കാഞ്ഞങ്ങാട്: കോളജ് വിദ്യാർഥികൾ റോഡിൽ ഏറ്റുമുട്ടി. 20 പേർക്കെതിരെ പൊലീസ് കേസെടുത്തു. മൂന്നുപേർ സംഘർഷ സ്ഥലത്തുനിന്ന് പിടിയിലായി. മറ്റുള്ളവർ പൊലീസിനെ കണ്ട് ചിതറിയോടുകയായിരുന്നു.
മുന്നാട് പീപ്ൾസ് കോളജ് വിദ്യാർഥികളാണ് റോഡിൽ ചേരിതിരിഞ്ഞ് ഏറ്റുമുട്ടിയത്. തിങ്കളാഴ്ച വൈകീട്ട് 5.30ന് കോളജിന് മുന്നിൽ റോഡിലാണ് ഏറ്റുമുട്ടിയത്. സംഘർഷത്തിൽ കുറെ സമയം റോഡ് ഗതാഗതം തടസ്സപ്പെടുകയും ചെയ്തു. ചാമക്കൊച്ചിയിലെ മുഹമ്മദ് ജവാദ് (20), രാവണീശ്വരത്തെ ടി.വി. അക്ഷയ് (18), ചെമ്മനാടിലെ മുഹമ്മദ് ന്യൂമാൻ (20) എന്നിവരാണ് പിടിയിലായത്. കണ്ടാലറിയാവുന്ന മറ്റുള്ളവർക്കെതിരെയും ബേഡകം പൊലീസ് കേസെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.