യുവതി ഭർതൃവീട്ടിൽ മരിച്ചതിൽ ദുരൂഹത; പിതാവ് ഡിവൈ.എസ്.പിക്ക് പരാതി നൽകി

കാ​ഞ്ഞ​ങ്ങാ​ട് : ഭ​ർ​തൃ​വീ​ട്ടി​ൽ യു​വ​തി​യെ ജീ​വ​നൊ​ടു​ക്കി​യ നി​ല​യി​ൽ ക​ണ്ടെ​ത്തി​യ സം​ഭ​വ​ത്തി​ൽ ദു​രൂ​ഹ​ത ചൂ​ണ്ടി​ക്കാ​ട്ടി പി​താ​വ് ബേ​ക്ക​ൽ ഡി​വൈ.​എ​സ്.​പി സി.​കെ.​സു​നി​ൽ കു​മാ​റി​ന് പ​രാ​തി ന​ൽ​കി. ബേ​ഡ​കം ക​രി​വേ​ട​കം ശ​ങ്ക​രം പാ​ടി​ത​വ​ന​ത്തെ അ​ഷ്ക്ക​റി​ന്റെ ഭാ​ര്യ മു​ഹ്സി​ന (24) യു​ടെ മ​ര​ണ​ത്തി​ൽ സം​ശ​യ​മു​ന്ന​യി​ച്ച് പി​താ​വ് പ​ള്ളി​പ്പു​ഴ​യി​ലെ എ​ൻ.​പി. മു​ഹ​മ്മ​ദാ​ണ് ഭ​ർ​ത്താ​വി​നും ബ​ന്ധു​ക്ക​ൾ​ക്കു​മെ​തി​രെ​ പ​രാ​തി ന​ൽ​കി​യ​ത്. മ​ക​ൾ ഒ​രി​ക്ക​ലും ആ​ത്മ​ഹ​ത്യ ചെ​യ്യി​ല്ലെ​ന്നും അ​പ​ക​ട​പ്പെ​ടു​ത്തി​യ​താ​ണെ​ന്നും പിതാവ് പ​റ​ഞ്ഞു.

ക​ഴി​ഞ്ഞ അഞ്ചിന് ​രാ​വി​ലെ​യാ​ണ് യു​വ​തി​യെ ശ​ങ്ക​രം​പാ​ടി​യി​ലെ ഭ​ർ​തൃഗ്യ​ഹ​ത്തി​ൽ മ​രി​ച്ച​നി​ല​യി​ൽ ക​ണ്ട​ത്. കി​ട​പ്പു​മു​റി​യി​ൽ തൂ​ങ്ങി​യ യു​വ​തി​യെ കാ​സ​ർ​കോ​ട് ജ​ന​റ​ൽ ആ​ശു​പ​ത്രി​യി​ലെ​ത്തി​ച്ചെ​ന്നും മ​രി​ച്ചെ​ന്നും അ​ഷ്‍കറും വീ​ട്ടു​കാ​രും അ​റി​യി​ക്കു​ക​യാ​യി​രു​ന്നു​വെ​ന്ന് പി​താ​വ് പ​റ​ഞ്ഞു. മ​രി​ക്കു​ന്ന​തി​ന് ത​ലേ​ദി​വ​സം മു​ഹ്സി​ന ഫോ​ണി​ൽ വി​ളി​ച്ച് ഭ​ർ​തൃ​വീ​ട്ടി​ൽ​നി​ന്ന് ത​ന്നെ കൂ​ട്ടി​ക്കൊ​ണ്ടുപോ​ക​ണ​മെ​ന്നും ജീ​വ​ന് ഭീ​ഷ​ണി​യു​ണ്ടെ​ന്നും പ​റ​ഞ്ഞ​താ​യി പി​താ​വ് പ​രാ​തി​യി​ൽ വ്യ​ക്ത​മാ​ക്കി. മൂ​ന്ന് വ​ർ​ഷം മു​മ്പ് വി​വാ​ഹി​ത​യാ​യ മ​ക​ൾ ഭ​ർ​തൃ​വീ​ട്ടി​ൽ നി​ര​ന്ത​രം പീ​ഡ​ന​ത്തി​നി​ര​യാ​യ​താ​യും പ​റ​യു​ന്നു. സം​ഭ​വ​ത്തി​ൽ അ​ന്വേ​ഷ​ണം വേ​ണ​മെ​ന്നാ​ണ് ആ​വ​ശ്യം.

യു​വ​തി​ക്ക് ര​ണ്ട് വ​യ​സ്സുള്ള മ​ക​ളു​ണ്ട്. ബേ​ഡ​കം പൊ​ലീ​സ് ഇ​ൻ​ക്വ​സ്റ്റ് ന​ട​ത്തി അ​സ്വാ​ഭാ​വി​ക​മ​ര​ണ​ത്തി​ന് കേ​സെ​ടു​ത്തു. പ​രി​യാ​രം മെ​ഡി​ക്ക​ൽ കോ​ള​ജ് ആശു​പ​ത്രി​യി​ൽ മൃ​ത​ദേ​ഹം പോ​സ്റ്റ്മോ​ർ​ട്ടം ന​ട​ത്തി​യി​രു​ന്നു.