മൻസൂർ, മുഹമ്മദ് ആദിൽ,
മുഹമ്മദ് നൗഫൽ
കാഞ്ഞങ്ങാട്: കാറിൽ കടത്തിയ എം.ഡി.എം.എയുമായി മൂന്നു പേരെ ഹോസ്ദുർഗ് പൊലീസ് അറസ്റ്റ് ചെയ്തു. അജാനൂർ ഇട്ടമ്മൽ നസ്രത്ത് കോർട്ടേഴ്സിൽ താമസിക്കുന്ന പി.എ. മൻസൂർ (22), സി. മുഹമ്മദ് ആദിൽ (27), കൊളവയലിലെ മുഹമ്മദ് നൗഫൽ (31) എന്നിവരാണ് അറസ്റ്റിലായത്.
കാഞ്ഞങ്ങാട് ഡിവൈ.എസ്.പി പി. ബാലകൃഷ്ണൻ നായർ ഇൻസ്പെക്ടർ കെ.പി. ഷൈൻ, എസ്.ഐ. ആർ. ശരത്ത് എന്നിവയുടെ നേതൃത്വത്തിലാണ് അറസ്റ്റ് ചെയ്തത്. 2.68 ഗ്രാം മയക്കുമരുന്ന് പിടിച്ചെടുത്തു. ഇഖ്ബാൽ ഹയർ സെക്കൻഡറി സ്കൂൾ ജങ്ഷനിൽനിന്ന് ഇട്ടമ്മൽ റോഡിൽനിന്നാണ് പ്രതികളെ അറസ്റ്റ് ചെയ്തത്. കാർ പൊലീസ് കസ്റ്റഡിയിലെടുത്തു. പ്രതികളെ കോടതിയിൽ ഹാജരാക്കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.