പൂ​ട്ടി​യി​ട്ട വീട്ടിൽ കവർച്ച: രണ്ടുപേർ അറസ്റ്റിൽ

ക​ണ്ണൂ​ർ: ത​ളാ​പ്പി​ലെ പൂ​ട്ടി​യി​ട്ട വീ​ട്ടി​ൽ​നി​ന്ന് സ്വ​ർ​ണ​വും പ​ണ​വും ക​വ​ർ​ന്ന കേ​സി​ൽ ര​ണ്ടു​പേ​ർ അ​റ​സ്റ്റി​ൽ. ഒ​ന്നാം പ്ര​തി അ​ഴീ​ക്കോ​ട് ഉ​പ്പാ​യി​ച്ചാ​ലി​ലെ റ​നീ​സ് എ​ന്ന ബ​ദ​ർ, വീ​ട് കാ​ണി​ച്ചു കൊ​ടു​ത്ത മൂ​ന്നാം പ്ര​തി എ.​വി. അ​ബ്ദു​ൽ റ​ഹീം എ​ന്നി​വ​രാ​ണ് പി​ടി​യി​ലാ​യ​ത്. ര​ണ്ടാം പ്ര​തി റ​നീ​ഷ് ഗ​ൾ​ഫി​ലേ​ക്ക് ക​ട​ന്നു. ടൗ​ൺ ഇ​ൻ​സ്​​പെ​ക്ട​ർ ശ്രീ​ജി​ത്ത് കോ​ടേ​രി​യു​ടെ നേ​തൃ​ത്വ​ത്തി​ൽ ന​ട​ത്തി​യ അ​ന്വേ​ഷ​ണ​ത്തി​ലാ​ണ് പ്ര​തി​ക​ൾ പി​ടി​യി​ലാ​യ​ത്.

ഡി​സം​ബ​ർ 30ന് ​പു​ല​ർ​ച്ച​യാ​ണ് ത​ളാ​പ്പി​ലെ ഉ​മൈ​ബ​യു​ടെ വീ​ട്ടി​ൽ ക​വ​ർ​ച്ച ന​ട​ന്ന​ത്. വി​വാ​ഹ​ത്തി​ൽ പ​​ങ്കെ​ടു​ത്ത് മ​ട​ങ്ങി​യെ​ത്തി​യ​പ്പോ​ഴാ​ണ് വീ​ടി​ന്റെ മു​ൻ​വ​ശ​ത്തെ വാ​തി​ൽ കു​ത്തി​പ്പൊ​ളി​ച്ച് ക​വ​ർ​ച്ച ന​ട​ത്തി​യ വി​വ​ര​മ​റി​ഞ്ഞ​ത്. സ്വ​ർ​ണാ​ഭ​ര​ണ​വും കോ​യി​നും ഉ​ൾ​പ്പ​ടെ 12 പ​വ​നും 88000 രൂ​പ​യും ക​വ​ർ​ന്നു​​വെ​ന്നാ​ണ് പ​രാ​തി. തൊ​ണ്ടി മു​ത​ൽ ക​ണ്ടെ​ടു​ത്തി​ട്ടി​ല്ല.

സി.​സി.​ടി.​വി ദൃ​ശ്യ​ങ്ങ​ൾ പ​രി​ശോ​ധി​ച്ചാ​ണ് പ്ര​തി​ക​ളെ പി​ടി​കൂ​ടി​യ​ത്. ക​വ​ർ​ച്ച​ക്ക് ഉ​മൈ​ബ​യു​ടെ വീ​ട് കാ​ണി​ച്ചു കൊ​ടു​ത്ത റ​ഹീം ബ​ന്ധു കൂ​ടി​യാ​ണ്. പ്ര​തി​ക​ൾ വ​ള​പ​ട്ട​ണം അ​ല​വി​ൽ ആ​റാം​കോ​ട്ട് വീ​ട്ടി​ൽ​നി​ന്ന് ര​ണ്ടു പ​വ​നോ​ളം മോ​ഷ്ടി​ച്ച​താ​യി പ്ര​തി​ക​ൾ സ​മ്മ​തി​ച്ച​താ​യി എ​സ്.​എ​ച്ച്.​ഒ ശ്രീ​ജി​ത് കൊ​ടേ​രി പ​റ​ഞ്ഞു.

പ്ര​തി​ക​ളെ കൂ​ടു​ത​ൽ ചോ​ദ്യം ചെ​യ്യാ​നു​ണ്ടെ​ന്നും അ​ദ്ദേ​ഹം അ​റി​യി​ച്ചു. എ​സ്.​ഐ​മാ​രാ​യ അ​നൂ​പ്, വി​ശാ​ഖ്, സി.​പി.​ഒ​മാ​രാ​യ നാ​സ​ർ, ബൈ​ജു, റ​മീ​സ്, ഷൈ​ജു, മി​ഥു​ൻ തു​ട​ങ്ങി​യ​വ​ർ ഉ​ൾ​പ്പെ​ടു​ന്ന സം​ഘ​മാ​ണ് പ്ര​തി​ക​ളെ പി​ടി​കൂ​ടി​യ​ത്.