പിടിയിലായ യുവതികൾ
ഇരവിപുരം: മുക്കുപണ്ടം പണയംവെച്ച് സ്വകാര്യ ധനകാര്യ സ്ഥാപനത്തിൽനിന്ന് പണം തട്ടിയെടുക്കാൻ ശ്രമിച്ച സഹോദരിമാർ പിടിയിൽ. ആലുംമൂട് ചെറിയേല ചരുവിളവീട്ടിൽ ഗീത (43), ഗിരിജ (42) എന്നിവരാണ് ഇരവിപുരം പൊലീസിന്റെ പിടിയിലായത്.
കഴിഞ്ഞദിവസം വൈകീട്ട് 3.45ഓടെ പുന്തലത്താഴത്തെ സ്വകാര്യ ധനകാര്യ സ്ഥാപനത്തിൽ 916 മുദ്ര പതിപ്പിച്ചിട്ടുള്ള 13 ഗ്രാം മുക്കുപണ്ടം പണയംവെക്കാനാണ് ഇരുവരും എത്തിയത്. സംശയംതോന്നി നടത്തിയ പരിശോധനയിൽ 916 മുദ്ര പതിപ്പിച്ച സ്വർണത്തകിട് വിളക്കി ചേർത്തതാണെന്ന് കണ്ടെത്തുകയായിരുന്നു. തുടർന്നായിരുന്നു അറസ്റ്റ്. ഇരവിപുരം ഇൻസ്പെക്ടർ രാജീവിന്റെ നിർദേശാനുസരണം എസ്.ഐ ജയേഷിന്റെ നേതൃത്വത്തിൽ സി.പി.ഒമാരായ രാജേശ്വരി, അമ്പു എന്നിവർ ചേർന്നാണ് പ്രതികളെ അറസ്റ്റ് ചെയ്തത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.