നാസറുദ്ദീൻകുട്ടി
ശാസ്താംകോട്ട: ചുമടെടുത്ത് കുടുംബം പോറ്റുന്ന തൊഴിലാളിക്ക് സംസ്ഥാന സർക്കാറിന്റെ തൊഴിലാളി ശ്രേഷ്ഠ പുരസ്കാരം. മൈനാഗപ്പള്ളി വേങ്ങ കാട്ടിൽ പറമ്പിൽ കിഴക്കതിൽ നാസറുദ്ദീൻകുട്ടിയാണ് (42) സംസ്ഥാന സർക്കാർ ഏർപ്പെടുത്തിയ പ്രഥമ തൊഴിലാളി ശ്രേഷ്ഠ പുരസ്കാരത്തിന് ചുമട്ടു തൊഴിലാളി വിഭാഗത്തിൽ അർഹനായത്.
മാതൃകപരമായി ചുമട്ടുതൊഴിൽ ചെയ്യുന്നതും പെരുമാറ്റത്തിലെ മാന്യതയുമാണ് നാസറുദ്ദീൻ കുട്ടിയുടെ പേര് പുരസ്കാരത്തിനായി നിർദേശിക്കാൻ സഹായകമായത്. അസംഘടിതമേഖലയിലെ തൊഴിലാളികളെ 15 വിഭാഗങ്ങളായി തിരിച്ച് നൽകുന്ന പുരസ്കാരത്തിൽ ചുമട്ടുതൊഴിലാളി വിഭാഗത്തിലാണ് നാസറുദ്ദീൻകുട്ടി തെരഞ്ഞെടുക്കപ്പെട്ടത്.
കുന്നത്തൂർ താലൂക്ക് ഭക്ഷ്യ ഭദ്രതാ ഗോഡൗണിലെ തൊഴിലാളിയാണ്. തിരുവനന്തപുരത്ത് വെള്ളിയാഴ്ച നടക്കുന്ന ചടങ്ങിൽ മന്ത്രി ടി.പി. രാമകൃഷ്ണനിൽനിന്ന് പുരസ്കാരം ഏറ്റുവാങ്ങും. ഒരു ലക്ഷം രൂപയും പ്രശസ്തിപത്രവും ആണ് പുരസ്കാരം. രാജ്യത്ത് ആദ്യമായാണ് അസംഘടിതമേഖലയിലെ തൊഴിലാളികൾക്ക് പുരസ്കാരം ഏർപ്പെടുത്തുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.