തലശ്ശേരി: ഡി.വൈ.എഫ്‌.ഐ പ്രവർത്തകൻ യു.കെ. സലീമിനെ കുത്തിക്കൊന്ന കേസി‍െൻറ വിചാരണ അഡീഷനൽ ജില്ല സെഷൻസ്‌ കോടതി (മൂന്ന്‌) ജഡ്‌ജി ജോസ്‌ എൻ. സിറിൽ മുമ്പാകെ തുടരുന്നു. അക്രമത്തിൽ പരിക്കേറ്റ ഒന്നാം സാക്ഷി നഫ്‌നാസി‍െൻറ വിസ്‌താരം പൂർത്തിയായി. രണ്ടാം സാക്ഷി അഷീലി‍െൻറ വിസ്‌താരം തുടങ്ങി. വ്യാഴാഴ്‌ചയും വിചാരണ തുടരും. 2008 ജൂലൈ 23ന് രാത്രിയാണ്‌ ഡി.വൈ.എഫ്‌.ഐ പ്രവർത്തകൻ യു.കെ. സലീമിനെ എൻ.ഡി.എഫുകാർ കുത്തിക്കൊന്നത്‌. എട്ടുപേരാണ്‌ പ്രതികൾ. ഏഴ് പ്രതികൾ ഹാജരായി. ഒരാളുടെ കേസ്‌ ജുവനൈൽ കോടതിയുടെ പരിഗണനയിലാണ്‌. പ്രോസിക്യൂഷനുവേണ്ടി സ്‌പെഷൽ പ്രോസിക്യൂട്ടർ അഡ്വ. കെ. വിശ്വൻ ഹാജരായി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.