റാഷിദ്
തളിപ്പറമ്പ്: തളിപ്പറമ്പിൽ ഭാര്യമാതാവിനെ തലക്കടിച്ച് കൊല്ലാൻ ശ്രമിച്ച കേസിൽ യുവാവ് അറസ്റ്റിൽ. കുറ്റിക്കോലിലെ കക്കോട്ടകത്ത് ഹൗസിൽ മുഹമ്മദ് റാഷിദി (23)നെയാണ് തളിപ്പറമ്പ് എസ്.ഐ പി.സി. സഞ്ജയ്കുമാർ അറസ്റ്റ് ചെയ്തത്. ലഹരിക്ക് അടിമയായ റാഷിദ് ഭാര്യമാതാവായ ഞാറ്റുവയലിലെ അസ്മയെ തലക്കടിച്ച് പരിക്കേൽപ്പിച്ചുവെന്നാണ് കേസ്.
കഴിഞ്ഞ ദിവസമാണ് ഭാര്യ റംസീനയുടെ ഞാറ്റുവയലിലെ വീട്ടിലെത്തി ഇയാൾ ആക്രമണം നടത്തിയത്. വീടിൻെറ ജനൽ ഗ്ലാസ് അടിച്ചു തകർക്കുകയും ചെയ്തു.
അസ്മയുടെ പരാതിയിൽ കേസെടുത്തതറിഞ്ഞ് റാഷിദ് വീടിന് തീവെക്കാൻ പദ്ധതിയിട്ടിരുന്നതായും പൊലീസ് പറയുന്നു. ഇയാൾ വീടിന് തീവെക്കാൻ മണ്ണെണ്ണ ശേഖരിച്ചിരുന്നെന്ന വിവരം അറിഞ്ഞ് എസ്.ഐ പി.സി. സഞ്ജയ്കുമാറിൻെറ നേതൃത്വത്തിൽ വീട്ടിലെത്തി പിടികൂടുകയായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.