അഷ്​ടമുടിക്കായൽ മാലിന്യം; നടപടിയെടുക്കാത്ത ഹെൽത്​ സൂപ്പർവൈസർക്ക്​ സസ്​പെൻഷൻ

കൊ​ല്ലം: അ​ഷ്ട​മു​ടി​ക്കാ​യ​ലി​ൽ കൊ​ല്ലം കെ.​എ​സ്.​ആ​ർ.​ടി.​സി ഡി​പ്പോ പ​രി​സ​ര​ത്തു​ൾ​പ്പെ​ടെ വ​ൻ​തോ​തി​ൽ മാ​ലി​ന്യം അ​ടി​ഞ്ഞു​കൂ​ടി ദു​ർ​ഗ​ന്ധം വ​മി​ക്കു​ന്ന സ്ഥി​തി​യാ​യ​തി​ൽ ന​ട​പ​ടി​യെ​ടു​ക്കാ​ൻ രേ​ഖാ​മൂ​ലം നി​ർ​ദേ​ശം ന​ൽ​കി​യി​ട്ടും യാ​തൊ​ന്നും ചെ​യ്യാ​തി​രു​ന്ന ക്ലീ​ൻ സി​റ്റി മാ​നേ​ജ​രാ​യ ഹെ​ൽ​ത്​ സൂ​പ്പ​ർ​വൈ​സ​റെ സ​സ്​​പെ​ൻ​ഡ്​ ചെ​യ്തു. ഹെ​ൽ​ത്​ സൂ​പ്പ​ർ​വൈ​സ​ർ എ.​എ​സ്. പ്ര​മോ​ദി​നെ​യാ​ണ്​ അ​ച്ച​ട​ക്ക ന​ട​പ​ടി​യു​ടെ ഭാ​ഗ​മാ​യി അ​ന്വേ​ഷ​ണ വി​ധേ​യ​മാ​യി സ​സ്​​പെ​ൻ​ഡ്​ ചെ​യ്ത​ത്.

അ​ഷ്ട​മു​ടി​ക്കാ​യ​ലി​ന്‍റെ തീ​ര​ത്ത്​ ലി​ങ്ക്​ റോ​ഡി​ൽ നി​ന്ന് മാ​ലി​ന്യം നീ​ക്കം ചെ​യ്യു​ന്ന​തി​നും ക​ക്കൂ​സ്​ മാ​ലി​ന്യം ത​ള്ളു​ന്ന​വ​ർ​ക്ക്​ എ​തി​രെ പൊ​ലീ​സി​ൽ പ​രാ​തി ന​ൽ​കി, ന​ട​പ​ടി സ്വീ​ക​രി​ക്കു​ന്ന​തി​നും നി​ർ​ദേ​ശം ന​ൽ​കി​യി​ട്ടും യാ​തൊ​ന്നും സ്വീ​ക​രി​ച്ചി​ല്ലെ​ന്ന്​ ചൂ​ണ്ടി​ക്കാ​ട്ടി​യാ​ണ്​ അ​ച്ച​ട​ക്ക​ന​ട​പ​ടി​ക്ക്​ മേ​യ​ർ പ്ര​സ​ന്ന ഏ​ണ​സ്റ്റ്​ ഉ​ത്ത​ര​വി​ട്ട​ത്. ഇ​തി​നെ തു​ട​ർ​ന്ന്​ അ​ഡീ​ഷ​ണ​ൽ കോ​ർ​പ​റേ​ഷ​ൻ സെ​ക്ര​ട്ട​റി സ​സ്​​പെ​ൻ​ഷ​ൻ ഉ​ത്ത​ര​വ്​ ഇ​റ​ക്കു​ക​യാ​യി​രു​ന്നു.

കാ​ല​ങ്ങ​ളാ​യി അ​ഷ്ട​മു​ടി​ക്കാ​യ​ൽ വ​ലി​യ രീ​തി​യി​ൽ ക​ക്കൂ​സ്​ മാ​ലി​ന്യം ഉ​ൾ​പ്പെ​ടെ ത​ള്ളു​ന്ന​ത്​ പ​തി​വാ​ണ്. ജി​ല്ല ആ​ശു​പ​ത്രി​യി​ൽ നി​ന്നും സ്വ​കാ​ര്യ സ്ഥാ​പ​ന​ങ്ങ​ളി​ൽ നി​ന്നു​മു​ള്ള ക​ക്കൂ​സ്​ മാ​ലി​ന്യം വ​രു​ന്ന പൈ​പ്പ്​​ലൈ​ൻ പോ​ലും അ​ഷ്ട​മു​ടി​യി​ലേ​ക്കാ​ണ്​ തു​റ​ന്നു​വ​ച്ചി​രി​ക്കു​ന്ന​ത്.

പു​ള്ളി​ക്ക​ട തോ​ട്ടി​ലൂ​ടെ വ​ൻ​തോ​തി​ൽ പ്ലാ​സ്റ്റി​ക്, സെ​പ്​​റ്റി​ക്​ മാ​ലി​ന്യ​വും ഒ​ഴു​കി​യെ​ത്തു​ന്നു​ണ്ട്. പു​ള്ളി​ക്ക​ട തോ​ട്ടി​ൽ നി​ന്നു​ള്ള ഖ​ര​മാ​ലി​ന്യ​ത്തി​ന്‍റെ ഒ​ഴു​ക്ക്​ ത​ട​യാ​ൻ ഗ്രി​ൽ സ്ഥാ​പി​ച്ചി​ട്ടു​ണ്ട്. ഈ ​ഗ്രി​ല്ലി​ൽ ത​ട​യ​പ്പെ​ടു​ന്ന മാ​ലി​ന്യം കോ​രി​മാ​റ്റു​ന്ന​തി​നാ​ൽ പ്ലാ​സ്റ്റി​ക്​ ഉ​ൾ​പ്പെ​ടെ മാ​ലി​ന്യം വ​ലു​താ​യി അ​ഷ്ട​മു​ടി​യി​ൽ എ​ത്താ​തെ​ ത​ട​യാ​ൻ ക​ഴി​ഞ്ഞി​രു​ന്നു.

ക​ഴി​ഞ്ഞ അ​ഞ്ചി​നു​ണ്ടാ​യ ശ​ക്ത​മാ​യ മ​ഴ​യി​ലും കാ​റ്റി​ലും ഈ ​ഗ്രി​ൽ ത​ക​ർ​ന്ന​തോ​ടെ പു​ള്ളി​ക്ക​ട തോ​ട്ടി​ൽ​നി​ന്ന്​ മു​ഴു​വ​ൻ മാ​ലി​ന്യ​വും അ​ഷ്ട​മു​ടി കാ​യ​ലി​ലേ​ക്കൊ​ഴു​കി. ലി​ങ്ക്​ റോ​ഡ്​ മേ​ഖ​ല​യാ​കെ പ്ലാ​സ്റ്റി​ക്, ക​ക്കൂ​സ്​ മാ​ലി​ന്യം നി​റ​ഞ്ഞ്​ പ​രി​താ​പ​ക​ര​മാ​യ സ്ഥി​തി​യാ​യി. ഇ​ത്​ ശ്ര​ദ്ധ​യി​ൽ പെ​ട്ട​തോ​ടെ മാ​ലി​ന്യം നീ​ക്കു​ന്ന​തി​ന്​ ന​ട​പ​ടി​യെ​ടു​ക്കാ​ൻ ആ​റാം തി​യ​തി ത​ന്നെ മേ​യ​ർ നി​ർ​ദേ​ശം ന​ൽ​കി​യി​രു​ന്നു.

ഇ​തു​കൂ​ടാ​തെ​യാ​ണ്​ പൊ​ലീ​സി​ൽ പ​രാ​തി ന​ൽ​കാ​നും പൊ​ലീ​സി​നൊ​പ്പം പോ​യി പു​ള്ളി​ക്ക​ട തോ​ട്ടി​ൽ ക​ക്കൂ​സ്​ മാ​ലി​ന്യം നി​ക്ഷേ​പി​ക്കു​ന്ന​വ​രെ പി​ടി​ക്കു​ന്ന​തി​നും ആ​വ​ശ്യ​പ്പെ​ട്ട​ത്. ര​ണ്ട്​ ദി​വ​സ​ങ്ങ​ൾ​ക്ക്​ ശേ​ഷ​വും ഇ​ക്കാ​ര്യ​ങ്ങ​ളി​ൽ ന​ട​പ​ടി ഇ​ല്ലെ​ന്ന്​ വ​ന്ന​തോ​ടെ​യാ​ണ്​ വ്യാ​ഴാ​ഴ്ച വൈ​കി​ട്ട്​ മേ​യ​ർ സ​സ്​​പെ​ൻ​ഷ​ൻ ന​ട​പ​ടി​യി​ലേ​ക്ക്​ നീ​ങ്ങു​ക​യും വെ​ള്ളി​യാ​ഴ്ച അ​ഡീ​ഷ​ണ​ൽ സെ​ക്ര​ട്ട​റി ഉ​ത്ത​ര​വി​റ​ക്കു​ക​യും ചെ​യ്ത​ത്.

ഇ​തു​കൂ​ടാ​തെ, അ​ഷ്ട​മു​ടി​യു​ടെ പു​ന​രു​ദ്ധാ​ര​ണ​പ്ര​വ​ർ​ത്ത​ന​ങ്ങ​ൾ​ക്ക്​ ആ​വ​ശ്യ​മാ​യ​ ഡ്ര​ഡ്ജി​ങ്ങും ക്ലീ​നി​ങ്ങി​നും ന​ട​ത്തു​ന്ന​തി​ന്​ തീ​ര​ദേ​ശ വി​ക​സ​ന കോ​ർ​പ​റേ​ഷ​ന്​ ന​ഗ​ര​സ​ഞ്ച​യ പ​ദ്ധ​തി​യി​ൽ നി​ന്ന്​ നാ​ല്​ കോ​ടി രൂ​പ​യി​ല​ധി​കം കൈ​മാ​റാ​ൻ നി​ർ​ദേ​ശി​ച്ചി​ട്ട്​ മാ​സ​ങ്ങ​ൾ ആ​യി​ട്ടും ഉ​ദ്യോ​ഗ​സ്ഥ​ർ കൈ​മാ​റാ​ത്ത സ്ഥി​തി​യു​മു​ണ്ട്. കാ​യ​ലി​ൽ നി​ന്ന്​ സ്ഥി​ര​മാ​യി മാ​ലി​ന്യം നീ​ക്കാ​ൻ സം​വി​ധാ​ന​മൊ​രു​ക്കാ​ൻ ടെ​ൻ​ഡ​ർ വി​ളി​ക്കാ​ൻ ന​ട​പ​ടി സ്വീ​ക​രി​ക്കാ​ൻ നി​ർ​ദേ​ശം ന​ൽ​കി​യി​ട്ട്​ ​പോ​ലും അ​തി​നാ​യി ഇ​തു​വ​രെ യാ​തൊ​രു നീ​ക്ക​വും ഉ​ദ്യോ​ഗ​സ്ഥ​ർ ന​ട​ത്തി​യി​ല്ല.

താ​ൽ​കാ​ലി​ക അ​ടി​സ്ഥാ​ന​ത്തി​ൽ വ​ള്ള​ത്തി​ൽ തൊ​ഴി​ലാ​ളി​ക​ളെ വ​ച്ച്​ 400 കി​ലോ​യോ​​ളം ഖ​ര​മാ​ലി​ന്യം നീ​ക്കി​യി​രു​ന്നു. എ​ന്നാ​ൽ, ഇ​വ​രെ​യും ഏ​താ​നും ദി​വ​സ​ങ്ങ​ൾ​ക്ക​കം മ​തി​യാ​യ വേ​ത​നം പോ​ലും ന​ൽ​കാ​തെ ഉ​ദ്യോ​ഗ​സ്ഥ​ർ പ​റ​ഞ്ഞു​വി​ട്ട​താ​യും ആ​രോ​പ​ണ​മു​ണ്ട്. അ​ഷ്ട​മു​ടി വി​ഷ​യ​ത്തി​ൽ ഇ​ത്ത​ര​ത്തി​ൽ തു​ട​രു​ന്ന ഉ​ദാ​സീ​ന നി​ല​പാ​ട്​ സം​ബ​ന്ധി​ച്ച്​ കോ​ർ​പ​റേ​ഷ​ൻ സെ​ക്ര​ട്ട​റി​ക്കും അ​ഡീ​ഷ​ണ​ൽ സെ​ക്ര​ട്ട​റി​ക്കും എ​തി​രെ മേ​യ​ർ സ​ർ​ക്കാ​രി​ന്​ റി​പ്പോ​ർ​ട്ട്​ ന​ൽ​കി​യി​ട്ടു​ണ്ട്.