പൂച്ചക്കാട് ഗഫൂർ ഹാജിയുടെ മരണത്തിലെ ദുരൂഹത അകറ്റണമെന്നാവശ്യപ്പെട്ട് സ്ത്രീകൾ
നടത്തിയ ബേക്കൽ പൊലീസ് സ്റ്റേഷൻ മാർച്ച്
കാഞ്ഞങ്ങാട്: പൂച്ചക്കാട് ഗഫൂർ ഹാജിയുടെ ദുരൂഹ മരണവുമായി ബന്ധപ്പെട്ട് അന്വേഷണം ത്വരിതപ്പെടുത്തണമെന്ന ആവശ്യവുമായി സ്ത്രീകൾ ബേക്കൽ പൊലീസ് സ്റ്റേഷനിലേക്ക് മാർച്ച് നടത്തി. ആക്ഷൻ കമ്മിറ്റിയുടെ നേതൃത്വത്തിലാണ് ഇന്നലെ സ്റ്റേഷൻ മാർച്ച് സംഘടിപ്പിച്ചത്.
ഗഫൂർ ഹാജിയുടെ മരണത്തിലെ ദുരൂഹത അകറ്റുക, കുറ്റക്കാരായ പ്രതികളെ അറസ്റ്റ് ചെയ്യുക തുടങ്ങിയ ആവശ്യങ്ങൾ ഉന്നയിച്ചായിരുന്നു മാർച്ച്. മാർച്ച് നടത്തിയ കണ്ടാലറിയാവുന്ന 50 പേർക്കെതിരെ ബേക്കൽ പൊലീസ് കേസെടുത്തു. പൂച്ചക്കാട് സ്വദേശികളായ ഷക്കീല ബഷീർ, അഷുറാബി , ജയശ്രീ മാധവൻ, ഹസീന മുനീർ, നസ് നിൻ വഹാബ് തുടങ്ങിയവർക്കെതിരെയാണ് കേസ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.