തളിപ്പറമ്പ്: 12കാരിക്കുനേരെ അശ്ലീല പ്രദർശനം നടത്തുകയും ലൈംഗികാതിക്രമത്തിന് ഇരയാക്കുകയും ചെയ്ത യുവാവിന് രണ്ടു വർഷം തടവും 10,000 രൂപ പിഴയും ശിക്ഷ വിധിച്ചു. ആലപ്പുഴ സ്വദേശി ബി. സുലൈമാൻ എന്ന സൽമാനെയാണ് തളിപ്പറമ്പ് പോക്സോ അതിവേഗ കോടതി ശിക്ഷിച്ചത്.
2018 ഒക്ടോബർ ഏഴിനാണ് പ്രായപൂർത്തിയാകാത്ത പെൺകുട്ടിക്കുനേരെ ശ്രീകണ്ഠപുരം പൊലീസ് പരിധിയിൽ ലൈംഗികാതിക്രമം നടന്നത്. ശ്രീകണ്ഠപുരത്തുനിന്ന് ഡാൻസ് ക്ലാസ് കഴിഞ്ഞ് വീട്ടിലേക്ക് നടന്നുപോകവേ ബൈക്കിൽ ഇരിക്കുകയായിരുന്ന സൽമാൻ പെൺകുട്ടിക്കുനേരെ അശ്ലീല പ്രദർശനം നടത്തുകയും ലൈംഗികച്ചുവയോടെ സംസാരിക്കുകയും ചെയ്യുകയും പേടിച്ച് ഓടിയ പെൺകുട്ടിയുടെ പിന്നാലെ ചെന്ന് ലൈംഗികാതിക്രമം നടത്തുകയും ചെയ്തുവെന്നായിരുന്നു പരാതി.
ഒക്ടോബർ ഒമ്പതിന് ശ്രീകണ്ഠപുരം എസ്.ഐ സി. പ്രകാശന്റെ നേതൃത്വത്തിൽ സൽമാനെ അറസ്റ്റ് ചെയ്യുകയും അന്വേഷണം നടത്തി റിപ്പോർട്ട് സമർപ്പിക്കുകയുമായിരുന്നു. പോക്സോ അതിവേഗ കോടതി ജഡ്ജി സി. മുജീബ് റഹ്മനാണ് ശിക്ഷ വിധിച്ചത്. പ്രോസിക്യൂഷനുവേണ്ടി അഡ്വ. ഷെറിമോൾ ജോസ് ഹാജരായി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.