തൃക്കരിപ്പൂർ മുജമ്മഅ് ഇംഗ്ലീഷ് സ്‌കൂളിൽ കുട്ടികൾ പ്രതീകാത്മക കൂടാരങ്ങൾ ഒരുക്കിയപ്പോൾ
തൃക്കരിപ്പൂർ: ഫലസ്തീനിലെ റഫയിലെ ദുരവസ്ഥ അനുസ്മരിച്ച് സ്‌കൂൾമുറ്റം നിറയെ കൂടാരങ്ങൾ തീർത്ത് കുരുന്നുകൾ. തൃക്കരിപ്പൂർ മുജമ്മഅ് ഇംഗ്ലീഷ് സ്‌കൂളിലാണ് പുതിയ അധ്യയനവർഷാരംഭം ഫലസ്തീൻ ഐക്യദാർഢ്യത്തിൽ എത്തിച്ചേർന്നത്. ആദ്യ അസംബ്ലിയിൽ ചുവപ്പും പച്ചയും കറുപ്പും നിറങ്ങളിലുള്ള ഷാളുകൾ കസേരക്കുമേൽ വിരിച്ചാണ് ടെന്റുകളുടെ മാതൃക തയാറാക്കിയത്. സ്‌കൂളിലെ സോഷ്യൽ സയൻസ് വിഭാഗത്തിന്‍റെ നേതൃത്വത്തിൽ ഇതിനായി പ്രത്യേക അസംബ്ലിയും പ്രാർഥനയും നടത്തി. മിൻഹ മറിയം ഐക്യദാർഢ്യ പ്രതിജ്ഞ ചൊല്ലിക്കൊടുത്തു. ചെയർമാൻ എ.ബി. അബ്ദുല്ല അധ്യക്ഷത വഹിച്ചു. പ്രിൻസിപ്പൽ മുസ്തഫ ഇർഫാനി, പി.ടി.എ പ്രസിഡന്‍റ് ടി.സി. മുസമ്മിൽ, എം.വി. പുഷ്പ, അബ്ദുൽ ഖാദർ അമാനി എന്നിവർ സംസാരിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.