സർവിസ് സെൻറർ മാലിന്യം സ്വകാര്യ ഭൂമിയിൽ തള്ളി; കാൽലക്ഷം പിഴ

ക​ണ്ണൂ​ർ: അ​ല​ക്ഷ്യ​മാ​യി മാ​ലി​ന്യം സ്ഥാ​പ​ന​ത്തി​ന് സ​മീ​പം കൂ​ട്ടി​യി​ട്ട​തി​ന്​ ജി​ല്ല എ​ൻ​ഫോ​ഴ്സ്മെൻറ് സ്ക്വാ​ഡ് 25,000 രൂ​പ പി​ഴ ചു​മ​ത്തി​യ വാ​ഹ​ന സ​ർ​വി​സ് സെൻറ​ർ അ​തേ മാ​ലി​ന്യം സ്വ​കാ​ര്യ​ഭൂ​മി​യി​ൽ ത​ള്ളി പി​ടി​യി​ലാ​യി.

മു​ഴ​പ്പി​ല​ങ്ങാ​ട് സ്വ​കാ​ര്യ വ്യ​ക്തി​യു​ടെ പ​റ​മ്പി​ൽ മാ​ലി​ന്യം ത​ള്ളു​ന്ന​തി​നി​ട​യി​ൽ നാ​ട്ടു​കാ​ർ പ​ഞ്ചാ​യ​ത്തി​ൽ അ​റി​യി​ക്കു​ക​യാ​യി​രു​ന്നു. ജി​ല്ല എ​ൻ​ഫോ​ഴ്സ്മെ​ന്റ് സ്ക്വാ​ഡ് ക​ഴി​ഞ്ഞ​യാ​ഴ്ച​യാ​ണ് മാ​ലി​ന്യം കൂ​ട്ടി​യി​ട്ട​തി​നും അ​ശാ​സ്ത്രീ​യ​മാ​യി കൈ​കാ​ര്യം ചെ​യ്ത​തി​നും ക​ക്കാ​ട് റെ​നോ കാ​ർ ക​മ്പ​നി​യു​ടെ സ​ർ​വി​സ് സെൻറ​റി​ന് കാ​ൽ​ല​ക്ഷം രൂ​പ പി​ഴ ചു​മ​ത്തി​യ​ത്. മാ​ലി​ന്യം നീ​ക്കം ചെ​യ്യാ​നും നി​ർ​ദേ​ശി​ച്ചു.

നീ​ക്കം ചെ​യ്ത മാ​ലി​ന്യം സം​സ്ക​രി​ക്കു​ന്ന​തി​ന് സ്വ​കാ​ര്യ ഏ​ജ​ൻ​സി​ക്ക് കൈ​മാ​റി​യെ​ങ്കി​ലും ഇ​വ​ർ മു​ഴ​പ്പി​ല​ങ്ങാ​ട്ടെ സ്വ​കാ​ര്യ ഭൂ​മി​യി​ൽ ത​ള്ളു​ക​യാ​യി​രു​ന്നു. ലോ​റി​യി​ൽ കൊ​ണ്ടു​വ​ന്ന് ത​ള്ളി​യ മാ​ലി​ന്യം നാ​ട്ടു​കാ​രു​ടെ ശ്ര​ദ്ധ​യി​ൽ പെ​ട്ട് അ​റി​യി​ച്ച​തോ​ടെ പ​ഞ്ചാ​യ​ത്ത് ഹെ​ൽ​ത്ത് ഇ​ൻ​സ്പെ​ക്ട​ർ കെ.​പി. തൃ​പ്ത സ്ഥ​ല​ത്തെ​ത്തി ന​ട​പ​ടി സ്വീ​ക​രി​ച്ചു. 25,000 രൂ​പ മു​ഴ​പ്പി​ല​ങ്ങാ​ട് പ​ഞ്ചാ​യ​ത്ത് സെ​ക്ര​ട്ട​റി പി​ഴ ചു​മ​ത്തി മാ​ലി​ന്യം അ​വ​രു​ടെ ചെ​ല​വി​ൽ തി​രി​ച്ചെ​ടു​പ്പി​ച്ചു.

പ​ല സ്ഥാ​പ​ന​ങ്ങ​ളും അം​ഗീ​കാ​ര​മി​ല്ലാ​ത്ത ഏ​ജ​ൻ​സി​ക​ൾ​ക്ക് പ​ണം കൊ​ടു​ത്ത് നി​യ​മ​വി​രു​ദ്ധ​മാ​യി മാ​ലി​ന്യം കൈ​യൊ​ഴി​യു​ക​യാ​ണ് ചെ​യ്യു​ന്ന​ത്.

ഇ​ത്ത​ര​ത്തി​ലു​ള്ള​വ​രെ ക​ണ്ടെ​ത്തു​ന്ന​തി​നാ​യി ബ​ൾ​ക്ക് വേ​സ്റ്റ് കാ​റ്റ​ഗ​റി​യി​ൽ പെ​ടു​ന്ന സ്ഥാ​പ​ന​ങ്ങ​ളി​ലേ​ക്ക് ജി​ല്ല എ​ൻ​ഫോ​ഴ്സ്മെൻറ് സ്ക്വാ​ഡ് പ​രി​ശോ​ധ​ന വ്യാ​പി​പ്പി​ച്ചു. ക​ണ്ണൂ​ർ കോ​ർ​പ​റേ​ഷ​ൻ പ​രി​ധി​യി​ലെ തി​യ​റ്റ​ർ സ​മു​ച്ച​യ​ങ്ങ​ൾ, ഫ്ലാ​റ്റു​ക​ൾ എ​ന്നി​വി​ട​ങ്ങ​ളി​ൽ പ​രി​ശോ​ധ​ന ന​ട​ത്തി​യ സ്ക്വാ​ഡ് മാ​ലി​ന്യം കൊ​ണ്ടു​പോ​കു​ന്ന ഏ​ജ​ൻ​സി​ക​ളെ​ക്കു​റി​ച്ചു​ള്ള വി​വ​ര​ങ്ങ​ൾ ബ​ന്ധ​പ്പ​ട്ട​വ​രി​ൽ​നി​ന്ന് ശേ​ഖ​രി​ച്ചു. ഇ​ത്ത​രം ഏ​ജ​ൻ​സി​ക​ളു​ടെ പ്ര​വ​ർ​ത്ത​നം അ​ന്വേ​ഷി​ച്ച് നി​യ​മ​ലം​ഘ​നം ക​ണ്ടെ​ത്തി ന​ട​പ​ടി​യെ​ടു​ക്കാ​നാ​ണ് ല​ക്ഷ്യ​മി​ടു​ന്ന​ത്.