പറവൂർ: പുത്തൻവേലിക്കരയിൽ വീടുകയറി ആക്രമണം നടത്തിയ സംഭവത്തിൽ നാല് യുവാക്കൾ അറസ്റ്റിൽ. തുരുത്തൂർ ഉല്ലാസ്നഗർ കൈതത്തറ ആഷിക് (23), അറപ്പാട്ട് ശ്രീഹരി (20), എട്ട്യാതിപറമ്പിൽ ഗോകുൽ കൃഷ്ണ (19), വെസ്റ്റ് വെമ്പല്ലൂർ എസ്.എൻപുരം തായാട്ടുപറമ്പിൽ അതുൽകൃഷ്ണ (19) എന്നിവരാണ് അറസ്റ്റിലായത്.
തുരുത്തൂർ ഉല്ലാസ്നഗർ കൈതത്തറ ഔസോ സഞ്ജുവിെൻറ വീട്ടിൽ തിങ്കളാഴ്ച രാത്രി പത്തരയോടെ മാരകായുധങ്ങളുമായി അതിക്രമിച്ചു കയറിയാണ് ഇവർ ആക്രമണം നടത്തിയത്. വീട്ടമ്മയെയടക്കം മൂന്നുപേരെ മർദിച്ച് പരിക്കേൽപിച്ചു. വീട്ടുപകരണങ്ങൾ നശിപ്പിച്ചു.
മുൻവൈരാഗ്യമാണ് ആക്രമണത്തിന് കാരണമെന്ന് പൊലീസ് പറഞ്ഞു. സംഭവശേഷം ഒളിവിൽ പോയ ഇവരെ പാലക്കാട് അഗളിയിൽനിന്നാണ് അറസ്റ്റ് ചെയ്തത്. നാല് പേരെയും കോടതിയിൽ ഹാജരാക്കി റിമാൻഡ് ചെയ്തു.
സംഭവത്തിെൻറ പശ്ചാത്തലത്തിലും പുറത്തുനിന്നുള്ള ലഹരി വിളായാട്ടവും ഗുണ്ട പ്രവർത്തനങ്ങളും വർധിക്കുന്നതിനെതിരെയും ഉല്ലാസ്നഗർ യുവജന സംഘടന പ്രതിഷേധിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.