ഓപറേഷൻ ട്രഷർ ഹണ്ട്; ചെക്ക്പോസ്റ്റുകളിൽ വിജിലൻസ് മിന്നൽ പരിശോധന

കാ​ഞ്ഞ​ങ്ങാ​ട്: സം​സ്ഥാ​ന വ്യാ​പ​ക​മാ​യി ഇ​ന്ന​ലെ പുലർച്ച 5.30 മു​ത​ൽ ചെ​ക്ക്പോ​സ്റ്റു​ക​ളി​ൽ ഓ​പ​റേ​ഷ​ൻ ട്ര​ഷ​ർ ഹ​ണ്ട് എ​ന്ന പേ​രി​ൽ വി​ജി​ല​ൻ​സ് പ​രി​ശോ​ധ​ന ന​ട​ത്തി. വി​ജി​ല​ൻ​സ് ഡ​യ​റ​ക്ട​റു​ടെ നി​ർ​ദേ​ശ​പ്ര​കാ​രം ഉ​ത്ത​ര മേ​ഖ​ല വി​ജി​ല​ൻ​സ് പൊ​ലീ​സ് സൂ​പ്ര​ണ്ട് പ്ര​ജീ​ഷ് തോ​ട്ട​ത്തി​ലി​ന്‍റെ മേ​ൽ​നോ​ട്ട​ത്തി​ലാ​യി​രു​ന്നു പ​രി​ശോ​ധ​ന. ജി​ല്ല​യി​ൽ മ​ഞ്ചേ​ശ്വ​രം പെ​ർ​ള, ചെ​റു​വ​ത്തൂ​ർ ആ​ർ.​ടി.​ഒ ചെ​ക്ക് പോ​സ്റ്റു​ക​ളി​ലും ത​ല​പ്പാ​ടി ഫോ​റ​സ്റ്റ് ചെ​ക്ക്പോ​സ്റ്റി​ലും പ​രി​ശോ​ധ​ന ന​ട​ന്നു.

വി​ജി​ല​ൻ​സ് ഡി​വൈ.​എ​സ്.​പി വി.​കെ. വി​ശ്വം​ഭ​ര​ൻ നാ​യ​ർ, ഇ​ൻ​സ്പെ​ക്ട​ർ​മാ​രാ​യ സു​നു മോ​ൻ, പി. ​സു​നി​ൽ​കു​മാ​ർ എ​ന്നി​വ​ർ വി​വി​ധ സ്ഥ​ല​ങ്ങ​ളി​ലെ പ​രി​ശോ​ധ​ന​ക്ക് നേ​തൃ​ത്വം ന​ൽ​കി. വി​വി​ധ ഹ​യ​ർ സെ​ക്ക​ൻ​ഡ​റി സ്കൂ​ൾ അ​ധ്യാ​പ​ക​രാ​യ കെ.​വി. സ​ജീ​വ​ൻ, ഡൊ​മി​നി​ക് അ​ഗ​സ്​​റ്റി​ൻ, എം. ​ര​വി എ​ന്നി​വ​രും ഉ​ണ്ടാ​യി​രു​ന്നു. ചെ​റു​വ​ത്തൂ​ർ, മ​ഞ്ചേ​ശ്വ​രം ചെ​ക്ക് പോ​സ്റ്റു​ക​ളി​ൽ വാ​ഹ​ന​ങ്ങ​ളൊ​ന്നും പ​രി​ശോ​ധി​ക്കു​ന്നി​ല്ലെ​ന്ന് ക​ണ്ടെ​ത്തി. ഉ​ദ്യോ​ഗ​സ്ഥ​രി​ൽ ചി​ല​ർ അ​ന​ധി​കൃ​ത​മാ​യി ഡ്യൂ​ട്ടി​യി​ൽ നി​ന്ന് വി​ട്ട് നി​ൽ​ക്കു​ന്ന​താ​യും ക​ണ്ടെ​ത്തി. വാ​ഹ​ന​ങ്ങ​ൾ പ​രി​ശോ​ധി​ക്കാ​ത്ത​ത് മൂ​ലം സ​ർ​ക്കാ​റി​ലേ​ക്ക് ഫൈ​ൻ ഇ​ന​ത്തി​ൽ ല​ഭി​ക്കേ​ണ്ട വ​ലി​യ തു​ക ന​ഷ്ട​മാ​കു​ന്ന​താ​യി ക​ണ്ടെ​ത്തി.

മു​ൻ വ​ർ​ഷ​ങ്ങ​ളി​ൽ ദി​നം​പ്ര​തി അ​ഞ്ചു മു​ത​ൽ 10 ല​ക്ഷം രൂ​പ വ​രെ പി​ഴ ഇ​ന​ത്തി​ൽ വ​രു​മാ​ന​മു​ണ്ടാ​യി​രു​ന്ന ചെ​ക്ക്പോ​സ്റ്റു​ക​ളി​ൽ നി​ന്ന് നാ​മ​മാ​ത്ര​മാ​യ തു​ക​യാ​ണ് നി​ല​വി​ൽ ല​ഭി​ക്കു​ന്ന​ത്. ചി​ല ദി​വ​സ​ങ്ങ​ളി​ൽ ഒ​രു​രൂ​പ​യു​ടെ വ​രു​മാ​ന​വും സ​ർ​ക്കാ​റി​ലേ​ക്ക് ല​ഭി​ക്കു​ന്നി​ല്ല. പ​രി​ശോ​ധ​ന സം​ബ​ന്ധി​ച്ച വി​ശ​ദ റി​പ്പോ​ർ​ട്ട് വി​ജി​ല​ൻ​സ് ഡ​യ​റ​ക്ട​ർ​ക്ക് സ​മ​ർ​പ്പി​ക്കു​മെ​ന്ന് ഉ​ദ്യോ​ഗ​സ്ഥ​ർ പ​റ​ഞ്ഞു.