അഞ്ചാലുംമൂട്: ബൈപാസിലെ കടവൂർ-മങ്ങാട് പാലത്തിനുമുന്നിൽ കാറുകൾ കൂട്ടിയിടിച്ച് കുട്ടിയുൾപ്പെടെ നാലുപേർക്ക് പരിക്കേറ്റു.
തിങ്കളാഴ്ച പുലർച്ച അഞ്ചിനായിരുന്നു അപകടം. മലപ്പുറത്തുനിന്ന് തിരുവനന്തപുരത്തേക്ക് പോയ കാറും തിരുവനന്തപുരത്തുനിന്ന് കായംകുളത്തേക്ക് പോകുകയായിരുന്ന കാറുമാണ് കുട്ടിയിടിച്ചത്.
കായംകുളം സ്വദേശികളായ രാധാകൃഷ്ണൻ, ജാൻസി എന്നിവർക്കും മലപ്പുറം സ്വദേശിയായ റഊഫ്, ആറു വയസ്സുള്ള കുട്ടി എന്നിവർക്കുമാണ് പരിക്കേറ്റത്. കുട്ടിയുടെ രക്താർബുദ ചികിത്സക്കായി പോകും വഴിയാണ് അപകടം. കുട്ടിയുടെ ഇടുപ്പെല്ലിന് സാരമായി പരിക്കേറ്റു.
പരിക്കേറ്റവരെ പൊലീസും നാട്ടുകാരും ചേർന്ന് ആംബുലൻസിൽ അയത്തിലെ സ്വകാര്യാശുപത്രിയിൽ പ്രവേശിപ്പിച്ചു. അപകടത്തെ തുടർന്ന് ഗതാഗത തടസ്സമുണ്ടായി. കൺട്രോൾ റും പൊലീസെത്തി ഗതാഗതം നിയന്ത്രിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.