ചിത്രം കൊല്ലം: രണ്ട് യൂറോപ്യൻ രാജ്യങ്ങളും രണ്ട് ഇന്ത്യൻ സംസ്ഥാനങ്ങളും കടന്ന് സ്വന്തം മണ്ണിലെത്തിയതിന്‍റെ ആവേശവും ആശ്വാസവുമുണ്ട് ആനന്ദിന്. ഈ രക്ഷപ്പെടലിന് വേണ്ടി പ്രവർത്തിച്ചവരോടുള്ള നന്ദി നിറഞ്ഞ വാക്കുകളാണ് ആനന്ദിന് കൂടുതലും പറയാനുണ്ടായിരുന്നത്. റുമേനിയയിൽ നിന്ന് ഞായറാഴ്ച രാവിലെ മുംബൈയിലെത്തിയ ഇന്ത്യൻ സംഘത്തിലാണ് ചേർനിവ്ത്സിയിലെ ബുകോവിനിയൻ സ്റ്റേറ്റ് മെഡിക്കൽ യൂനിവേഴ്സിറ്റിയിലെ രണ്ടാംവർഷ വിദ്യാർഥിയായ ആനന്ദ് ഉൾപ്പെട്ടത്. 'ഇന്ത്യൻ സ്റ്റുഡന്‍റ് സൊസൈറ്റിക്കും കേന്ദ്ര- സംസ്ഥാന സർക്കാറുകൾക്കും നോർക്കയിലെയും മറ്റും ഉദ്യോഗസ്ഥരോടുമുള്ള നന്ദി പറഞ്ഞാൽ തീരില്ല. പലായനവും കാത്തിരിപ്പും യാത്രയും അനുഭവവുമൊന്നും നല്ലതായിരുന്നില്ല. എന്നാൽ, ഇന്ത്യയിൽ എത്തിയതോടെ താമസവും ഭക്ഷണവും എല്ലാം മികച്ച രീതിയിൽ തന്നെ ഒരുക്കിയിരുന്നു. ഞങ്ങളുടെ യൂനിവേഴ്സിറ്റിയിലെ ആദ്യകാല വിദ്യാർഥിയായിരുന്ന ഡോ. സുനിൽ ശർമയുടെ നേതൃത്വത്തിൽ യുക്രെയ്നിലെ ഇന്ത്യൻ സ്റ്റുഡന്‍റ് സൊസൈറ്റി നടത്തിയ പ്രവർത്തനങ്ങളാണ് ഞങ്ങൾ ഇത്രവേഗം നാട്ടിൽ എത്താൻ സഹായമായത്'. എല്ലാം സാധാരണഗതിയിലായി പഠനത്തിനായി തിരിച്ചുപോകാൻ കഴിയുമെന്ന പ്രതീക്ഷയും ആനന്ദ് പങ്കുെവച്ചു. സന്തോഷിക്കാനുള്ള നിമിഷമാണെങ്കിലും പ്രിയ സുഹൃത്തുക്കൾ ഉൾപ്പെടെ ഇനിയും ആയിരങ്ങൾ തിരിച്ചുവരാനാകാതെ യുക്രെയ്നിൽ ഉണ്ട് എന്നതോർക്കുമ്പോൾ നെഞ്ചുപിടക്കുകയാണെന്ന് ആനന്ദ് പറയുന്നു. അവരെ എത്രയും പെട്ടെന്ന് കൊണ്ടുവരാനാകണം എന്നതാണ് അച്ഛന്‍റെയും പ്രിയപ്പെട്ടവരുടെയും കൈപിടിച്ച് വീട്ടിലേക്ക് തിരികെ പോകുമ്പോൾ ആനന്ദിന് പറയാനുള്ള ഏറ്റവും പ്രധാനകാര്യവും. ഓച്ചിറ തഴവ വടക്കുംമുറി കിഴക്ക് പാലേശ്ശേരിൽ അജയഘോഷ്-അനിത ദമ്പതികളുടെ മകനാണ് ആനന്ദ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.