യു​വാ​വി​നെ വ​ധി​ക്കാ​ൻ ശ്ര​മി​ച്ച കേ​സി​ൽ നാ​ലു​പേ​ർ അ​റ​സ്റ്റി​ൽ

കാ​ഞ്ഞ​ങ്ങാ​ട്: ഗ​ൾ​ഫി​ൽ നി​ന്ന്​ കൊ​ടു​ത്ത​യ​ച്ച സ്വ​ർ​ണ സ്റ്റി​ക്ക് തി​രി​ച്ചു കി​ട്ടു​ന്ന​തി​ന് യു​വാ​വി​നെ കാ​റി​ൽ ക​യ​റ്റി കൊ​ണ്ടു​പോ​യി വ​ധി​ക്കാ​ൻ ശ്ര​മി​ച്ചെ​ന്ന കേ​സി​ൽ നാ​ലു​പേ​രെ അ​റ​സ്റ്റ് ചെ​യ്തു.

സൗ​ത്ത് ചി​ത്താ​രി വാ​ണി​യം​പാ​റ ജ​ങ്​​ഷ​നി​ലെ എം. ​അ​ഷ്റ​ഫ് (35), സൗ​ത്ത് ചി​ത്താ​രി​യി​ലെ കു​ളി​ക്കാ​ട് റോ​ഡ് സി.​കെ. ഷ​ഹീ​ർ (21), നോ​ർ​ത്ത് ചി​ത്താ​രി പു​തി​യ​വ​ള​പ്പ് ഹൗ​സി​ലെ ഇ​ബ്രാ​ഹിം ഖ​ലീ​ൽ (30), പ​ട​ന്ന​യി​ലെ യാ​സ​ർ (40) എ​ന്നി​വ​രാ​ണ് അ​റ​സ്റ്റി​ലാ​യ​ത്. പൂ​ച്ച​ക്കാ​ട് ചെ​റി​യ പ​ള്ളി​ക്ക​ടു​ത്തെ എ.​പി. അ​ബ്ദു​ൽ മ​ജീ​ദി​ന് (40) നേ​രെ​യാ​ണ് ആ​ക്ര​മ​ണ​മു​ണ്ടാ​യ​ത്. സം​ഭ​വ​വു​മാ​യി ബ​ന്ധ​പ്പെ​ട്ട് ബേ​ക്ക​ൽ പൊ​ലീ​സ് ന​ര​ഹ​ത്യ ശ്ര​മ​ത്തി​ന് കേ​സെ​ടു​ത്തി​രു​ന്നു. പൂ​ച്ച​ക്കാ​ട്ടെ വീ​ട്ടി​ൽ അ​തി​ക്ര​മി​ച്ച് ക​യ​റി കാ​റി​ൽ ബ​ല​മാ​യി പി​ടി​ച്ചു​കൊ​ണ്ട് പോ​യി പ​ട​ന്ന​യി​ൽ വെ​ച്ച് ആ​ക്ര​മി​ച്ച​താ​യാ​ണ് പ​രാ​തി.

13ന് ​രാ​വി​ലെ വീ​ട്ടി​ൽ നി​ന്ന്​ കൊ​ണ്ടു​പോ​യി 14ന് ​വൈ​കീ​ട്ട് വ​രെ റി​സോ​ർ​ട്ടി​ൽ വെ​ച്ച് ഇ​രു​മ്പു​വ​ടി കൊ​ണ്ടും ഇ​ല​ക്ട്രി​ക് സ്​​റ്റി​ക് കൊ​ണ്ടും ആ​ക്ര​മി​ക്കു​ക​യാ​യി​രു​ന്നു​വെ​ന്നാ​ണ് പ​രാ​തി. പ്ര​തി​ക​ൾ ഗ​ൾ​ഫി​ൽ വെ​ച്ച് ന​ൽ​കി​യ സ്വ​ർ​ണം നാ​ട്ടി​ലെ​ത്തി​യ ശേ​ഷം തി​രി​ച്ചു ന​ൽ​കി​യി​ല്ലെ​ന്ന് പ​റ​ഞ്ഞാ​യി​രു​ന്നു ആ​ക്ര​മ​ണം. സ്വ​ർ​ണ​മോ സ്വ​ത്തോ ന​ൽ​ക​ണ​മെ​ന്ന് പ​റ​ഞ്ഞാ​യി​രു​ന്നു ആ​ക്ര​മ​ണ​മെ​ന്ന് പ​റ​യു​ന്നു. പ്ര​തി​ക​ളെ കോ​ട​തി​യി​ൽ ഹാ​ജ​രാ​ക്കി.