ​ട​യാ​ള​ങ്ങ​ൾ പൊ​ടി​നി​റ​ഞ്ഞ് കാ​ണാ​താ​യി.

ശ​നി​യാ​ഴ്ച ഏ​ഴി​ലോ​ടി​ന് സ​മീ​പം ച​ര​ക്കു ലോ​റി​യും ടി​പ്പ​റും കൂ​ട്ടി​യി​ടി​ച്ച് ഡ്രൈ​വ​ർ​ക്ക് പ​രി​ക്കേ​റ്റു. അ​പ​ക​ടം ദേ​ശീ​യ പാ​ത​യി​ൽ ഏ​റെ​നേ​രം ഗ​താ​ഗ​ത​ക്കു​രു​ക്കി​ന് കാ​ര​ണ​മാ​യി. പാ​ത​യി​ൽ ത​ട​സ്സ​മു​ണ്ടാ​യാ​ൽ റോ​ഡ​രി​കി​ൽ കാ​ണു​ന്ന സ്ഥ​ല​ത്തു കൂ​ടി വാ​ഹ​ന​ങ്ങ​ൾ പാ​യി​ക്കു​ന്ന​വ​രും നി​ര​വ​ധി​യാ​ണ്.

ശ​നി​യാ​ഴ്ച അ​പ​ക​ട സ​മ​യ​ത്ത് ഈ ​രീ​തി​യി​ൽ വാ​ഹ​ന​മോ​ടി​ച്ച ഡ്രൈ​വ​റെ സ്ഥ​ല​ത്തു​ണ്ടാ​യി​രു​ന്ന പ​യ്യ​ന്നൂ​ർ ഡി​വൈ.​എ​സ്.​പി താ​ക്കീ​ത് ചെ​യ്യു​ക​യു​ണ്ടാ​യി. പ​ല​പ്പോ​ഴും ഇ​ത്ത​രം ക്ഷ​മ​യി​ല്ലാ​യ്മ വ​ൻ ദു​ര​ന്ത​ത്തി​ന് കാ​ര​ണ​മാ​വു​മെ​ന്ന് പൊ​ലീ​സ് പ​റ​യു​ന്നു.