കാഞ്ഞങ്ങാട്: ഒടയംചാലിൽ വാഹന ഷോറൂമിലുണ്ടായ തീപിടിത്തത്തിൽ കമ്പ്യൂട്ടറും ഉപകരണങ്ങളും കത്തിനശിച്ചു. ഒടയംചാൽ പെട്രോൾ പമ്പിന് എതിർവശം പ്രവർത്തിക്കുന്ന ടി.വി.എസ് ഷോറൂമായ നാമൻസ് മോട്ടോഴ്സിലാണ് തീപിടിത്തമുണ്ടായത്. ശനിയാഴ്ച രാവിലെ ഏഴു മണിയോടെയാണ് ഷോറൂമിൽനിന്ന് പുക ഉയരുന്നത് സമീപത്തെ പെട്രോൾ പമ്പ് ജീവനക്കാരെൻറ ശ്രദ്ധയിൽപെട്ടത്.
ഉടൻ ഷോറും ഉടമ പെരുമ്പള തലക്കളായിയിലെ കെ. സുധീഷിനെ വിവരമറിച്ചതിനെ തുടർന്ന് സ്ഥാപനത്തിലെ ജീവനക്കാരൻ കോടോത്ത് സ്വദേശിയെ വിളിച്ചുവരുത്തി സ്ഥാപനം തുറക്കുകയായിരുന്നു. നാട്ടുകാരുടെ നേതൃത്വത്തിലാണ് തീയണച്ചത്‌.
സി.സി.ടി.വി കാമറ ഉള്ളതുകാരണം യു.പി.എസ് ഓഫാക്കാറില്ലായിരുന്നു. ഇതിൽനിന്ന് ഷോട്ട് സർക്യൂട്ട് ഉണ്ടായതാണ് തീപിടിത്തത്തിന് കാരണം. വിവരമറിഞ്ഞ് കാഞ്ഞങ്ങാടുനിന്നും അഗ്നിരക്ഷസേനയും സ്ഥലത്തെത്തിയിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.