കുമ്പള (കാസർകോട്): കർണാടകയിൽനിന്ന് ഓട്ടോയിലും ബൈക്കിലും കേരളത്തിലേക്ക് കടത്തുകയായിരുന്ന മദ്യം എക്സൈസ് സംഘം പിടികൂടി. രഹസ്യ വിവരത്തിെൻറ അടിസ്ഥാനത്തിൽ കാസർകോട് എക്സൈസ് വകുപ്പ് എൻഫോഴ്‌സ്‌മെൻറ്, അതിർത്തിയിൽ നടത്തിയ പരിശോധനയിലാണ് മദ്യം പിടികൂടിയത്.
ചൊവ്വാഴ്ച അതിരാവിലെ മുതൽ കുമ്പള എക്സൈസ് റെയ്ഞ്ച് ഉദ്യോഗസ്ഥരുടെ നേതൃത്വത്തിൽ കുഞ്ചത്തൂരിൽ വാഹന പരിശോധന ശക്തമാക്കിയിരുന്നു. ഇതിനിടയിലാണ് ഓട്ടോയിലും ബൈക്കിലുമായി കടത്തിയ 450 ടെട്രാ പാക്കറ്റുകളും 96 കുപ്പി മദ്യവും പിടികൂടിയത്. ചികിറുപാതെ ചർളയിലെ ദയാനന്ദക്കെതിരെ കേസെടുത്തു.
കുമ്പള എക്സൈസ് ഇൻസ്‌പെക്ടർ എ. അഖിലിെൻറ നേതൃത്വത്തിൽ പ്രിവൻറിവ് ഓഫിസർ പി. മോഹനൻ, സിവിൽ എക്സൈസ് ഓഫിസർമാരായ സുധീഷ് പുന്നക്കോടൻ, പ്രസന്നൻ, ശ്രീജീഷ്, സാബിത്ത്, ഡ്രൈവർ സത്യൻ എന്നിവരാണ് മദ്യം പിടികൂടിയത്.
പ്രിവൻറിവ് ഓഫിസർ പിഴ മോഹനെൻറ നേതൃത്വത്തിലുള്ള പരിശോധനയിലാണ് കുഞ്ചത്തൂർ വെച്ച് ബൈക്കിൽ കടത്തുകയായിരുന്ന 96 കുപ്പി കർണാടക മദ്യം പിടികൂടിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.