ഉദ്ഘാടനം കാത്തുകിടക്കാൻ തുടങ്ങിയിട്ട് മാസങ്ങൾ; പൊട്ടിയ പട്ടമായി ഹോസ്ദുർഗ് കൈറ്റ് ബീച്ച് പാർക്ക്

കാ​ഞ്ഞ​ങ്ങാ​ട്: ഹോ​സ്ദു​ർ​ഗ് ക​ട​പ്പു​റ​ത്ത് ഡി.​ടി.​പി.​സി നേ​തൃ​ത്വ​ത്തി​ൽ ഒ​രു കോ​ടി രൂ​പ​യോ​ളം ചെ​ല​വ​ഴി​ച്ച് നി​ർ​മാ​ണം പൂ​ർ​ത്തി​യാ​ക്കി​യ കൈ​റ്റ് ബീ​ച്ച് നോ​ക്കു​കു​ത്തി​യാ​യി. ജി​ല്ല​യി​ലെ ടൂ​റി​സം വി​ക​സ​ന​ത്തി​ന് വേ​ഗ​ത കൂ​ട്ടു​ക​യെ​ന്ന ല​ക്ഷ്യ​ത്തോ​ടെ​യാ​ണ് കൈ​റ്റ് ബീ​ച്ച് പാ​ർ​ക്ക് പൂ​ർ​ത്തി​യാ​ക്കി​യ​ത്. കൈ​റ്റ് ബീ​ച്ച് പാ​ർ​ക്ക് ഉ​ദ്ഘാ​ട​നം കാ​ത്തുകി​ട​ക്കാ​ൻ തു​ട​ങ്ങി​യി​ട്ട് മാ​സ​ങ്ങ​ളാ​യി.

കോ​വി​ഡി​ന്റെ അ​വ​സാ​ന നാ​ളു​ക​ളി​ൽ നി​ർ​മാ​ണം പൂ​ർ​ത്തി​യാ​ക്കി​യ​താ​ണ്. ടൂ​റി​സം മ​ന്ത്രി​യു​ടെ സൗ​ക​ര്യ​ത്തി​നു വേ​ണ്ടി​യാ​ണ് ഉ​ദ്ഘാ​ട​നം നീ​ളു​ന്ന​ത്. നി​ർ​മാ​ണം പൂ​ർ​ത്തി​യാ​യിക്ക​ഴി​ഞ്ഞ​തി​നു ശേ​ഷം മ​ന്ത്രി നി​ര​വ​ധി ത​വ​ണ ജി​ല്ല​യി​ലെ വി​വി​ധ പ​രി​പാ​ടി​ക​ളി​ൽ പ​ങ്കെ​ടു​ക്കാ​നെ​ത്തി​യി​രു​ന്നു​വെ​ങ്കി​ലും കൈ​റ്റ് ബീ​ച്ച് ഉ​ദ്ഘാ​ട​നം ന​ട​ക്കാ​തെ പോ​യി. ഉ​ദ്ഘാ​ട​നം ന​ട​ത്താ​തെ തു​റ​ന്നുകൊ​ടു​ക്കാ​ൻ ക​ഴി​യി​ല്ലെ​ന്നാ​ണ് അ​ധി​കൃ​ത​രു​ടെ നി​ല​പാ​ട്. ബീ​ച്ച് പാ​ർ​ക്ക് ന​ട​ത്തി​പ്പു​മാ​യി ബ​ന്ധ​പ്പെ​ട്ട ക​രാ​ർ ന​ൽ​കി ര​ണ്ടു​മാ​സം പി​ന്നി​ടു​ക​യാ​ണ്. ജി.​എ​സ്.​ടി ഉ​ൾ​പ്പെ​ടെ മാ​സം 1,20,000 രൂ​പ​ക്കാ​ണ് ന​ട​ത്തി​പ്പി​നു​ള്ള ക​രാ​ർ ന​ൽ​കി​യ​ത്. ക​രാ​ർ ന​ൽ​കി ര​ണ്ടു​മാ​സം പി​ന്നി​ടു​മ്പോ​ൾ ര​ണ്ട​ര ല​ക്ഷം രൂ​പ​യോ​ള​മാ​ണ് സ​ർ​ക്കാ​റി​ന് ന​ഷ്ട​മാ​കു​ന്ന​ത്. പാ​ർ​ക്കി​ലെ സാ​ധ​ന സാ​മ​ഗ്രി​ക​ൾ പ​രി​ച​ര​ണ​മി​ല്ലാ​തെ നാ​​ശോ​ന്മു​ഖ​മാ​കു​ന്ന അ​വ​സ്ഥ​യി​ലെ​ത്തി. മ​നോ​ഹ​ര​മാ​യ ഇ​രി​പ്പി​ട​ങ്ങ​ൾ കാ​ക്ക​ക​ളു​ൾ​പ്പെ​ടെ​യു​ള്ള പ​ക്ഷി​ക​ൾ വൃ​ത്തി ഹീ​ന​മാ​ക്കി​യ നി​ല​യി​ലു​മാ​യി.

ഭ​ക്ഷ​ണശാ​ല, സ്ത്രീ​ക​ള്‍ക്കും പു​രു​ഷ​ന്‍മാ​ര്‍ക്കു​മാ​യി പ്ര​ത്യേ​ക വി​ശ്ര​മ​മു​റി, ഭി​ന്ന​ശേ​ഷി​ക്കാ​ര്‍ക്ക് പ്ര​ത്യേ​ക ശൗചാലയം, ക​ര​കൗ​ശ​ല വ​സ്തു​ക്ക​ളു​ടെ വി​ല്‍പ​ന ശാ​ല, തീ​ര​ത്തി​​ന്റെ സൗ​ന്ദ​ര്യം ആ​സ്വ​ദി​ക്കാ​ന്‍ ക​ഴി​യുംവി​ധ​മു​ള്ള ഇ​രി​പ്പി​ട​ങ്ങ​ള്‍ തു​ട​ങ്ങി​യ സൗ​ക​ര്യ​ങ്ങ​ളാ​ണ് ഇ​വി​ടെ ഒ​രു​ക്കി​യ​ത്.

കാ​ഞ്ഞ​ങ്ങാ​ട് ഭാ​ഗ​ത്തെ​ത്തു​ന്ന​വ​ർ​ക്ക് വി​നോ​ദ​ത്തി​നു​ള്ള കേ​ന്ദ്രം കൂ​ടെ ആ ​കേ​ണ്ട​താ​ണ് കൈ​റ്റ് ബീ​ച്ച്. കാ​ഞ്ഞ​ങ്ങാ​ടി​ന്റെ തീ​ര​ദേ​ശ​ത്ത് ടൂ​റി​സം സാ​ധ്യ​ത മു​ന്നി​ൽക​ണ്ടാ​ണ് കൈ​റ്റ് ബീ​ച്ച് സ്ഥാ​പി​ച്ച​ത്.