മോഷ്ടിക്കാൻ ഷർട്ടും മുണ്ടും ധരിച്ചെത്തി; തിരികെ പോയത് പുത്തൻ പാന്റ്സും ഷർട്ടും ധരിച്ച്

കാ​ഞ്ഞ​ങ്ങാ​ട്: കാ​ഞ്ഞ​ങ്ങാ​ട് ന​ഗ​ര​മ​ധ്യ​ത്തി​ലെ അ​ന​ശ്വ​ര ഷോ​പ്പി​ങ്​ കോം​പ്ല​ക്സി​നു​ള്ളി​ലെ ചി​ത്ര വ​സ്ത്രാ​ല​യ​ത്തി​ൽ മോ​ഷ്ടാ​വ്​ ക​വ​ർ​ച്ച​ക്കെ​ത്തി​യ​ത്​ മു​ണ്ടും ഷ​ർ​ട്ടും ധ​രി​ച്ച്. എ​ന്നാ​ൽ ക​വ​ർ​ച്ച ന​ട​ത്തി തി​രി​ച്ചു​പോ​യ​താ​ക​ട്ടെ വ​സ്ത്രാ​ല​യ​ത്തി​ലെ പു​തി​യ പാ​ന്റും ഷ​ർ​ട്ടും ധ​രി​ച്ച്.

ക​ഴി​ഞ്ഞ​ദി​വ​സം പു​ല​ർ​ച്ച​യോ​ടെ​യാ​ണ് ന​ഗ​ര​മ​ധ്യ​ത്തി​ലെ ക​ട​യി​ൽ ക​വ​ർ​ച്ച ന​ട​ന്ന​ത്. ഷ​ട്ട​റി​ന്‍റെ പൂ​ട്ട് ത​ക​ർ​ത്ത മോ​ഷ്ടാ​വ് അ​ര​ല​ക്ഷം രൂ​പ​യും ഒ​രു​കെ​ട്ട് പാ​ന്റും മോ​ഷ്ടി​ച്ച ശേ​ഷം താ​ൻ ധ​രി​ച്ചി​രു​ന്ന പ​ഴ​യ ഷ​ർ​ട്ടും മു​ണ്ടും അ​ഴി​ച്ചു​മാ​റ്റി തു​ണി​ക്ക​ട​യി​ലെ പു​ത്ത​ൻ പാ​ൻ​റും ഷ​ർ​ട്ടും എ​ടു​ക്കു​ക​യും ഇ​വ ധ​രി​ക്കു​ക​യും ചെ​യ്തു.

ഇ​തി​നു​ശേ​ഷം സ്ഥ​ലം വി​ട്ടു. തൊ​ട്ട​ടു​ത്ത ക​ട​യി​ലെ സി.​സി.​ടി.​വി കാ​മ​റ​യി​ൽ പ​തി​ഞ്ഞ​താ​ണ് മോ​ഷ്ടാ​വി​ന്‍റെ ഈ ​ദൃ​ശ്യ​ങ്ങ​ൾ. ന​ഗ​ര​ത്തി​ൽ ര​ണ്ടി​ട​ത്തു​കൂ​ടി ക​വ​ർ​ച്ച ശ്ര​മം ന​ട​ന്നി​രു​ന്നു. പൊ​ലീ​സ്​ അ​ന്വേ​ഷ​ണം തു​ട​ങ്ങി.