കാഞ്ഞങ്ങാട്: ദേശീയപാതയിൽ മദ്യലഹരി ഓടിച്ച ലോറി സ്കൂട്ടറിന് പിന്നിലിടിച്ചു, ഡ്രൈവറെ പൊലീസ് അറസ്റ്റ് ചെയ്തു. ശനിയാഴ്ച ഉച്ചക്ക് പെരിയ കേന്ദ്ര സർവകലാശാലക്ക് മുന്നിലാണ് അപകടം.
കാഞ്ഞങ്ങാട് ഭാഗത്ത് നിന്നും കാസർകോട് ഭാഗത്തേക്ക് പോവുകയായിരുന്ന ലോറി ഇതേ ഭാഗത്തേക്ക് പോവുകയായിരുന്ന സ് കൂട്ടറിന് പിന്നിലിടിക്കുകയായിരുന്നു. യാത്രക്കാരായ പിതാവും മകനും പരിക്കേൽക്കാതെ രക്ഷപ്പെട്ടു. സംഭവം ശ്രദ്ധയിൽപ്പെട്ട നാട്ടുകാർ ലോറി തടഞ്ഞുവെച്ച് ബേക്കൽ പൊലീസിൽ വിവരം അറിയിച്ചു.
ബേക്കൽ ഇൻസ്പെക്ടർ യു.പി. വിപിൻ സ്ഥലത്തെത്തി ലോറി കസ്റ്റഡിയിലെടുത്തു. ഡ്രൈവറെ വൈദ്യ പരിശോധനക്ക് വിധേയമാക്കി. ഇതോടെ ഡ്രൈവർ മദ്യലഹരിയിലാണ് വാഹനമോടിച്ചതെന്ന് വ്യക്തമായി. ലോറി ഡ്രൈവർ പാലക്കാട് ആലത്തൂർ സ്വദേശി ബി. കൃഷ്ണനെ (42) അറസ്റ്റ് ചെയ്തു. മുന്നാട് ഞരമ്പൻകുഴിയിലെ പി. സതീഷ് (48), മകൻ ശരത്ത് എന്നിവരാണ് സ്കൂട്ടറിൽ ഉണ്ടായിരുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.